பெண்கள் இயல்பாக கருத்தரிக்க கடைப்பிடிக்க வேண்டிய எளிமையான விஷயங்கள் குறித்து பகிர்ந்து கொள்கிறார் மருத்துவர் நிவேதிதா காமராஜ், MBBS., MS OG. FMAS.
பெண்களின் கருத்தரிப்புக்கு வயது மிகவும் முக்கியம். ஏனெனில் வயது அதிகரிக்கும் போது கருமுட்டை எண்ணிக்கை மற்றும் தரம் இரண்டும் குறையும். குறிப்பாக 32 வயதுக்கு மேற்பட்ட பெண்களுக்கு இது படிப்படியாக குறைந்து 45- 48 வயதுக்குள் கருமுட்டை நிற்கும் போது மெனோபாஸ் காலம் வருகிறது. அதனால் இளவயதில் குறைந்தது 32 வயதுக்குள் குழந்தைப்பேறு திட்டமிடல் வேண்டும்.
pregnancy blood pressure : கர்ப்பகால ரத்த அழுத்த அபாயம் யாருக்கு? எப்படி தவிர்ப்பது? டாக்டர் விளக்கம்!
இயல்பாக கர்ப்பமடைய உடல் எடை
பெண்கள் உயரத்துக்கேற்ற எடையை கொண்டிருக்க வேண்டும். under weight , overweight, obese போன்றவற்றை கொண்டிருப்பது கருத்தரித்தலை பாதிக்கலாம். உடல் பருமன் அதிகரிக்கும் போது உடலில் ஹார்மோன் மாற்றம் உண்டாகும். ஆண் ஹார்மோன் அதிகரிக்கலாம். அது கருமுட்டையின் தரத்தை பாதிக்கும் என்று பல ஆய்வுகள் நிருபித்துள்ளது. அதோடு பிசிஓஎஸ், ஃபைப்ராய்டு பிரச்சனைகள் சந்திக்கலாம்.
இயல்பாக கர்ப்பமடைய ஆரோக்கியமான உணவு
உணவு ஆரோக்கியமாக இருக்க வேண்டும். புரதம், நார்ச்சத்து இரண்டும் மிக மிக முக்கியம். மாவுச்சத்து குறைவாக எடுக்க வேண்டும். லோ- கார்ப் உணவுகள் சேர்க்கலாம். திரவ ஆகாரங்கள் அதிகம் சேர்க்க வேண்டும்.
அதே நேரம் பதப்படுத்தப்பட்ட உணவுகள், ஜங்க் ஃபுட் போன்றவற்றை தவிர்க்க வேண்டும். மாற்றாக பருவகால காய்கறிகள், பழங்கள் போன்றவற்றை திட்டமிட்டு எடுப்பது நல்லது. இயன்றவரை வெளி உணவுகளை தவிர்க்க வேண்டும்.
இயல்பாக கர்ப்பமடைய உடற்பயிற்சி
உடற்பயிற்சி என்பது கருத்தரித்தலை மேம்படுத்துகிறது. பல ஆய்வுகள் உணவு தாண்டி உடற்பயிற்சி முக்கியமானதாக சொல்கிறது. ஏனெனில் பெண்கள் 30 நிமிடங்கள் தினசரி செய்து வந்தால் குறிப்பாக high intensity interval training செய்யும் போது ஹார்மோன் சுழற்சி, கருமுட்டை ஆரோக்கியம் மேம்படுவதாக ஆய்வுகள் தெரிவித்துள்ளது. நடைப்பயிற்சியை காட்டிலும் இந்த பயிற்சி கருத்தரித்தலை மேம்படுத்தும் என்று சொல்லலாம்.
இயல்பாக கர்ப்பமடைய உடல்நிலை
பெண்கள் கருத்தரிக்க விரும்பும் போது தைராய்டு, இரத்த அழுத்தம், நீரிழிவு கொண்டிருந்தால் அதற்குரிய மருத்துவரை அணுகி அவை எல்லாம் கட்டுப்பாட்டில் உள்ளதா என்பதை கவனிக்க வேண்டும். குறிப்பாக எடுத்துகொள்ளும் மருந்துகள் கருவுறுதலை பாதிக்குமா என்பது குறித்தும் தெரிந்துகொள்ள வேண்டும்.
