மதுபானத்தை எந்த அளவுக்கு எடுத்துக் கொள்ள வேண்டும்?

மது அருந்துவது வீட்டுக்கும், நாட்டுக்கும், உடல்நலனுக்கும் கேடு என நாம் அனைவருக்கும் தெரியும். தெரிந்தும், சிலர் மதுபானம் அருந்தும் பழக்கத்தை விட முடியாமல் இருப்பார். அப்படிப்பட்ட மதுப்பிரியர்கள் எந்த அளவுக்கு மதுபானத்தை எடுத்துக் கொள்ள வேண்டும் என தெரிந்து கொள்வோம்!!

குறிப்பிட்ட அளவுக்கு மதுபானத்தை அருந்துவது சிறந்தது என ஆய்வுகள் தெரிவிக்கின்றன. அதேசமயம், மது அருந்துவதால் பல்வேறு தீமைகளும் ஏற்படுகின்றன. மேலும், அளவுக்கு அதிகமாக குடிப்பதால் உடல் நலத்துக்கு ஏற்படும் தீங்குகளை குறைக்கும் நோக்கில் சில வழிகாட்டல்கள் உள்ளன.

அதன்படி, தினந்தோறும் மதுபானம் அருந்தும் பழக்கம் உள்ளவர்கள், வாரத்தில் சில நாட்கள், அதனை அருந்துவதை தவிர்த்துக் கொள்வது சிறந்தது. கர்ப்பிணிப் பெண்கள் மது அருந்துவதை முழுமையாக தவிர்க்க வேண்டும்.

மதுபானத்தை தொடர்ச்சியாக அருந்துபவர்கள், வாரத்திற்கு 14 யூனிட்களுக்கு அதிகமாக ஆல்கஹாலை உட்கொள்ளக்கூடாது. அதாவது, ஒரு ஆல்கஹால் யூனிட் என்றால் 10 மி.லி., சுத்தமான ஆல்கஹால் அளவாகும். அதன்படி, பாட்டில்களில் இருக்கும் ஆல்கஹால் அளவை பார்த்துக் கொண்டு அதற்கு ஏற்ப நிர்ணயித்துக் கொள்ளலாம். 14 யூனிட்கள் என்பது, அதிகபட்சமாக ஆறு பின்ட் அளவு (ஒரு பின்ட் என்றால் 576 மில்லி லிட்டர் அளவாகும்) பீர் அல்லது பத்து கிளாஸ் வைன் என்பதாகும். எனவே, இவற்றுக்கு மேலாக உட்கொள்வதை தவிர்க்குமாறும் அறிவுறுத்தப்படுகிறது.

இதனை எப்படி கணக்கிட வேண்டுமென்றால், பாட்டிலில் உள்ள மொத்த அளவையும், அதில் கலந்திருக்கும் சுத்தமான ஆல்கஹால் அளவையும் பெருக்கிக் கொள்ள வேண்டும். அதிலிருந்து 1000-த்தை வகுத்தால் ஒரு யூனிட் கணக்கு தெரிந்து விடும். அதவாது எடுத்துக்காட்டாக, 5.2 (%) x 568 (ml) ÷ 1,000 = 2.95 units ஆகும். பீர், ரம், விஸ்கி, வைன் என எந்த சரக்கு அடித்தாலும், அது வாரத்திற்கு 14 யூனிட்டுகளுக்கு மிகாமல் பார்த்துக் கொள்ள வேண்டும்.
How much liquor can drink?