onion benefits: சிவப்பு வெங்காயத்தை விட வெள்ளை வெங்காயத்தில் இவ்வளவு நன்மைகள் இருக்காம்...

வெள்ளை வெங்காயம் ஃப்ரக்டான்ஸ் எனப்படும் கரையும் நார்ச்சத்துக்கள் மிக அதிகம்.

இந்த நார்ச்சத்துகள் செரிமான ஆரோக்கியத்தை மேம்படுத்தவும் குடலுக்கு நன்மை செய்யும் பாக்டீரியாவை அதிகரிக்கவும் உதவுகிறது.

இது குடல் இயக்கத்தை மேலும் சீராக்கி, குளிர்ச்சியாக வைத்திருக்க உதவுகிறது.

வெள்ளை வெங்காயம் உடலின் வெப்பநிலையைக் குறைத்து உடலைக் குளிர்ச்சியாக வைத்திருக்க உதவுகிறது.

அதோடு சூரிய வெப்பத்தால் ஏற்படும் சரும அழற்சிகளையும் வெள்ளை வெங்காயம் சரிசெய்யும்.

வெள்ளை வெங்காயத்தில் அழற்சி எதிர்ப்பு பண்புகள் அதிகம். இவற்றைத் தொடர்ச்சியாக சேர்த்துக் கொள்வதன் மூலம் இதய ஆரோக்கியத்திற்கு நல்லது.

இது உடலின் உயர் ரத்த அழுத்தத்தைக் குறைத்து இதயத் தமனிகள் மற்றும் ரத்தக் குழாய்களில் கொழுப்பு படிவதையும் அடைப்புகள் ஏற்படாமலும் தடுக்கிறது.

வெள்ளை வெங்காயத்தில் ஆக்ஸிஜனேற்றப் பண்புகள் அதிகம். ஆகையால் உடலில் உள்ள நச்சுக்களை வெளியேற்றுவதற்கு மிகச் சிறந்த மூலப்பொருளாக வெங்காயத்தை நாம் பயன்படுத்தலாம்.

உடல் கழிவுகளை வெளியேற்றி உடலை புத்துணர்ச்சியாக வைத்துக் கொள்வதன் மூலம் ஒட்டுமொத்த உடலின் ஆரோக்கியத்தையும் மேம்படுத்த முடியும். அதிகப்படியான ஆக்சிஜனேற்றப் பண்புகள் உடலின் ரத்த ஓட்டத்தைச் சீராக வைத்திருக்க உதவும்.

பொதுவாக அதிக வெப்பமடைதலால் கோடை காலத்தில் நிறைய ஆரோக்கியப் பிரச்சினைகள் மற்றும் சருமப் பிரச்சினைகள் உண்டாகும்.

அதனால் கோடை காலத்தில் வெள்ளை வெங்காயத்தை அடிக்கடி உணவில் சேர்த்துக் கொள்வதால் அதிலுள்ள பாக்டீரியா எதிர்ப்பு பண்புகள் பருவ கால நோய்களைத் தடுக்க உதவும்.

காலரா போன்ற கடும் தொற்றுக்களைக் கூட தடுக்கும் பண்பு வெள்ளை வெங்காயத்திற்கு இருக்கிறதாம்.

செய்திகளை உடனுக்குடன் படிக்க கூகுள் நியூஸ்ல் 'சமயம் தமிழ்' இணையதளத்தை பின் தொடருங்கள்

வெள்ளை வெங்காயத்தில் ஆக்ஸிஜனேற்ற பண்புகள் அதிகம். அதோடு அவற்றில் இருக்கும் அழற்சி எதிர்ப்பு, பாக்டீரியா எதிர்ப்பு மற்றும் ஆன்டி வைரல் பண்புகள் நம்முடைய குடலை சுத்தமாக வைத்துக் கொள்ள உதவுகிறது. இதனால் நம்முடைய நோயெதிர்ப்பு மண்டலம் பலப்படுத்தப்படுகிறது.