மஞ்சள் சேர்த்த பொருள்கள்
டீ குடிக்கும் போது எந்த மாதிரியான பொருட்களை சாப்பிடக் கூடாது என்பதை முதலில் தெரிந்து கொள்ளலாம். சூடான பானத்தில் மஞ்சள் சேர்த்து சாப்பிடக் கூடாது மிதமான சூட்டில் மட்டுமே சாப்பிட வேண்டும்.
மஞ்சளில் உள்ள குர்குமின் போன்ற ரசாயனங்களை சூடான பானத்தில் எடுத்துக் கொள்ளும்போது செரிமான அமைப்புக்கு தீங்கு உண்டாகும் எனவே இதனை தவிர்க்கவும்.
உணவிற்கு பின் டீ குடிப்பது
நம்மில் நிறைய பேருக்கு இந்த பழக்கம் இருக்கும். உணவு சாப்பிட்டு முடித்ததும் ஒரு டீ அல்லது காபி குடிக்கிற பழக்கம் இருக்கும். இது மிகவும் தவறான பழக்கம். குறிப்பாக மதிய உணவுக்குப் பின்பு டீ குடிக்கவே கூடாது. அது ஆரோக்கியத்தில் மிகப்பெரிய பிரச்சினையை ஏற்படுத்தும். ஏனெனில் தேநீரில் உள்ள டானின்கள் மற்றும் ஆக்சிலேட்டுகள் நம்முடைய உணவில் உள்ள இரும்புச்சத்தை உறிஞ்ச விடாமல் செய்து விடும்.
போதிய அளவு தினமும் உடற்பயிற்சி செய்கிறவர்கள் மற்றும் ஜீரண சக்தியை மேம்படுத்த நினைப்பவர்கள் மதிய உணவுக்குப் பின்பு வேண்டுமானால் லெமன் டீயை எடுத்துக் கொள்ளலாம்.
டீயுடன் பஜ்ஜி, போண்டா
நம்மில் பல பேருக்கு டீயுடன் சேர்த்து பஜ்ஜி, வடை போன்ற உணவுகளை சாப்பிடுவது மிகவும் பிடிக்கும்.
இவ்வாறான எண்ணெய் உணவுகளைச் சாப்பிட்டால் உடல் நலத்திற்கு மிகவும் கேடு தான்.
தேநீர் அல்லது காபியுடன் கடலை மாவில் செய்யப்பட்ட பலகாரங்களை சாப்பிடும்போது உடல் ஆரோக்கியத்திற்கு மிக மோசமான பாதிப்பை ஏற்படுத்தும்.
காலையில் லெமன் குடிக்கலாமா?
காலை எழுந்ததும் வெறும் வயிற்றில் லெமன் டீ குடிப்பதை தவிர்ப்பது நல்லது. ஏனெனில் வெறும் வயிற்றில் தேயிலையுடன் சிட்ரிக் அமிலம் நிறைந்த எலுமிச்சையை சேர்த்து எடுத்துக் கொள்வது அவ்வளவு நல்லதல்ல.
அது குடலில் அமிலத்தன்மையை அதிகரிக்கச் செய்துவிடும். அதனால் வயிறு உப்பியது போன்ற உணர்வு, வயிறு வீக்கம் ஆகியவை உண்டாகும்.