வைட்டமின் பி1 நீரில் கரையக்கூடிய ஒன்று. பிறகு இரத்தத்தின் வழியாக எடுத்துச் செல்லப்படுகிறது. எஞ்சிய பயன்படுத்தாத வைட்டமின் பி1 சிறுநீரின் வழியாக வெளியேற்றப்படுகிறது.
வைட்டமின் பி1 நன்மைகள்
வைட்டமின் பி1 அல்லது தயமின் நரம்பு மண்டலம், மூளை, தசைகள், இதயம், வயிறு மற்றும் குடல்களில் ஏற்படும் சிக்கல்களை தடுக்க உதவுகிறது. இது தசை மற்றும் நரம்பு செல்களுக்குள்ளும் வெளியேயும் எலக்ட்ரோலைட்டுகளின் ஓட்டத்தில் ஈடுபட்டுள்ளது. இதயம், நரம்புகள் மற்றும் செரிமான அமைப்பின் கோளாறுகளை உள்ளடக்கிய பெரிபெரி போன்ற நோய்களைத் தடுக்க வைட்டமின் பி1 உதவுகிறது.
Vitamin A : வைட்டமின் ஏ அதிகம் உள்ள உணவுகள் இதுதான்.. தவிர்க்காம சாப்பிடுங்க!
அல்சரேட்டிவ் பெருங்குடல் அழற்சி, தொடர்ச்சியான வயிற்றுப்போக்கு மற்றும் மோசமான பசியின்மை உள்ளவர்களுக்கு நிவாரணம் அளிக்க வைட்டமின் பி1 உதவுகிறது.
வைட்டமின் பி1 குறைபாடுகள்
வைட்டமின் பி1 குறைபாடு பொதுவாக பெரி பெரி நோய்க்கு வழி வகுக்கிறது. இது புற நரம்புகள் மற்றும் விரயம் ஆகியவற்றில் சிக்கலை ஏற்படுத்துகிறது.
எடை இழப்பு மற்றும் பசியின்மை ஏற்படுதல்
குழப்பம், குறுகிய கால நினைவாற்றல், மனநல பிரச்சினைகள் போன்றவை ஏற்படலாம்.
தசைகள் பலவீனமாதல், இதய நோய் அறிகுறிகள் போன்றவை தோன்றலாம்.
வைட்டமின் பி1 குறைப்பாட்டால் யாருக்கு ஆபத்து அதிகம்
மோசமான உணவு, புற்றுநோய், கர்ப்ப காலத்தில் காலை நோய் சந்திப்பவர்கள் , பேரியாட்ரிக் அறுவை சிகிச்சை மற்றும் ஹீமோடையாலிசிஸ் உள்ளவர்கள் தியாமின் குறைபாட்டின் அபாயத்தில் உள்ளனர்.
தொடர்ச்சியாக மது அருந்துபவர்களுக்கும் வைட்டமின் பி1 உறிஞ்சப்படாமல் போக வாய்ப்பு உள்ளது.
Wernicke-Korsakoff சிண்ட்ரோம் என்பது நாள்பட்ட மதுப்பழக்கம் உள்ளவர்களை பாதிக்கும் ஒரு கோளாறு ஆகும். இது தயமின் பற்றாக்குறையுடன் இணைக்கப்பட்டுள்ளது.
எச்ஐவி போன்ற பிற நோய்கள் ஊட்டச்சத்துக்களை உறிஞ்சுவதைக் குறைக்கலாம்.இதனாலும் வைட்டமின் பி1 குறைபாடு ஏற்படுகிறது.
