மது அருந்தியபின் என்னென்ன உணவுகளை சாப்பிடவே கூடாது...

மது அருந்திய பிறகு உணவு உண்பதில் ஏன் கவனமாக இருக்க வேண்டும். இயற்கையாகவே மது அருந்துவதன் விளைவாக, நம்முடைய உடலில் அதிக அளவில் அமிலத்தன்மை அதிகமாக உற்பத்தியாகிறது. அதனால் அந்த சமயங்களில் எடுத்துக் கொள்ளும் உணவுகளில் கொஞ்சம் கூடுதல் கவனம் செலுத்த வேண்டிய அவசியம். அப்படி கவனமாக இருக்கும்போது வயிற்றினை பல்வேறு

தொந்தரவுகளிலிருந்து பாதுகாப்பதற்கு பெரிதும் உதவுகிறது.

வயிறு என்பது மிகவும் சென்சிட்டிவான பகுதியாகும். நாம் உண்ணும் உணவிலுள்ள ஊட்டச்சத்துக்களை உடல் முழுவதும் எடுத்துச் செல்வதில் வயிறு மிக முக்கியப் பங்கு வகிக்கிறது. மது அருந்திய பிறகு நாம் உண்ணும் உணவுகள் ஏற்புடையதாக இல்லாமல் இருந்தால் அது பெரும் பாதிப்பை ஏற்படுத்தி விடும். குறிப்பாக, இரவு நேரங்களில் உணவுகளை எடுத்துக் கொள்ளும் போது இன்னும் கூடுதலாக உணவைத் தேர்வு செய்வதில் கவனம் செலுத்துவது நல்லது.

இயல்பாகவே பர்கர் என்பது அதிக கலோரிகள் கொண்ட ஓர் உணவு. இது பசியை கட்டுப்படுத்தும் தன்மை கொண்டது. அதனால் மருந்து அருந்துவதற்கு முன்பு பர்கர் சாப்பிடுவதைத் தவிர்ப்பது நல்லது. அதேபோல மது அருந்திய பிறகும் பர்கர் சாப்பிடுவதைத் தவிர்ப்பது நல்லது. அப்படி சாப்பிடும்போமு வயிற்று வலி மற்றும் பெருங்குடல் சார்ந்த பாதிப்புகளையும் ஏற்படுத்தக்கூடும். ஏனெனில், பர்க்கரில் இருக்கக்கூடிய அதிக புரோட்டீன் ஊட்டச்சத்து ஆனது உடலில் சரிவர பகிர்ந்து கொடுப்பதில் தடங்கல்கள் ஏற்படலாம்.

மது அருந்தும்போது நிறைய பேர் அசைவ உணவுகளையும் முட்டையையுமே அதிகமாக சாப்பிடுகிறார்கள். ஆனால் இந்த வகையான உணவுகளைக் கட்டாயம் தவிர்க்க வேண்டும். மிக முக்கியமாக உடலில் வாயுத்தொல்லை, ஆசிட் ரிப்ளக்ஸ் பிரச்சனை இருக்கிறவர்கள் இவற்றைக் கட்டாயம் தவிர்ப்பது நல்லது. ஏனெனில் முட்டையில் இருக்கக்கூடிய அதிகப்படியான புரதத்தன்மை மது குடித்த பிறகு வயிற்றில் சேர்வது நல்லதல்ல. அவை உங்கள் வயிற்றினைத் தொந்தரவுக்கு உட்படுத்தும்.

எந்த உணவைத் தவிர்க்கிறோமோ இல்லையோ மது குடித்த பிறகு பால் சார்ந்த பொருள்களைக் கட்டாயம் தொடாதீர்கள். அந்த சமயங்களில் பால் பொருள்களை எடுத்துக் கொள்வது செரிமான அமைப்பில் பிரச்சினை ஏற்படுத்தும். வயிற்றில் ஆசிட் அதிகமாக உற்பத்தி ஆகுவதற்கு மது மற்றும் பால் பொருட்களை ஒரே நேரத்தில் எடுத்துக் கொள்வது முக்கியக் காரணம். மது குடித்த பிறகு மிக எளிதாக செரிமானம் ஆகக்கூடிய உணவுகளை எடுத்துக் கொள்வது நல்லது.

