டெல்டா திரிபு மிகக் கடுமையான பாதிப்பையும் கோடிக்கணக்கில் மக்கள் இறக்கவும் காரணமாக இருந்தது. அந்த திரிபே இன்னும் ஓயாத நிலையில், தற்போது சில மாதங்களுக்கு முன் அடுத்த திரிபான ஓமைக்ரானும் வந்துவிட்டது.
ஓமைக்ரானும் அடுத்த திரிபும்
ஓமைக்ரான் திரிபால் பெரும் உயிரிழப்புகள் ஏதும் ஏற்படவில்லை. காரணம் உலகில் பெரும்பாலான மக்கள் கோவிட்-19 தடுப்பூசி போட்டுக் கொண்டிருக்கிறார்கள்.
அதேபோல தென்னாப்பிரிகாவில் இந்த திரிபு முதலில் கண்டறியப்பட்ட போதே இது மிக வேகமாகப் பரவும் தன்மை கொண்டது.
ஆனால் ஆபத்துகள் மிதமானவையான இருக்கும் என பல ஆய்வு முடிவுகள் கூறிய நிலையில், கோவிட்- 19 ன் அடுத்த திரிபும் ஓமைக்ரான் போல இருக்காது.
அது இன்னும் அதிக ஆபத்தும் வேகமாகப் பரவும் தன்மையுடனும் இருக்கலாம் என உலக சுகாதார நிறுவனம் எச்சரிக்கை விடுத்திருக்கிறது.
ஒமைக்ரான் பதிவுகள்
மிக வேகமாக குறுகிய காலத்தில் அதிகம் பேருக்கு உலக அளவில் பரவிய தொற்றாக ஒமைக்ரான் பதிவாகியிருக்கிறது.
கோவிட்-19 பாசிடிவ் நோயாளிகளில் கிட்டதட்ட 80 சதவீதம் பேருக்கும் மேலானவர்களுக்கு ஓமைக்ரான் தொற்று இருப்பது பரிசோதனை முடிவுகள் தெரிவிக்கின்றன.
கல்லீரல் கொழுப்பு நோய் வராம இருக்கணும்னா இந்த விஷயங்களை ஞாபகம் வெச்சிக்கோங்க...
அடுத்த திரிபு
பெருந்தொற்று (pandemic) உலகின் பல நாடுகளில் முடிவுக்கு (endemic) வந்து கொண்டிருப்பதாகக் கூறப்படுகிறது. அதனால ஓமைகரான் போல அடுத்தடுத்த திரிபுகள் வீரியம் குறைந்ததாக இருக்கும் என்று நினைத்துக் கொண்டிருக்கிறோம்.
அப்படி ஆய்வுகளற்ற எந்த முன் முடிவுகளுக்கும் நாம் வரக் கூடாது. அடுத்த திரிபு ஓமைக்ரானை விட அதிக வேகமாகவும் கூட பரவலாம்.