சர்க்கரை நோயை கட்டுப்படுத்தும் பழங்கள்!

பழவகை உணவுகளை அதிகம் சாப்பிடுவதன் மூலமாக, சர்க்கரை நோயை வெகுவாகக் குறைக்க முடியும் என ஆய்வில் தெரியவந்துள்ளது.

வயது வித்தியாசம் இன்றி, நாள்தோறும் பலர் சர்க்கரை நோயால் பாதிக்கப்படுவது தொடர்கதையாகியுள்ளது. இதற்கு, உணவுப்பழக்கமே அடிப்படை காரணமாகக் கூறப்படுகிறது.

இதன் அடிப்படையில், இயற்கை வகை உணவுப்பொருட்களை அதிகம் சாப்பிடுவதற்கும், சர்க்கரை நோய்க்கும் உள்ள தொடர்பு பற்றி, ஆக்ஸ்ஃபோர்டு பல்கலைக்கழக பேராசிரியர்கள் குழு ஒன்று ஆய்வு செய்து, அதன் முடிவுகளை வெளியிட்டுள்ளது.

அதில், இயற்கையான அதுவும் செடியில் இருந்து பறிக்கப்பட்டு சில நாட்களே ஆன பழ வகைகளை, வாரத்திற்கு 5 நாட்கள் சாப்பிடுவதன் மூலமாக, சர்க்கரை நோயை, 17% வரை குறைக்க முடியும் என, உறுதியாகியுள்ளது.

சர்க்கரை நோயால் ஏற்படும் உயிரிழப்புகளை குறைக்கவும் பழங்கள் உதவுகின்றன. இது மட்டுமின்றி, ரத்த ஓட்டத்தை சீராக்குதல், செரிமான பிரச்னையை போக்குதல், மாரடைப்பு அறிகுறிகளை தடுப்பது, சிறுநீரகச் செயல்பாட்டை பாதுகாப்பது, கண்கள் மற்றும் நரம்பு தொடர்பான நோய்களை நீக்குவது என, பழங்களின் மருத்துவ குணங்களைப் பட்டியலிட்டுக் கொண்டே செல்லலாம் எனக் கூறும் பேராசிரியர்கள், இயற்கை நமக்கு வழங்கிய சிறந்த கொடையான பழங்களை பயன்படுத்தி, உடல்நலத்தை மேம்படுத்துவோம் என்றும் தெரிவித்துள்ளனர்.

London: Want to lower the risk of diabetes? Well, a new study has showed that eating a bowl of fresh fruits daily may reduce the risk of developing the disease by 12 per cent.