தயமின் மாத்திரைகளுக்கான நிபந்தனைகள்
எய்ட்ஸ், புண்கள், கண்புரை, கிளைக்கோமா, சிறுமூளை நோய்க்குறி, கர்ப்பப்பை வாய் புற்றுநோய், நீரிழிவு நோய் வலி, மன அழுத்தம், இதய நோய், டைப் 2 நீரிழிவு நோயாளிகளுக்கு வரும் சிறுநீரக நோய், இயக்க நோய், பலவீனமான நோயெதிர்ப்பு அமைப்பு கொண்டவர்கள் வைட்டமின் பி1 மாத்திரைகளை எடுத்துக் கொண்டு வரலாம்.
கோமாவில் உள்ளவர்களுக்கு தயமின் ஊசி போடப்படுகிறது.
விளையாட்டு வீரர்கள் தங்கள் செயல்திறனை மேம்படுத்த தயமின் உதவுகிறது
வைட்டமின் பி1 அடங்கிய உணவுகள்
தானியங்களில் அமைந்துள்ள வெளிப்புற அடுக்குகள், ஈஸ்ட், இறைச்சி, மாட்டிறைச்சி, பன்றி, கொட்டைகள், முழு தானியங்கள் மற்றும் பருப்பு வகைகளில் வைட்டமின் பி1 அதிகளவில் காணப்படுகிறது. காலிஃபிளவர், கல்லீரல், ஆரஞ்சு, முட்டை, உருளைக்கிழங்கு, அஸ்பாரகஸ் மற்றும் கீரைகள், ப்ரூவரின் ஈஸ்ட், பிளாக்ஸ்ட்ராப் வெல்லப்பாகு, வெள்ளை அரிசி போன்றவற்றில் வைட்டமின் பி1 காணப்படுகிறது.
உணவுகளை சூடாக்கி, சமைத்து, பதப்படுத்தி, தண்ணீரில் கொதிக்க வைத்து சாப்பிடுவது தயமினை அழிக்கிறது. நேஷனல் இன்ஸ்டிட்டியூட் ஆஃப் ஹெல்த் உணவு சப்ளிமெண்ட்ஸ் அலுவலகம் கூற்றுப்படி ஒரு செறிவூட்டப்பட்ட காலை உணவு தானியம் 1.5 மில்லிகிராம் அளவிற்கு வைட்டமின் பி1 காணப்படுகிறது. இது தினசரி பரிந்துரைக்கப்படும் தொகையில் 100 சதவீதத்திற்கும் அதிக மாகும்.
முழு கோதுமை ரொட்டியின் ஒரு துண்டில் 0.1 மி.கி அல்லது தினசரி தேவையில் 7 சதவீதம் உள்ளது. சீஸ், சிக்கன் மற்றும் ஆப்பிள்களில் தயமின் இல்லை.
வைட்டமின் பி1 தினசரி அளவு
U.S. இல், பரிந்துரைக்கப்படும் தினசரி வைட்டமின் பி1 அளவானது ஆண்களுக்கு 1.2 mg மற்றும் 18 வயதுக்கு மேற்பட்ட பெண்களுக்கு 1.1 mg ஆகும். எந்த வயதினரும், கர்ப்பிணி மற்றும் பாலூட்டும் தாய்மார்களுக்கு ஒவ்வொரு நாளுக்கும் 1.4 மி. கி அளவிற்கு வைட்டமின் பி1 தேவைப்படுகிறது.
diabetes in men : ஆண்களுக்கு சர்க்கரை நோய் வந்தால் அறிகுறிகள் இப்படிதான் இருக்குமாம்!
அதிகப்படியான வைட்டமின் பி1 எடுத்துக் கொள்வது பக்க விளைவுகளை உண்டாக்குகிறது. எனவே மருத்துவரின் பரிந்துரை பேரில் மட்டுமே எடுத்துக் கொள்ள பரிந்துரைக்கப்படுகிறது.
தேநீர் மற்றும் காபியில் டேனின்கள் இருப்பதால் வைட்டமின் பி1 உறிஞ்சுவதை கடினமாக்குகிறது. எனவே காபி டீயை அதிகம் சேர்ப்பதை தவிர்ப்பது நல்லது.