ரெட் ஹாட் சாஸ் போன்றவற்றினை உங்கள் உணவுடன் துணைப் பொருளாக எடுத்துக் கொள்வதை தவிர்ப்பது நல்லது. அது உங்களுக்கு நெஞ்செரிச்சல், ஆசிட் உற்பத்தி அதிகப்படுத்துதல் போன்ற பல்வேறு இன்னல்களை உருவாக்க காரணமாக அமைந்துவிடுகிறது.

சாக்லேட்டில் இருக்கக்கூடிய கொக்கோ மற்றும் காபின் ஆகியவை உடலில் வாயுத் தொல்லையை அதிகரிக்கக் காரணமாக அமைகிறது. முக்கியமாக, மது குடித்த பிறகு உடலில் ஏற்கனவே ஆசிட் உற்பத்தி அதிகரித்திருக்க கூடிய சூழலில் இவற்றினை எடுத்துக் கொள்வது கூடுதலாக வயிற்றினை பாதிப்புக்கு உட்படுத்தும்.

மது குடித்த பிறகு உப்பு அதிகம் இருக்கும் உணவுகளை தவிர்க்க வேண்டும். அது உடலினை பாதிப்பதுடன் மறு நாள் வரையும் கூட சோர்வு, தூக்கமின்மை போன்ற பல்வேறு பிரச்சனைகள் ஏற்படுவதற்கு வழிவகுத்திருக்கின்றன.

எண்ணெயில் வறுக்கப்பட்ட கூடிய உணவுகள் மது குடித்த பிறகு எடுத்துக்கொள்வது ஆபத்தானதாக முடியும். மேலும், அவை உடலில் நீர்ச்சத்து இல்லாமல் ஆக்கிவிடக் கூடிய வாய்ப்புகள் அதிகமாக இருக்கிறது. எனவே மது குடித்த மறுநாளும் கூட நீங்கள் தொந்தரவுக்கு உள்ளாவதற்கு இவை வாய்ப்பு அளிக்கின்றன.

ஆரஞ்சு பழத்தில் ஏற்கனவே இருக்கக்கூடிய சிட்ரஸ் ஆசிட் என்பது உங்கள் வயிற்றின் செரிமான பிரச்சனை பாதிப்புக்கு உட்படுத்தும். ஏற்கனவே மது குடித்து இருப்பதன் விளைவாக உருவாகக்கூடிய ஆசிட் பிரச்சினையினை இது அதிகரிக்கும். மேலும் இவை மிக விரைவாக உங்களை நீர்ச்சத்து இழப்பதற்கு பங்களித்து விடக்கூடிய வாய்ப்புகள் அதிகமாக இருக்கின்றன

உப்பு அதிகமுள்ள தின்பண்டங்களை உண்பது மற்றும் துரிதமாக சமைக்கப்படும் உணவுகளை உண்பது, இனிப்பு அதிகம் இருக்கக்கூடிய உணவுகளை உண்பது ஆகியவை மது குடித்த பிறகு எடுத்துக் கொள்வதைத் தவிர்க்க வேண்டும். இது உங்களை மீண்டும் மீண்டும் பசியை தூண்டும். இரவு நேரத்தில் அதிக உணவினை மற்றும் தண்ணீரை எடுத்து கொள்வது தூக்கமின்மை செரிமான பிரச்சனை ஆகியவற்றை ஏற்படுத்தும் என்பதால் உங்களுடைய தூக்கம் பாதிக்கப்படுவதுடன் மறுநாளும் நீங்கள் தலைவலி போன்ற பிரச்சினைகளை எதிர்கொள்ள நேரிடலாம்

மது குடித்த பிறகு காரமான உணவுகளை உண்பதைத் தவிர்ப்பது நல்லது. மேலும், உங்கள் வயிற்றினை தொந்தரவுக்கு உட்படுத்தும். செரிமான அமைப்பினை பாதிப்பதாக மாறிவிடும். எனவே தலைவலி போன்ற பிரச்சினைகள் ஏற்படுவது, தூக்கமின்மை, மன அழுத்தம் ஆகியவை ஏற்படுவதற்கு இவை மிக முக்கியமான காரணமாக அமைந்துவிடுகின்றன.