மன அழுத்தத்தை குறைக்கும் மக்னீசியம்
மக்னீசியம் நம்முடைய மூளையின் செயல்பாட்டோடன் நெருங்கிய தொடர்பு கொண்டது. மன நல ஆரோக்கியத்தில் மக்னீசியம் முக்கியப் பங்கு வகிக்கிறது.
மன அழுத்தத்துக்குக் காரணமான கார்டிசோல் ஹார்மோன் உற்பத்தியைக் கட்டுப்படுத்தி மன அழுத்தத்தைக் குறைப்பதோ மன நல ஆரோக்கியத்தை மேம்படுத்தவும் செய்கிறது.
ரத்த குளுக்கோஸ் அளவை கட்டுப்படுத்தும் மக்னீசியம்
குறைந்த டயட்டிரி மினரலாக இருக்கிற மக்னீசியம் வளர்சிதை மாற்றப் பிரச்சினைகளால் உண்டாகிற டைப் 2 நீரிழிவை கட்டுப்படுத்துவதில் மிக முக்கியப் பங்கு வகிக்கிறது.
மக்னீசியம் கணையத்தில் இன்சுலின் சுரப்பை தூண்டிவிட்டு ரத்தத்தில் உள்ள குளுக்கோஸின் அளவைக் கட்டுக்குள் வைத்திருக்க உதவி செய்கிறது.
மாதவிடாய் அறிகுறிகளை எளிதாக்கும் மக்னீசியம்
பெண்களுக்கு இந்த மக்னீசியம் மிகவும் அவசியமான ஒரு மினரல் என்றே சொல்லலாம். குறிப்பாக அவர்களுடைய மாதவிடாய் காலத்தில் ஏற்படும் வயிறு உப்பசம், மனநிலை மாற்றங்கள், மார்பகத்தில் ஏற்படும் மாற்றங்கள் ஆகியவற்றை எளிதாக்கி, மாதவிடாய் கால வலியையும் குறைக்கச் செய்வதில் மக்னீசியத்திற்கு முக்கிய இடம் உண்டு.
போதுமான அளவு மக்னீசியம் உடலில் இல்லாத போதுதான் மாதவிடாய் கால வலி அதிக அளவில் இருக்கிறது. அதனால் போதிய அளவு மக்னீசியம் நிறைந்த உணவுகளையும் சப்ளிமெண்ட்டுகளையும் மாதவிடாய் காலத்தில் எடுத்துக் கொள்ளுங்கள்.
எலும்புகளை வலிமையாக்கும் மக்னீசியம்
எலும்புகள் தேய்மானம். எலும்புகள் வலுவிழந்து போவது ஆகியவற்றில் இருந்து பாதுகாப்பதில் மக்னீசியம் முக்கிய பங்கு வகிக்கின்றன. நாம் வழக்கமாக எடுத்துக் கொள்ளும் மக்னீசியத்தில் கிட்டதட்ட 60 சதவீதத்துக்கும் மேல் எலும்புகளுக்கு சென்றடைகின்றன.
அதோடு இந்த மக்னீசியம் நம்முடைய உணவுகளில் உள்ள கால்சியத்தை உறிஞ்சுவதற்கும் மெட்டபாலிசத்தை சீராக்குவதற்கும் உதவுகிறது. இது எலும்புகளை வலிமையாக்க அடிப்படையான ஒன்றாகும்.
ஒற்றைத் தலைவலியை தடுக்கும் மக்னீசியம்
ஒற்றைத் தலைவலியை சரிசெய்ய மக்னீசியம் உதவி புரிகிறது. தலைவலியில் ஒற்றைத் தலைவலி கொஞ்சம் கொடூரமானது. சிலருக்கு அடிக்கடி ஒற்றைத் தலைவலி வரும். அது மக்னீசியம் குறைபாட்டின் அறிகுறியாகவும் கூட இருக்கலாம்.
மக்னீசியம் நிறைந்த உணவுகள் மற்றும் சப்ளிமெண்ட்டுகள் முறையாக எடுத்துக் கொள்ளும்போது இந்த நாள்பட்ட ஒற்றை தலைவலி பிரச்சினையை சரிசெய்ய முடியும்.
தூக்கத்தை மேம்படுத்தும் மக்னீசியம்
மக்னீசியம் சப்ளிமெண்ட்டுகள் பல ஆண்டுகளாக பெரிய அளவில் இன்சோம்னியா என்னும் தூக்கமின்மை பிரச்சினையை சரிசெய்ய உதவுகிறது. காமா-அமினோபியூட்ரிக் அமிலம் போன்ற தூக்கத்துடன் தொடர்புடைய நரம்பு மண்டலத்தின் கூறுகளை கட்டுப்படுத்தச் செய்கிறது. அதனால் நல்ல தூக்கத்தைப் பெற முடியும்.
ஒரு நாளைக்கு பெண்ணாக இருந்தால் 310mgd அளவும் ஆணுக்கு 340mgd அளவும் தேவைப்படுகிறது. முடிந்தவரையில் தினசரி உணவில் மக்னீசியம் நிறைந்த தண்டுக்கீரை, அவகேடோ, வாழைப்பழம், பீட்ரூட், வேர்க்கடலை, பாதாம் போன்றவற்றை எடுத்துக் கொள்வது நல்லது. இது நரம்பு மண்டலத்தை அமைதியடையச் செய்து நல்ல தூக்கத்தை தூண்டிவிடும்.
மக்னீசியம் நிறைந்த உணவுகள்
- நட்ஸ் வகைகள்,
- டார்க் சாக்லெட்,
- அவகேடோ,
- பருப்பு வகைகள்.
- டோஃபு,
- விதைகள்,
- முழு தானியங்கள்,
- கடல் உணவுகள்,
- வாழைப்பழம்,
- பச்சை இலை காய்கறிகள்,
ஆகியவற்றில் மக்னீசியம் மிக அதிக அளவில் கிடைக்கின்றன. இவற்றை நம்முடைய தினசரி உணவில் இருக்கும்படி பார்த்துக் கொள்வது அவசியமானதாகும்.