மாற்ற முடியாத இதய ஆபத்து காரணிகளாக வயது, நீரிழிவு, குடும்ப வரலாறு போன்றவை இருந்தாலும் ஆரோக்கியமான பழக்க வழக்கம் மூலம் இதயத்தை ஆரோக்கியமாக வைத்துகொள்ள முடியும். அப்படி இதய ஆரோக்கியத்துக்காக நீங்கள் ஃபாலோ பண்ண வேண்டிய பழக்க வழக்கங்கள் என்னென்ன என்பதை இப்போது தெரிந்துகொள்வோம்.
Authored byதனலட்சுமி | Samayam Tamil23 Jan 2023, 8:11 pm
இதய நோயை அதிகரிக்க செய்யும் ஆபத்து காரணிகள் பலவும் உண்டு. மருத்துவ ரீதியில் கட்டுப்படுத்த முடியாத விஷயங்கள் உண்டு என்றாலும் இதய ஆரோக்கியத்தை பாதுகாக்க நீங்கள் கட்டுப்படுத்த வேண்டிய விஷயங்கள் பலவும் உள்ளன. அதை பின்பற்றுவதன் மூலம் உங்கள் இதய நோய் அபாயத்தை பெருமளவு குறைத்துவிட முடியும். அது என்னென்ன என்பதை தான் இந்த கட்டுரையில் பார்க்க போகிறோம்.
பழங்களும் காய்கறிகளும் சேர்ப்பதால் இதய நோய் தவிர்க்கலாமா?
நார்ச்சத்தும் ஊட்டச்சத்துக்களும் இதயத்தை ஆரோக்கியமாக்குகிறது. இவை குறைந்த கலோரிகள் மற்றும் கொழுப்பு குறைந்தவை. அதோடு இவற்றில் ஆன் டி ஆக்ஸிடண்ட்கள் உள்ளன. இது நீரிழிவு மற்றும் இதய நோய்க்கு வழிவகுக்கும் சேதத்திலிருந்து உங்கள் செல்களை பாதுகாக்க உதவும். உணவு முறையில் வெவ்வேறு வண்ணங்களில் இதை சேர்த்து வரலாம்.
நடைபயிற்சி செய்வதால் மாரடைப்பு தடுக்கலாமா?
வாரத்தில் மூன்று அல்லது நான்கு முறை 40 நிமிடங்கள் ஜாகிங் அல்லது 25 நிமிட கடுமையான உடயிபயிற்சி போன்றவற்றை செய்வது இரத்த அழுத்தம், கொழுப்பு மற்றும் உடல் எடையை குறைக்க செய்யும். தினமும் 10 நிமிடங்கள் என்று செய்தால் கூட போதுமானது.
இதய ஆரோக்கியத்துக்கு உடற்பயிற்சி மட்டும் போதுமா?
இதய ஆரோக்கியமாக இருக்க இதய நோய்களை தவிர்க்க தினசரி உடற்பயிற்சி மட்டும் போதுமானது என்று சொல்லிவிட முடியாது. நாள் முழுவதும் உற்சாகமாக இருப்பதும் அவசியம். வழக்கமான உடற்பயிற்சி கொண்டிருந்தாலும் நாள் முழுவதும் ஓய்வில் இருப்பது நன்மை தராது.
நாள் முழுக்க சுறுசுறுப்பாக இருப்பது, தோட்டம் அமைப்பது,. குழந்தைகளுடன் விளையாடுவது, நடந்து செல்வது, வீட்டை சுத்தம் செய்வது என்று இயங்கி கொண்டே இருப்பது தான் பலனளிக்கும்.
நட்ஸ் சாப்பிடுவதால் மாரடைப்பு தடுக்க முடியுமா?
கொட்டைகளில் இருக்கும் நார்ச்சத்து, நிறைவுறாத கொழுப்புகள் மற்றும் ஒமேகா 3 கொழுப்பு அமிலங்கள் உடலில் வீக்கம், கெட்ட எல்டிஎல் கொழுப்பு மற்றும் இரத்த நாளங்களில் பிளேக் கட்டமைத்தல் ஆகியவற்றை குறைக்க செய்யும். இவை எல்லாமே இதய நோயுடனும் பக்கவாதத்துடனும் தொடர்புடையது. கொட்டைகள் அளவாக இருக்கட்டும். இதில் நிறைய கலோரிகள் உள்ளன. வாரத்தில் 4 சிறிய கையளவு உப்பில்லாத கொட்டைகள் சேர்ப்பது பயனளிக்கும்.
ஆழ்ந்த தூக்கம் இதய ஆரோக்கியத்தை அதிகரிக்குமா?
நாள் முழுவதும் உழைக்கும் உடலுக்கு ஆழ்ந்த அமைதியான ஓய்வு தேவை. அப்போது இதயதுடிப்பு மற்றும் இரத்த அழுத்தம் குறைகிறது. இது போன்று உடல் உள்ளுறுப்புகள் பலவும் ஓய்வெடுக்க தொடங்குகிறது. எப்போதும் 7 மணி நேர தூக்கம் என்பது அவசியம். அவை குறையும் போது உடலில் பல ரசாயனங்களை உருவாக்க தொடங்கலாம். தூக்கம் குறைவது இதயத்துக்கு தீங்கு விளைவிக்கும்.
