இதை பீன்ஸ், அவரைக் காய் சமைப்பது போல பொடியாக நறுக்கி பொரியல் செய்து சாப்பிட மிகவும் சுவையாக இருக்கும். சுவை மட்டும் போதுமா? இதில் என்னெ்ன ஆரோக்கிய நன்மைகள் இருக்கின்றன என்றும் தெரிந்து கொள்ள வேண்டாமா?
ஊட்டச்சத்துக்கள்
பயத்தங்காயில் ஏராளமான ஊட்டச்சத்துக்கள் நிறைந்திருக்கின்றன. அவை,
நார்ச்சத்து,
கால்சியம்
மக்னீசியம்
பாஸ்பரஸ்
பொட்டாசியம்
புரதச்சத்து
ஃபோலேட்
ஆகிய ஊட்டச்சத்துக்கள் மிக அதிகமாக இருக்கின்றன.
இதயத்துக்கு நல்லது
பயத்தங்காயில் உள்ள லிக்னின் எனும் வேதிப்பொருள் உயர் ரத்த அழுத்தத்தைக் கட்டுக்குள் வைக்க உதவுகிறது.
ஹைபர் டென்ஷனைக் குறைத்து பக்கவாதம் மற்றும் இதய நோய்கள் வராமல் தடுக்க உதவுகிறது. இதயத்தை வலுவாக்குகிறது.
முதுமை தோற்றத்தை தவிர்க்க
பயத்தம்பருப்பு எப்படி நம்முடைய சருமத்தை அழகாகவும் பொலிவோடும் வைத்திருக்க உதவுகிறதோ அதேபோலத்தான் பயத்தங்காயும்.
அடிக்கடி உணவில் பயத்தங்காய் சேர்த்துக் கொள்வதால் சருமம் பளபளப்பாக இருக்கும்.
இதிலுள்ள நுண்ணூட்டச்சத்துக்கள் முதுமை தோற்றம் உண்டாவதைத் தடுக்கும். சருமத்தை இளமையாக வைத்திருக்கும்.
நோயெதிர்ப்பு ஆற்றல் அதிகரிக்க
பயத்தங்காயில் உள்ள அதிக அளவிலான வைட்டமின் சி உடலில் நோயெதிர்ப்பு ஆற்றலை அதிகரிக்க உதவுகிறது. உடலில் நீர்ச்சத்தும் அதிகரிக்கிறது.
குறிப்பாக, இந்த நோய்த் தொற்று காலங்களில் ஏற்படும் கபம் போன்ற பிரச்சினைகளை எதிர்த்துப் போராடும் தன்மை கொண்டிருக்கிறது. அதனால் நோயெதிர்ப்பு மண்டலமும் பலம் பெறும்.
நார்ச்சத்து நிறைந்தது
பயத்தங்காயில் நார்ச்சத்து மிக அதிகம்.
அதனால் ரத்த சர்க்கரை அளவைக் கட்டுக்குள் வைக்க,
சிறுசீரகத் தொற்று ஏற்படாமல் இருக்க,
உடல் எடையைக் கட்டுக்குள் வைத்திருக்க என பல ஆரோக்கிய விஷயங்களுக்கு நார்ச்சத்து அவசியம். அதனால் மேற்கண்ட பிரச்சினைகளில் இருந்து விடுபடவோ அவற்றைத் தவிர்க்கவோ நினைத்தால் பயத்தங்காய் உணவில் அதிகம் சேர்த்துக் கொள்ளுங்கள்.
குடல் ஆரோக்கியம்
பயத்தங்காயில் உள்ள ஃபைபர் கணையம், கல்லீரல் ஆகியவற்றில் ஏற்படும் பிரச்சினைகளைத் தவிர்க்க உதவுகிறது. குறிப்பாக மஞ்சள் காமாலை ஏற்படாமல் தடுக்க உதவுகிறது.
ஜீரண மண்டலத்தின் இயக்கத்தை அதிகரிக்கச் செய்வதால் பெருங்குடல் ஆரோக்கியமாக இருக்கும். அஜீரணக் கோளாறு போன்ற வயிற்றுக் கோளாறுகள் நீங்கும்.
உடல் சூட்டை குறைக்க
பயத்தங்காய் உடல் சூட்டைக் குறைத்து உடலைக் குளிர்ச்சியாக வைத்திருக்க உதவும்.
சரியான நேரத்தில் பசியைத் தூண்டி பசியின்மை பிரச்சினையை சரிசெய்யும்.
பித்தம், கபம் பிரச்சினை உள்ளவர்களுக்கு அவற்றைக் குறைக்க பயத்தங்காய் உதவுகிறது.
கர்ப்ப காலத்தில்
கர்ப்ப காலத்தில் மருத்துவர்கள் பெண்களுக்கு அறிவுறுத்துவது இரும்புச்சத்தும் ஃபோலேட் சத்தும் அதிகமாக இருக்க வேண்டும் என்பது தான். அதனால் தான் அயர்ன், ஃபோலிக் சப்ளிமண்ட்டுகள் அவர்களுக்கு கட்டாயமாகக் கொடுக்கப்படுகிறது.
பயத்தங்காயில் ஃபோலேட் சத்து அதிக அளவில் இருப்பதால் கர்ப்ப காலத்தில் இந்த காயை உணவில் சேர்த்துக் கொள்வது நல்லது. இது குழந்தையின் மூளை வளர்ச்சிக்கும் உதவும்.