எதற்காக விரதம் ?
கடவுளுக்காக விரதம் இருந்தாலும் சரி அல்லது ஒரு வாழ்க்கை முறை தேர்வாக நீங்கள் விரதம் இருந்தாலும் சரி உங்கள் ஆரோக்கியத்தில் அதன் தாக்கம் ஒரே மாதிரியாக தான் இருக்கும். விரதம் ஆனது, உடலில் இருந்து நச்சுகளை அகற்ற உதவுகிறது; மற்றும் உடல் எடை குறைக்க உதவுகிறது. மேலும் இது, வளர்சிதை மாற்றம் மற்றும் கிரானிக் நோய்களை உருவாக்கும் அபாயத்தை குறைக்க உதவுகிறது. இவை தவிர, இது உங்கள் இதய ஆரோக்கியத்திற்கு மிகவும் நல்லது; மற்றும் பெரும்பாலான மக்களின் பொதுவான கவலையாக இருக்கக்கூடிய இரத்த அழுத்தத்தைக் குறைப்பதற்கும் இது பயன்படுகிறது.
இதய ஆரோக்கியத்துடன் விரதம் எவ்வாறு தொடர்புடையது ?
ஒரு குறிப்பிட்ட நேரத்திற்கு உணவு உட்கொள்வதைத் தவிர்ப்பது இரத்த அழுத்தத்தைக் குறைக்கும், கொழுப்பைக் குறைக்கும், நீரிழிவு நோயைக் கட்டுப்படுத்த உதவும், மற்றும் உடல் பருமனைத் தடுக்கும். இவை அனைத்தும் பக்கவாதம் மற்றும் மாரடைப்பு போன்ற இதய தொடர்பான சிக்கல்களை வளர்ப்பதற்கான காரணங்கள் ஆகும். இது போன்ற எந்தவிதமான பிரச்சனைகளும் பார்த்துக் கொண்டால், நீங்கள் இருதய பிரச்சனைகளின் அபாயத்தை தானாகவே 80 சதவீதம் குறைக்கலாம்.
வளர்சிதை மாற்றம்
விரதம் ஆனது இதயம் தொடர்பான சிக்கல்களைக் குறைத்து, நீண்ட ஆயுளை அதிகரிக்கும் என்று பல ஆய்வுகள் கூறுகின்றன. ஒரு ஆய்வில், விரதத்தை பின்பற்றாத நபர்களை காட்டிலும், விரதத்தை பின்பற்றும் நபர்களுக்கு சிறந்த இதய ஆரோக்கியம் இருக்கக் கூடும் என்று அவர்கள் தெரிவித்து உள்ளனர். ஏனென்றால், வழக்கமாக விரதம் இருப்பவர்கள், தங்களின் கலோரி அளவைக் கட்டுப்படுத்துவதில் சிறந்து விளங்குவர். இது உடல் எடையை குறைக்க உதவுகிறது; மற்றும் சிறந்த உணவுகளை தேர்வு செய்வதற்கு உங்களுக்கு உதவுகிறது.
வழக்கமாக விரதம் இருப்பது, உங்கள் உடலில் உள்ள மோசமான கொழுப்பின் அளவைக் குறைப்பதோடு, வளர்சிதை மாற்றத்தை மேம்படுத்தவும் உதவுகிறது.
யார் எல்லாம் விரதம் இருக்கக் கூடாது ?
விரதம் ஆனது அனைவருக்கும் நாம் பாதுகாப்பானது தான். மேலும், இது நம் ஆரோக்கியத்தில் எந்த விதமான மோசமான தாக்கத்தையும் ஏற்படுத்தாது. ஆனால் சில சுகாதார நிலைமைகளால் நீங்கள் அவதிப்படும் போது, புதிதாக எதையும் முயற்சி செய்யும் முன்பு, உங்கள் மருத்துவரை அணுகுவது மிகவும் அவசியமான ஒன்றாகும்.
