இடதுபக்கம் படுத்து தூங்குவதினால் உங்களுக்கு என்னென்ன நன்மையெல்லாம் கிடைக்கும்...

இடது பக்கமாக தூங்குவது உங்களுக்கு தூக்கத்தில் ஏற்படும் ஒரு சில பிரச்சினைகளை களைய உதவுகிறது. இது குறட்டையை குறைக்கிறது, நெஞ்செரிச்சலை போக்குகிறது, இதய ஆரோக்கியத்திற்கு உதவுகிறது.குறிப்பாக கர்ப்ப காலத்தில் பெண்கள் இடது பக்கமாக தூங்க அறிவுறுத்தப்படுகிறார்கள். ஏனெனில் இடது பக்கமாக தூங்குவது தாய்க்கும் கருவில் வளரும் குழந்தைக்கும் நல்லது என்பதால் அவ்வாறு அறிவுறுத்தப்படுகிறது.

நிறைய பேருக்கு தூங்கும் போது குறட்டை விடும் பழக்கம் இருக்கும். இதுவே நீங்கள் இடது பக்கத்தில் தூங்குவதன் மூலம் இந்த குறட்டையை நம்மால் குறைக்க முடியும். மல்லாக்க படுக்கும் போது குறட்டை சத்தம் மிக அதிகமாக இருக்கும். ஏனெனில் இந்த நிலையில் தூங்கும் போது நாக்கு, வாய் மற்றும் தாடைப்பகுதி தளர்வாக இருக்கும். எனவே தான் மல்லாக்க படுக்கும் போது குறட்டை சத்தம் அதிகமாக வருகிறது.

சிலருக்கு இரவில் நெஞ்செரிச்சல் மற்றும் எதுக்களித்தல் போன்ற பிரச்சினைகள் அதிகமாக இருக்கும். எனவே இதை சரி செய்ய நீங்கள் இடது பக்கமாக தூங்கினால் எதுக்களித்தல் மற்றும் நெஞ்செரிச்சல் போன்ற பிரச்சினைகளை போக்க முடியும்.

அல்சரை குணப்படுத்தும் வெண்பூசணி... எப்படி சாப்பிட வேண்டும்?

இடது பக்கமாக படுத்து உறங்குவதன் மூலம் உங்க இதய ஆரோக்கியத்தை மேம்படுத்த முடியும். இடது பக்கமாக உறங்கும் போது உடல் முழுவதும் இரத்த ஓட்டம் ஆனது பாய்கிறது.

உடல் முழுக்க ரத்த ஓட்டமும் சீராகப் பரவும். அதனால் ஆக்சிஜன் சீராகக் கிடைக்க உதவி செய்யும். மூச்சு விடுவதில் எந்த சிரமமும் இல்லாமல் இயல்பாக மூச்சுவிட முடியும்.

இதெல்லாம்கூட மாரடைப்போட அறிகுறிதானாம்... கவனமா இருங்க...

கர்ப்பிணி பெண்கள் வலது பக்கமாக தூங்கும் போது கருப்பை ஆனது கல்லீரலை அழுத்த வாய்ப்பு உள்ளது. இதுவே நீங்கள் இடது பக்கமாக தூங்கும் போது இந்த பிரச்சினை கிடையாது.

இதில் பாரம்பரிய நம்பிக்கைகளும் உண்டு. கர்ப்ப காலத்தில் பெண்கள் இடதுபக்கம் திரும்பிப் படுத்து உறங்கினால் ஆண் குழந்தை பிறக்கும் என்ற நம்பிக்கையும் பொதுவாக கிராமப்புற மக்களிடம் உண்டு.