வலி பற்றிய விழுப்புணர்வு
முதுமையின் ஒரு பகுதியாக வலி இருப்பது பொதுவானது தான் என்றாலும், முன்கூட்டிய முன்னெச்சரிக்கை நடவடிக்கைகளை மேற்கொள்வதன் மூலமும் முதுமை கால வலியைப் போக்க முடியும். அதேபோல், நீண்ட கால வலியைத் தடுக்க வேண்டுமெனில், சரியான நேரத்தில் மருத்துவ ஆலோசனை பெறுவதும் வலியில் இருந்து விடுதலை பெற உதவும். சர்வதேச அளவில் செப்டம்பர் மாதம் வலி விழிப்புணர்வு மாதமாக அறிவிக்கப்பட்டுள்ளது.
நாள்பட்ட வலி ஆபத்தானதே
உலகெங்கிலும் வயதான மக்கள் தொகை மற்றும் மாறிவரும் வாழ்க்கை முறைகளால் பலவித வலிகள் ஏற்படுகிறது. இன்றைய காலகட்டத்தில் உள்ள மருத்துவ வளர்ச்சி, அறுவை சிகிச்சை அல்லது மாத்திரைகளால் அனைத்து வலிகளையும் தீர்க்க முடியாது என்பது மறுக்க முடியாத உண்மை. நாள்பட்ட வலிக்கு சிகிச்சையளிப்பது என்பது சவாலானது. ஏனெனில், நாம் ஒவ்வொரு முறையும் வித்தியாசமான வலியை அனுபவிப்போம். இதற்கு சிகிச்சையளிக்க ஒரே மாதிரியான சிகிச்சை அணுகுமுறை அனைவருக்கும் வேலை செய்யாது.
ஆரோக்கியமான வாழ்க்கை வாழ ஊட்டச்சத்து நிபுணர்கள் கூறும் 10 விஷயங்கள் இதோ...
ஏற்படுத்தும் பிரச்சினைகள்
நாள்பட்ட வலி ஒரு நோயாகவே பார்க்கப்படுகிறது. வலியைப் போக்க வாழ்க்கைத் தரமும் முக்கியமானது. நீரிழிவு மற்றும் உயர் இரத்த அழுத்தம் போல வலியை போக்கும் சிகிச்சையை மேற்கொண்டு சரிசெய்வது மிகவும் நல்லது. சரி செய்யாமல் விட்டால், நீண்ட கால துன்பங்களுக்கு வழிவகுக்கும்.
வலி மேலாண்மைக்கான கிரையோஅப்லேஷன் சிகிச்சை தற்போது இந்தியாவிலேயே கிடைக்கிறது. மூட்டு வலி, இடுப்பு மற்றும் தோள்பட்டை வலி, புற்றுநோயால் ஏற்படும் வலிகள், விலா எலும்பு முறிவுகள் போன்ற நரம்பு வலிகளில் இருந்து விடுபட தற்போது அல்ட்ரா சவுண்ட் இயந்திரங்கள் மூலம் சிகிச்சை எடுத்துக் கொள்ளும் வசதி உள்ளது. வலியின் தாக்கம் ஒருவரின் உடல் துன்பத்திற்கு மட்டுமின்றி, எரிச்சலடையவும், மனச்சோர்வடையவும், கவலைப்படவும், உதவியற்றவராகவும் உணரச் செய்யும். அதோடு, நிதிப் பிரச்சனை மற்றும் வேலை பிரச்சனைகளும் ஏற்படும்.
அரிசியை சமைக்கும்முன் ஏன் ஊறவைக்க வேண்டும்... ஊறவைக்காமல் சமைத்தால் ஏற்படும் ஆபத்துகள் என்ன...
நாள்பட்ட வலியைத் தடுக்க
நாள்பட்ட வலியைத் தடுக்க நாம் என்ன செய்யலாம் என்ற கேள்வி பலரின் மனதிலும் இருக்கும். ஆரோக்கியமான வாழ்க்கை முறையை பராமரிப்பது, ஆரோக்கியமான உணவு மற்றும் உடல் எடை, வழக்கமான உடற்பயிற்சி, யோகா அல்லது தியானம் போன்ற மன அழுத்தத்தை நிர்வகிக்கும் பயிற்சிகள் போன்றவற்றை பின்பற்றலாம். அதோடு அதிகப்படியான மது அருந்துதல் மற்றும் புகை பிடித்தல் போன்ற ஆரோக்கியமற்ற பழக்கங்களை நீக்கவும் வேண்டும்.