இயல்பாக கர்ப்பமடைய கெட்ட பழக்கம்
புகைப்பழக்கம், மதுப்பழக்கம் ஏதேனும் இருந்தால் கண்டிப்பாக அதை தவிர்த்துவிடுங்கள். ஏனெனில் இது கருத்தரித்தலை பாதிக்கலாம். காஃபி குடிக்கும் பழக்கத்தை அதிகமாக வைத்திருப்பவர்கள் நாள் ஒன்றுக்கு 300 மில்லி அளவு வரை எடுக்கலாம். ஏனெனில் இது கருத்தரித்தலில் ஆண்கள், பெண்கள் இருவருக்குமே பாதிப்பை உண்டு செய்வதாக அதிக ஆராய்ச்சிகள் வெளிப்படுத்தியுள்ளது.
இயல்பாக கர்ப்பமடைய உடலுறவு
கருத்தரிக்க விரும்பும் போது உடலுறவு குறித்த குழப்பம் இருக்கும். சீரான தாம்பத்தியம் இருந்தால் கருத்தரிப்பு எளிதாக இருக்கும். குறிப்பிட்ட நாளில் உடலுறவு கொண்டால் கருத்தரிக்கும் என்று இல்லாமல் ஒரு நாள் விட்டு ஒருநாள் சீரான தாம்பத்தியம் மேற்கொள்வது கருத்தரிப்பை ஊக்குவிக்கும். பெண்கள் லூப்ரிகேஷன் பயன்படுத்துவதாக இருந்தால் கருத்தரிப்பு காலங்களில் அதை இயன்றவரை தவிர்ப்பது நல்லது.
breastfeeding mothers: தாய்ப்பால் கொடுக்கும் போது வாழைப்பழம் சாப்பிடலாமா? எடையை அதிகரிக்குமா?
இயல்பாக கர்ப்பமடைய கருத்தரித்தலுக்கு முந்தைய மாத்திரைகள்
கருத்தரிப்பு எதிர்நோக்கும் போது அவர்கள் ஃபோலிக் ஆசிட் மாத்திரைகள் எடுக்கலாம். கருத்தரிக்க திட்டமிடும் பெண்களுக்கு நாள் ஒன்றுக்கு 4 மில்லிகிராம் அளவு சேர்க்க வேண்டும். 35 வயதுக்கு பிந்தைய பெண்கள் கருத்தரித்தலை திட்டமிட்டால் ஆறு மாதங்களுக்கு முன்பே இந்த மாத்திரையை மருத்துவரின் அறிவுரையோடு எடுத்துகொள்ள வேண்டும்.
வைட்டமின் டி 3 பரிசோதனை செய்து குறைவாக இருந்தால் அந்த மாத்திரைகள் மற்றும் மைக்ரோ நியூட்ரியண்ட்ஸ் ஆன ஜிங்க், செலினியம், மெக்னீசியம் போன்றவை கருமுட்டை தரம் மற்றும் கருப்பை உள்சுவர்களை ஆரோக்கியமாக மேம்படுத்த உதவும். ஆண்டி ஆக்ஸிடண்ட்ஸ் நிறைந்த க்ரீன் டீ, நெல்லிக்காய் தேவையெனில் மாத்திரைகளாகவும் எடுக்கலாம்.
இதையெல்லாம் அன்றாட வாழ்க்கையில் செய்யும் போது கருத்தரித்தல் இயல்பாக இருக்கும்..
இயல்பாக கர்ப்பமடைய எப்போது மருத்துவரை அணுகுவது
பாதுகாப்பற்ற முறையில் உடலுறவு கொள்ளும் போது ஒரு வருடம் சீரான தாம்பத்தியத்தில் இருந்தும் கருத்தரிப்பு நிகழ்வதில் பிரச்சனை இருந்தால் மருத்துவரை அணுகுவது அவசியம். அதே போன்று 35 வயதை கடந்த பெண்கள் ஆறு மாதகாலங்களில் மருத்துவரை அணுகுவது நல்லது.