ஆரோக்கியமான டயட் பெண்களின் கேட்கும் திறன் பாதிப்பை குறைக்கும்!

ஆரோக்கியமாகவும், உடல் கட்டுக்கோப்பாகவும் இருக்க பெண்கள் மேற்கொள்ளும் டயட், கேட்கும் திறனில் ஏற்படும் பாதிப்புகளை குறைப்பது சமீபத்திய மருத்துவ ஆய்வின் மூலம் தெரியவந்துள்ளது.

வாஷிங்டன்னில் உள்ள, பிரபல பிரிங்காம் பெண்கள் மருத்துவமனை கடந்த 22 ஆண்டுகளாக 70,966 பெண்களிடம் டயட் குறித்து ஆய்வு மேற்கொண்டது. இந்த ஆய்வில் உடல் ஆரோக்கியமாக இருக்க பெண்கள் மேற்கொள்ளும் டயட், கேட்கும் திறனில் ஏற்படும் பாதிப்புகளை குறைப்பது தெரியவந்துள்ளது.

இதுகுறித்து Journal of Nutrition என்ற மருத்துவ இதழில் வெளியான கட்டுரையில் குறிப்பிடப்பட்டுள்ளது. அதில் தானியங்கள், காய்கறிகள், பழங்கள், நட்ஸ், குறைந்த கொழுப்புசத்து கொண்ட பால் பொருட்கள் மற்றும் குறைந்த அளவு ஆல்கஹாலை உட்கொண்ட பெண்களிடம் கேட்கும் திறன் பாதிப்புகள் 33 சதவீதம் குறைந்துள்ளது ஆய்வின் மூலம் தெரியவந்துள்ளது.

அதேசமயம் ஆரோக்கிய உணவுகள் எடுத்துக்கொள்ளாத பெண்களின் கேட்கும் திறன் அதிகளவில் பாதிக்கப்பட்டுள்ளதும் இந்த ஆய்வின் முடிவில் தெரியவந்துள்ளது.

இதுகுறித்து பிரிங்காம் பெண்கள் மருத்துவமனையின் எம்.டி. ஷேரன் குர்கான் கூறுகையில், நல்ல உணவுகளை சாப்பிடுவது .ஆரோக்கியத்திற்கு மட்டுமல்ல, காது கேட்பதில் ஏற்படும் பிரச்சனைகளை குறைக்கவும் உதவுகிறது என்று கூறுகிறார்