க்ரில் செய்த சிக்கன் (அ) மீன் நல்லதா?
எண்ணெயில் பொரிக்கப்படும் சிக்கன் அல்லது மீன் எடுத்துக் கொள்வதற்கு பதிலாக எண்ணெய் அதிகம் சேர்க்கப்படாமல் க்ரில் செய்யப்பட்டு எடுத்துக் கொள்வது ஆரோக்கியமான சாய்ஸ்.
க்ரில் செய்யப்படும் போது அந்த மாமிசங்களில் இருக்கிற கொழுப்புகள் உருகி வெளியேறிவிடும். மேலும் க்ரில் செய்யும்போது நாமும் அதிகமாக எண்ணெய் அல்லது பட்டர் சேர்க்க வேண்டிய தேவை இருக்காது. அதனால் சிக்கன் மற்றும் மீனில் உள்ள முழு ஊட்டச்சத்துக்களும் வெளியேறாமல் நமக்கு அப்படியே கிடைக்கும்.
கலோரி அளவுகள் குறையும்
மீன், சிக்கன் இரண்டில் எதுவாக இருந்தாலும் க்ரில் செய்யப்படும் போது கொழுப்பின் அளவு குறைவதால் கலோரி அளவுகளிலும் மாற்றங்கள் இருக்கும். மிகக் குறைந்த அளவு கலோரிகளில் அதிக அளவு ஊட்டச்சத்துக்கள் கிடைக்கும். இதனால் இயல்பாகவே உடல் எடை குறைய ஆரம்பிக்கும்.
உடல் எடையைக் குறைப்பதற்கான பெஸ்ட் டயட்டுகள் என்னென்ன?...
மீன் vs சிக்கன் - ஊட்டச்சத்துக்கள்
சிக்கன் மற்றும் மீன் இரண்டிலுமே நம்முடைய உடலுக்குத் தேவையான புரதச் சத்துக்கள் கிடைக்கின்றன. மீனை விட சிக்கனில் புரதங்கள் அதிகம். அதேபோல சிக்கனில் இல்லாத ஒமேகா 3 கொழுப்பு அமிலங்கள் மீனில் இருக்கின்றன.
மற்ற சிவப்பு இறைச்சி ஆகியவற்றை ஒப்பிடும்போது சிக்கன், மீன் இரண்டிலுமே ஊட்டச்சத்துக்கள் அதிகம் தான். இரண்டுமே தினசரி உணவில் எடுத்துக் கொள்வதால் நிறைய ஆரோக்கிய நன்மைகளைப் பெற முடியும்.
ஊட்டச்சத்து நிபுணர்களின் சாய்ஸ் - மீன் (அ) சிக்கன்
பெரும்பாலான டயட் மற்றும் ஊட்டச்சத்து நிபுணர்கள் எடையை குறைக்க நினைப்பவர்கள் தங்களுடைய அன்றாட உணவில் சிக்கன், மீன் இரண்டையுமே சேர்த்துக் கொள்ள பரிந்துரை செய்கிறார்கள்.
அசைவ உணவு சாப்பிடுகிறவர்களுக்கு இந்த இரண்டு உணவுகளின் வாயிலாக நிறைய ஊட்டச்சத்துக்கள் கிடைக்கின்றன. குறிப்பாக உங்களுடைய டயட்டை பேலன்ஸ்டு டயட்டாக மாற்றுவதற்கு இவை இரண்டும் உதவும்.
இரண்டிலும் வெவ்வேறு வகையான நன்மைகள் நிறைந்திருக்கத் தான் செய்கின்றன.
வழக்கமா சாப்பிடற உணவோடு இந்த 5 சூப்பர் உணவுகளை சேர்த்துகோங்க... எடை கிடுகிடுனு குறையும்...
மீன் சாப்பிடுவது எடை குறைப்பிற்கு எவ்வளவு நல்லது?
நியூட்ரிஷன் மெட்டபாலிசம் கார்டியோ வாஸ்குலர் ஆய்விதழின் journal of Nutrition, Metabolism, and Cardiovascular Diseases வெளியிட்டுள்ளRole of omega-3 fatty acids in obesity, metabolic syndrome, and cardiovascular diseases: a review of the evidence என்னும் ஆய்வுக் கட்டுரையில் மற்ற அசைவ உணவுகளைக் காட்டிலும் மீன் ஆரோக்கியம் மிக்க உணவு என்றும் உடல் பருமன் உள்ளவர்களுக்கு மிக வேகமாக எடையைக் குறைக்க உதவும் உணவு என்றும் குறிப்பிடுகிறது.