விரதத்தை பின்பற்றாமல் கவனமாக இருக்க வேண்டிய நபர்கள்:
- கர்ப்பிணி பெண்கள் அல்லது தாய்ப்பால் கொடுக்கும் பெண்கள்
- குழந்தைகள் மற்றும் இளைஞர்கள்
- சரியாக உணவு உட்கொள்ள முடியாமல் இருக்கும் நபர்கள்
- டைப் 2 நீரிழிவு நோயால் பாதிக்கப்பட்ட நபர்கள்
- பிற கிரானிக் நோய்களால் பாதிக்கப்பட்ட நபர்கள்
உங்களின் விரதத்தை எவ்வாறு திட்டமிடுவது ?
விரதம் இருப்பதற்கு முன், அது சம்மந்தமான அனைத்து விஷயங்களையும் பற்றி தெரிந்து கொள்ள வேண்டியது அவசியம். உதாரணமாக, அது எவ்வாறு செய்யப்படுகிறது, விரதத்தை முறிக்கும் போது உங்களிடம் என்ன இருக்க வேண்டும், மற்றும் விரதத்தின் போது ஏதேனும் சிக்கல்கள் வந்தால் அதை எப்படி கையாள்வது போன்ற விஷயங்களை நீங்கள் முன்கூட்டியே அறிந்திருக்க வேண்டும்.
சருமத்தில் உள்ள எல்லாவகை பிரச்னையையும் காபி பவுடர் வெச்சு எப்படி சரிசெய்யலாம்...
தெரிந்து கொள்ள வேண்டிய 4 அடிப்படை விஷயங்கள்
- உங்களின் விரதத்தை குறுகியதாக வைத்திருங்கள்: 24 மணி நேரத்திற்கும் மேலாக விரதத்தை நீட்டிக்க வேண்டாம். ஏனெனில், அவ்வாறு செய்வது உடல் ஆரோக்கியத்திற்கு நல்லதல்ல.
- உங்களை நீரேற்றமாக வைத்திருங்கள்: உங்களை நீரேற்றமாக வைத்திருக்க, நீங்கள் நிறைய தண்ணீர் குடிக்க வேண்டும். ஏனெனில், நீரிழப்பு ஆனது தலைவலி, மலச்சிக்கல் மற்றும் சோர்வு போன்றவற்றிற்கு வழிவகுக்கும்.
- ஒரு விருந்துடன் உங்களின் விரதத்தை முறித்துக் கொள்ளாதீர்கள்: நீங்கள் விரதத்தை முறித்துக் கொள்ளும் போது, முதலில் புரதம் மற்றும் ஆரோக்கியமான ஊட்டச்சத்துக்கள் நிறைந்த ஒரு சிறிய உணவை உட்கொள்ள வேண்டும். ஏனெனில், அவ்வாறு ஒரு விருந்துடன் உங்கள் விரதத்தை முறித்துக் கொள்ளும் போது, அது உங்களுக்கு மந்தமான ஓர் உணர்வை ஏற்படுத்தும்.
- உங்களுக்கு உடல்நிலை சரியில்லை என்றால் விரதம் இருக்காதீர்கள்: உங்களுக்கு உடல்நிலை சரியில்லை என்றால், நீங்கள் விரதத்தை தவிர்க்கவும். ஏன்னென்றால், அது உங்கள் உடல் நிலையை இன்னும் மோசமடைய செய்யும். முதலில் உங்கள் உடல்நலம் தான் முக்கியம் என்பதை நீங்கள் புரிந்து கொள்ளுங்கள்.
- அதிக தாக்கத்தை ஏற்படுத்தக் கூடிய உடல் செயல்பாடுகளில் ஈடுபட வேண்டாம்: விரத நாட்களில் உங்கள் ஆற்றல் மட்டங்கள் பொதுவாக குறைவாக இருக்கும். அதனால், எந்த விதமான உடல் செயல்பாடுகளிலும் நீங்கள் ஈடுபடுவது, உங்களை பலவீனமாக உணரவைக்கும்.