கேரட்
பருவநிலை காலங்களில் நமக்கு ஏற்படும் பிரச்சனைகளை சரி செய்ய பருவகால காய்கறிகள் உதவுகின்றன. அப்படியான ஒரு காய்கறியாக கேரட் உள்ளது. கேரட் பல நன்மைகளை கொண்டுள்ளது. சில நேரங்களில் பருவநிலை மாற்றம் காரணமாக கேரட்டில் அதன் மேற்பகுதியில் வெள்ளை நிறத்தில் படலம் போல் உருவாகி இருப்பதை நீங்கள் பார்க்கலாம். சிலர் அந்த அடுக்குகளைக் கண்டு குழப்பமடைகின்றனர். சிலர் இதை குளோரின் என நினைக்கின்றனர். ஆனால் அது என்ன என்பது பற்றி நிபுணர்கள் சில விளக்கங்களை அளிக்கின்றனர்.
வெள்ளை அடுக்கு ஏற்படுவதற்கான காரணங்கள்
கேரட் சிறியதாக இருக்கும்போது சமயத்தில் அதன் வெளிப்புற அடுக்கில் ஈரப்பதத்தை இழக்கிறது. ஈரப்பதம் இழப்பால் ஒளியானது கேரட்டில் ஏற்படுத்தும் தாக்கம் காரணமாக கேரட்டின் வெளிப்புற தோல் வெண்மையாக்குகிறது. கேரட்டின் தோல்கள் சேதமடைந்திருந்தால் கூட இந்த விளைவுகள் ஏற்படுவதற்கு வாய்ப்புள்ளது.
இந்த விளைவுகள் அதிகபட்சம் சின்ன கேரட்டுகள் அல்லது பிஞ்சு கேரட்டுகளில் ஏற்படுகின்றன, ஏனெனில் அவை மற்ற கேரட்டுகளை போல் அல்லாமல் சீக்கிரமாக உலர்ந்துவிடுகின்றன. பிஞ்சு கேரட்டுகளில் தோலில் பாதுகாப்பு அமைப்பு இல்லாததே இதற்கு காரணமாக உள்ளது.
பெருசா ரிஸ்க் எடுக்காம 35 கிலோ குறைத்த பெண்... ஆனா 3 வேளையும் இதுதான் சாப்பிட்டாங்களாம்..
உடலுக்கு தீங்கு விளைவிக்க கூடியதா?
சிலர் இந்த வெள்ளை அடுக்கு உள்ள கேரட்டுகள் மனிதர்களுக்கு தீங்கு விளைவிக்க கூடியது என நினைக்கின்றனர். ஆனால் அது உண்மையில்லை, பிஞ்சு கேரட்டுகளில் நீரிழப்பு ஏற்படும்போது இந்த பிரச்சனைகள் ஏற்படுகின்றன. எனவே இந்த சமயத்தில் நாம் அந்த கேரட்டுகளை தண்ணீரில் ஊற வைக்க வேண்டும். சிலர் வெள்ளை நிறத்தில் கேரட் இருப்பது அது கெட்டு போனதற்கான அறிகுறி என நினைக்கின்றனர். ஆனால் அது கேரட்டில் ஏற்பட்ட நீரிழப்பே தவிர வேறு ஒன்றும் இல்லை.
முகம் தங்கம் மாதிரி மின்ன ஆரஞ்சு தோல்... இந்த 5 பேஸ்பேக்ல எதாவது ஒன்னு யூஸ் பண்ணா போதும்...
கேரட் சாப்பிட சிறந்த வழி
கேரட்டை எப்படி சாப்பிடுவதன் மூலம் அதன் முழு சத்தையும் பெற முடியும்? என்னும் கேள்விக்கு ஊட்டச்சத்து நிபுணர்கள் விடையளிக்கின்றனர். நார்ச்சத்து நிறைந்த கேரட்டை சாலட் வடிவில் பச்சையாகவே உட்கொள்ளலாம். ஆனால் மற்ற காய்கறிகளை விட கேரட் மிக மெதுவாகவே செரிமானம் அடைகிறது. இதனால் முதியவர்களுக்கு கேரட்டை பச்சையாக கொடுக்க முடியாது. எனவே அதில் மிளகு, உப்பு மற்றும் எலுமிச்சை சாறு சேர்த்து அரைத்து அவர்களுக்கு சுவையாக வழங்கலாம்.
எனவே கேரட்டில் ஏற்படும் வெள்ளைப் படலமானது நமக்கு எந்த விதமான பாதிப்பையும் ஏற்படுத்தாது. எனவே நாம் அவற்றை தைரியமாக உண்ணலாம்.