கர்பப்பை
இது பார்ப்பதற்கு வெற்று பேரிக்காய் வடிவில் காணப்படும். இது ஒரு பெண்ணின் இடுப்பு பகுதியில் அமைந்துள்ளது. உங்கள் கருப்பை இனப்பெருக்கம் செய்வதில் முக்கிய பங்கு வகிக்கிறது. கருவுற்ற கருமுட்டையை பொருத்துவதற்கும் வளர்ப்பதற்கும் இது உதவுகிறது. இந்த உறுப்பு தசைச் சுருக்கம் செய்யும் தன்மை வாய்ந்தது. அதன் மூலம் தான் இது குழந்தையை வெளியேற்றுகிறது.
இவ்வளவு முக்கியமான உறுப்பு என்றால் கூட இந்த கருப்பை பற்றி பெண்களுக்கே சில விஷயங்கள் புரிவதில்லை. அதைப்பற்றி தான் நாம் இப்பொழுது பார்க்க போகிறோம்.
கருப்பை நெகிழ்வுத்தன்மை வாய்ந்தது
முதல் மூன்று மாதங்களில், கருப்பை ஒரு திராட்சைப்பழம் அளவு தான் இருக்கும். இரண்டாவது மூன்று மாதங்களில், இது ஒரு பப்பாளி போன்று குழந்தையின் வளர்ச்சிக்கு ஏற்ப பெரிதாகும். மூன்றாவது மூன்று மாதங்களில் இது ஒரு தர்பூசணி அளவு மாறும் . குழந்தை பிறந்த பிறகு இந்த தர்பூசணி அளவு சுருங்கி மீண்டும் பழைய நிலைக்கு வந்து விடும். சில பெண்களுக்கு இதய வடிவில் கருப்பை இருக்கும். இது பைகோர்னுவேட் கருப்பை என்று அழைக்கப்படுகிறது. இரண்டு புடைப்புகள் ஒன்றாக ஒட்டிக்கொண்டிருப்பது ஒரு இதயத்தைப் போல தோற்றமளிக்கிறது என்று மகப்பேறு மருத்துவர் கூறுகிறார்.
கருப்பை இல்லாமலும் பிறக்க வாய்ப்பு உள்ளது
கர்ப்ப பை இல்லாமலும் பிறந்த பெண்கள் இருக்கின்றனர். இந்த நிலை மேயர்-ரோகிடான்ஸ்கி கோஸ்டர்-ஹவுசர் நோய்க்குறி (எம்.ஆர்.கே.எச்) என்று அழைக்கப்படுகிறது. இந்த பாதிப்பில் பிறப்புறுப்பும் சரியாக உருவாகாது. அனைத்து இனப்பெருக்க உறுப்புகளின் செயல்பாடுகளும் தடைபடும்.
சிலருக்கு இரண்டு கருப்பை இருக்கலாம்
இரண்டு கருப்பைகள் கொண்ட பெண்களும் இருக்கிறார்கள். இது கருப்பை டிடெல்பிஸ் என்று அழைக்கப்படுகிறது. இரண்டு கருப்பைகள் உள்ளவர்களுக்கு இரண்டு கருப்பை வாய்கள் மற்றும் இரண்டு பிறப்புறுப்புகள் கூட இருக்கலாம். இந்த பெண்களாலும் கருத்தரிக்க முடியும்.
ஊறவைத்த வால்நட் பருப்பு வெறும் வயிற்றில் சாப்பிடுவதால் என்னென்ன நன்மைகள் கிடைக்கும்...
கருப்பை மாற்று அறுவை சிகிச்சை செய்ய முடியும்
யாராவது கருப்பை இல்லாமல் பிறந்தால், கர்ப்பமாக இருக்க உதவும் பொருட்டு, கருப்பை மாற்று சிகிச்சை செய்ய முடியும். அதற்கான தொழில்நுட்பம் தற்போது இருக்கிறது.
உடலுறவை மகிழ்ச்சிகரமானதாக மாற்ற உதவுகிறது
கர்ப்பப்பை என்பது உங்க பிறப்புறுப்பு பகுதியை இணைக்கும் பாலமாகும். இது உடலுறுவின் போது புணர்ச்சியை பெற உதவுகிறது. இதனால் தான் பெண்கள் கருப்பை நீக்கம் செய்ய தயங்குகின்றன. கருப்பை நீக்கம் செய்யும் பெண்கள் பாலின இன்பத்தை இழக்கின்றனர்.
கர்ப்பப்பை 500 தடவை கர்ப்பத்திற்கு தயார்படுத்துகிறது
ஒரு பெண்ணின் முழு இனப்பெருக்க வாழ்க்கையிலும், அவளது கருப்பை 500 முறை கர்ப்பமாக இருக்கின்ற வாய்ப்பை அளிக்கிறது. 500 மாதவிடாய் காலங்களை அளிக்கிறது. கர்ப்பமாக இருக்கும் போது கர்ப்பப்பை மற்றொரு உறுப்பை உருவாக்குகிறது. நீங்கள் கர்ப்பமாக இருக்கும் போது உங்க குழந்தைக்கு உணவளிக்க என்று கர்ப்பப்பை நஞ்சுக்கொடியை உருவாக்குகிறது. இது குழந்தையின் வளர்ச்சிக்கான மிக முக்கியமான உறுப்பு ஆகும். எனவே கருப்பை பற்றி நீங்கள் அறிந்திராத விஷயங்களை அறிந்து கொள்ளுங்கள்.