குளியல்
காலையில் குளிப்பது அன்றைய நாள் முழுக்க வேலைகளை சுறுசுறுப்பாகச் செய்ய உதவி செய்யும். ஆனால் வீட்டை விட்டு வெளியே வேலைக்கு செல்பவர்கள் காலையில் குளிப்பார்கள்.
ஆனால் வீட்டிலேயே வேலை செய்யும் பெண்களும் மற்றவர்களும் இடைபட்ட நேரத்தில் தங்களுக்கு சௌகரயமான நேரத்தில் குளிப்பதுண்டு.
அதேபோல சிலருக்கு வேலையெல்லாம் முடித்து வீட்டுக்குள் வந்ததும் இரவு குளித்துவிட்டால் படுத்தால் தான் நன்றாக இருக்கும் என்பார்கள். அப்படி இரவில் குளிப்பது சரியா? அதனால் என்னென்ன நன்மைகள் இருக்கின்றன? ஏதாவது தவறா என்பது பற்றி எதுவும் தெரியாது.
இரவு நேர குளியல்
காலை குளியல் நாள் முழுக்க புத்துணர்ச்சியைத் தரும் தான். ஆனால் இரவு நேரத்தில் தூங்குவதற்கு முன் குளித்துவிட்டு படுப்பது நல்லது.
இதனால் காலை நேர குளியலை விட அதிகமான ஆரோக்கிய நன்மைகள் கிடைக்குமாம். இரவில் குளித்துவிட்டு சாப்பிட்டு தூங்கினால் நல்ல தூக்கம் வரும்.
உடல் அழுக்குகள் நீங்க
காலையில் குளித்துவிட்டு வெளியில் சென்றாலும் மாலை வீடு வருவதற்குள் வெளியில் இருக்கும் அழுக்கு, தூசி, மாசுக்களால் நிச்சயம் உடலில் அழுக்குகள், கிருமிகள் சேரும்.
அதிகமாக அழுக்கு படிதலால் உடல் மற்றும் முகம் எண்ணெய் பிசுக்குத் தன்மையுடன் காணப்படும். தூசி உள்ள பகுதிக்கு செல்லாவிட்டாலும் காற்றில் மாசுக்கள் இருக்கும்.
அவை சருமத் துளைகளை அடைத்துக் கொள்ளும். அதனால் இரவில் வீட்டுக்கு வந்ததும் குளித்துவிட்டு தூங்குவது நல்லது.
தூக்கமின்மை
உடல் சோர்வாக இருக்கும். ஆனால் படுத்த பின் நீண்ட நேரம் தூக்கம் வராது, ஆழ்ந்த தூக்கம் இல்லாமல் தூக்கமின்மை பிரச்சினையால் அவதிப்படுகிறவர்கள் இதை முயற்சி செய்யுங்கள்.
தூங்கச் செல்லும் முன் குளித்துவிட்டு போனால் உடல் சோர்வு நீங்கி, ஆழ்ந்த தூக்கத்தைப் பெறுவீர்கள்.
முகப்பருக்கள் நீங்க
நாள் முழுக்க வெளியில் இருந்து விட்டு, அதன் மாசுக்கள் சருமத் துளைகளுக்குள் தங்கியிருக்கும்.
அப்படியே சென்று தூங்குவதால் சரும பாதிப்புகள், முகப்பரு பிரச்சினைகள் ஏற்படும் வாய்ப்புகள் அதிகம். இரவில் குளித்துவிட்டு தூங்குவதால் முகப்பரு பிரச்சினைகள் தீரும்.
ஹார்மோன் சமநிலை
நம்முடைய உடல் மற்றும் சருமம் ஆரோக்கியமாக இருக்க வேண்டுமெனில் நம்முடைய உடலில் உள்ள ஹார்மோன்கள் சமநிலையுடன் இருக்க வேண்டியது அவசியம்.
அதேபோல் திருமணமானவர்கள் உடலுறவின் போதும் நடக்கும் சில ஹார்மோனும் சருமத்தின் மீது சில பாதிப்புகளை ஏற்படுத்தும்.
இவற்றை சரிசெய்து சருமத்தையும் உடலையும் ஹார்மோன் சமநிலையோடு வைத்துக் கொள்ள இரவு நேர குளியல் உதவுகிறது.