யோகா செய்வதால் இதயம் வலுபெறுமா?
யோகா என்பது உடற்பயிற்சி என்பதை தாண்டி மனதை அமைதிப்படுத்தவும் மன அழுத்தத்தை குறைக்கவும் சிறந்த வழியாகும். இது இதயத்துடிப்பு மற்றும் இரத்த அழுத்தத்தை குறைத்து உங்களை நிம்மதியாக உணர வைக்கலாம். யோகா ஓய்வெடுக்கவும் மன அமைதியை அளிக்கவும் உதவும் சிறந்த மருந்து.
தனிமையாக இருப்பது உடல் ஆரோக்கியத்துக்கு தீங்கு விளைவிக்குமா?
தனிமையில் இருக்கும் போது புகைப்பழக்கம் (இருந்தால்) அதிகரிக்கும், உயர் இரத்த அழுத்தம் அதிகரிக்கலாம், உடல் பருமன் அல்லது உடற்பயிற்சி செய்யாமல் இருப்பது போன்றவை எல்லாமே மோசமானது. இதை குறைக்க உங்களுக்கு பிடித்த நண்பர்களுடன் நேரம் செலவிடுங்கள். நீங்கள் எவ்வளவு நேரம் மற்றவர்களுடன் இணைந்திருக்கிறீர்களோ அவ்வளவு ஆற்றலுடன் மகிழ்ச்சியாக இருப்பீர்கள். அதனால் குறிப்பிட்ட நாட்களுக்கு ஒரு முறை நண்பர்களுடன் சந்திப்பதை திட்டமிடுங்கள்.
உடலுறவு கொள்வதால் ஹார்ட் அட்டாக் தடுக்க முடியுமா?
வாரத்துக்கு இரண்டு முறை உடலுறவு கொண்டால் இதய நோய் வருவதற்கான வாய்ப்புகள் குறைவு. இதற்கான சரியான காரணம் தெரியவில்லை என்றாலும் உடலுறவு கொள்வது இதயத்தை பாதுகாக்க உதவும். ஆரோக்கியமானவர்கள் அதிகமாக உடலுறவு கொள்கிறார்கள் என்பது குறிப்பிடத்தக்கது.
அதிக எடை இதய நோயை உண்டு செய்யுமா?
உடல் பருமன் அதிகரித்தால் உண்டாகும் பிரச்சனையில் இதுவும் ஒன்று. அதிக எடை காரணமாக கொழுப்பு, உயர் இரத்த அழுத்தம் மற்றும் நீரிழிவு நோய்க்கான முரண்பாடுகளை அதிகரிக்கின்றன. இவை அனைத்தும் இதய நோய்களுடன் இணைக்கப்பட்டுள்ளன. இதற்காக அச்சம் வேண்டாம் உங்கள் உடல் நிறை குறியீட்டெண் அளவிடுவது பற்றி மருத்துவரிடம் பேசுங்கள்.
முன்கூட்டிய பரிசோதனை மூலம் இதய நோய் அபாயத்தை குறைக்க முடியுமா?
வழக்கமான மருத்துவ பரிசோதனையை குறிப்பிட்ட வயதுக்கு பிறகு செய்வது அவசியம். புகைப்பழக்கம் மதுப்பழக்கம் போன்ற ஆரோக்கியமற்ற பழக்கங்களையும் கைவிடுவது நல்லது. குறிப்பாக நீங்கள் இரத்த அழுத்தம்மற்றும் கொழுப்பு அளவுகள் கொண்டிருந்தால் அது இதயம் மற்றும் ரத்தநாளங்களை சேதப்படுத்தும் அபாயத்தில் உள்ளதா என்பதை கண்டறிய மருத்துவரை அணுகுவது நல்லது. இந்த சிக்கல்களை நீங்கள் எவ்வளவு விரைவாக கண்டறிகிறீர்களோ அவ்வளவு சீக்கிரம் அதை சரி செய்ய தொடங்கலாம். இந்நிலையில் ஏதேனும் சிக்கல் இருந்தால் மருத்துவர் இதய ஆரோக்கியத்தை பாதுகாக்க வாழ்க்கை முறை மாற்றங்களையும் பரிந்துரைக்கலாம்.
நான் தனலட்சுமி சுந்தர். ஊடகத்துறையில் 24 வருடங்கள் சோர்வில்லாத பயணம். லைஃப்ஸ்டைல் தொடர்பான கட்டுரைகள் எழுதி வருகிறேன். மருத்துவ நிபுணர்களின் பேட்டிகள், கட்டுரைகள் மக்களுக்கு எடுத்து செல்வதில் விருப்பம் அதிகம். ஆன்மிகம், அரசியல் செய்திகள், சினிமா செய்திகளிலும் ஆர்வமும் அனுபவமும் உண்டு. தற்போது Times Internet நிறுவனத்தின் சமயம் தமிழ் இணையதளத்தில் Senior Digital Content Producer ஆக பணியாற்றி வருகிறேன்.... மேலும் படிக்க
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.