மேலும் அந்த ஆய்வில் மற்ற அசைவ உணவுகளை எடுத்துக் கொள்பவர்களை விட மீன் அதிகமாக எடுத்துக் கொள்பவர்கள் எட்டு வாரங்களுக்குள்ளாக வேகமாக உடல் எடையைக் குறைத்திருக்கிறார்கள் என்றும் கூறுகிறது. ஆகையால் உடல் எடையைக் குறைக்க நினைப்பவர்கள் வாரத்திற்கு மூன்று நாட்கள் மீன் உணவு எடுத்துக் கொள்ளும்படி ஆய்வில் கூறப்படுகிறது.
மீன் சாப்பிடுவதால் உண்டாகும் நன்மைகள்
மீன் உணவு அதிகமாக எடுத்துக் கொள்வதால் கிடைக்கும் முதல் பலன், மற்ற உணவுகளை காட்டிலும் மீனில் ஒமேகா 3 கொழுப்பு அமிலங்கள் அதிகம். இந்த ஒமேகா 3 யை நம்முடைய உடலால் இயற்கையாக உற்பத்தி செய்ய முடியாது.
ஒமேகா 3 கொழுப்பு அமிலங்கள் உடலில் எந்தவித தொற்றுக்களும் ஏற்படாமல் பார்த்துக் கொள்வதோடு மன அழுத்தத்தைக் குறைப்பதில் முக்கிய பங்கு வகிக்கிறது.
மற்ற உணவுகளில் உள்ள புரதத்தை விட இதிலுள்ள புரதங்கள், நீண்ட நேரத்திற்கு பசி எடுக்காமல் வயிறு நிரம்பிய உணர்வைத் தரும்.
லீன் மீட் வகையைச் சேர்ந்த மீன் தசை வளர்ச்சியை மேம்படுத்த உதவுவதோடு உடலின் எனர்ஜியை தக்க வைக்க உதவுகிறது. ஆனால் மற்ற அசைவ உணவுகளை விட புரதம் குறைவான அளவில் இருக்கும் சில மீன் வகைகளில் கொழுப்புகள் அதிகமாக இருக்கும்.
அதனால் என்ன மாதிரியான மீனை தேர்வு செய்ய வேண்டும் என்பதில் கொஞ்சம் கூடுதலாக கவனம் செலுத்த வேண்டியது அவசியம்.
செய்திகளை உடனுக்குடன் படிக்க கூகுள் நியூஸ்ல் 'சமயம் தமிழ்' இணையதளத்தை பின் தொடருங்கள்
சிக்கன் எடை இழப்புக்கு எப்படி உதவும்?
அசைவ உணவை விரும்பி சாப்பிடுகிறவர்களில் அதிகம் பேருக்கு பிடித்தது சிக்கன் தான். குறிப்பாக எடையைக் கட்டுக்குள் வைக்க நினைப்பவர்கள் அதிகமாக தங்களுடைய டயட்டில் சிக்கனை தான் சேர்த்துக் கொள்கிறார்கள்.
சிக்கனில் பல்வேறு வகையான ஊட்டச்சத்துக்கள் நிறைந்திருக்கின்றன. அதிகப்படியான புரதமும் மிகக் குறைவான கொழுப்பும் இருப்பதோடு செலீனியம், பாஸ்பரஸ், நியாசின், அதிக அளவிலான வைட்டமின் பி6 ஆகியவை நிறைந்திருக்கின்றன. இவை அனைத்தும் எடையைக் குறைக்க உதவுவதோடு ஆரோக்கியமாகவும் ஃபிட்டாகவும் வைத்திருக்க உதவுகிறது.
தொடர்ச்சியாக சிக்கனை உணவில் சேர்த்துக் கொண்டே வரும்போது, எலும்புகளை உறுதியாக்கி உடலின் தசை வளர்ச்சியை மேம்படுத்தச் செய்கிறது. குறிப்பாக சிக்கனின் மார்பு பகுதி மற்ற பகுதியை விட ஆரோக்கியம் நிறைந்தது. ஆனால் எடையைக் குறைக்க நினைப்பவர்கள் சிக்கனில் கொழுப்பு நிறைந்த தோலை (skinless) நீக்கிவிட்டு தான் சாப்பிட வேண்டும்.
சிக்கன் அல்லது மீன் இரண்டுமே எடை குறைப்பிற்கு நல்லது தான். எப்படி அவற்றை முறைப்படுத்தி உணவில் சேர்த்துக் கொள்கிறோம் என்பதில் கவனம் செலுத்தினால் போதுமானது.