ஆண் அல்லது பெண்ணுக்கு விந்தணு மூலம் அலர்ஜி ஏற்படுமா? அறிகுறிகள் என்ன, கண்டறிவது எப்படி?

சமீபத்தில் ஒரு மருத்துவ இதழில் வெளியான தகவலின்படி, நபர் ஒருவர் தன்னுடைய விந்தணுக்களாலே அலர்ஜிக்கு உள்ளாகி பாதிக்கப் பட்டிருப்பதாகவும், இதனால் பத்து வருடங்களுக்கும் மேலாக பாலியல் உறவில் தவிர்த்து வருவதாகவும் வெளியாயிருந்தது.

பாலியல் உறவில் ஈடுபட்டிருக்கும் போது உங்கள் உணர்வு உச்சமடைந்து உங்களது விந்தணுக்கள் நீர்ம வடிவில் வெளியே வரும். அப்படி வரும் விந்துக்கள் ஆண், அல்லது பெண்ணின் உடலில் அலர்ஜி அறிகுறிகளை ஏற்படுத்துவதுதான் இந்த பாதிப்பு. இதற்கு பெயர், Post-orgasmic illness syndrome

அலர்ஜிக்கான காரணங்கள்

ஆண்களின் விந்தணுக்கள் புரதத்தால் நிறைந்தது. உச்சமடைந்து ஆண்கள் அவற்றை வெளியிடும்போது அது படியும் உடல்பாகங்களில் இந்த புரதத்தால் அலர்ஜி ஏற்படுகிறது. பலரும் வாய் வழியாக புணரும் பழக்கத்தை கூட கொண்டிருக்கலாம், அவர்களுக்கு வாயில் அறிகுறிகள் தோன்றலாம்.

விந்தணு அலர்ஜியின் அறிகுறிகள்

• சொறி மற்றும் சருமம் சிவப்பு நிறமாதல
• எரிச்சல், அரிப்பு, வலி
• உயிர் குறிகளுக்கு அருகில் தடிப்புகள் மற்றும் வலி

பெண்களுக்கு அவர்களின் பெண்ணுறுப்பை சுற்றி அல்லது அதற்குள்ளும் அறிகுறிகள் வரலாம். மேலும் ஒரு சில அரிதான சூழலில் பின்வரும் அறிகுறிகளும் தோன்றலாம்.

• மயக்கம்
• வேகமான ஸ்வாசம்
• வேகமான இதயத்துடிப்பு
• ஏன்சைட்டி (anxiety)
• ரத்த அழுத்தம் குறைவு

கண்டுபிடிப்பது எப்படி?

பொதுவாக சிலர் சில மருந்துகளுக்கு அலர்ஜியாக இருப்பர். ஆனால், விந்தணு சார்ந்த அலர்ஜியாக இருந்தால் அது உங்களின் பிறப்புறுப்பில் அதை சுற்றி தோன்றுகிறதா என்பதை கவனியுங்கள். பின், அந்த இடத்தை நன்றாக கழுவி விட்டு அலர்ஜிக்கான மாத்திரையை அருகில் உள்ள மருந்தகத்தில் வாங்கி பயன்படுத்தி பாருங்கள். அது தற்காலிக தீர்வை கொடுத்தாலும் சரி, அல்லது கொடுக்கவில்லை என்றாலும் சரி உடனடியாக ஒரு நல்ல செக்ஸாலஜிஸ்டை சென்று பாருங்கள்.

சில நேரங்களில் இது பாலியல் உறவால் உங்கள் இணையரிடம் இருந்து பரவும் நோயாக கூட இருக்கலாம். எனவே, உங்களது பாலியல் உறவு, அலர்ஜி உள்ளிட்டவற்றின் தகவலை சரியாக மருத்துவரிடம் கூறுங்கள். உங்களது பாலியல் இணையரின் விந்தணுக்களின் மாதிரிகள் சேகரிக்கப்பட்டு உங்களது சருமத்தில் செலுத்தப்பட்டு சோதிக்கப்படும். சில நேரங்களில் ரத்த மாதிரிகளும் சேகரிக்கப்பட்டு சோதிக்கப்படும்.

எப்படி தவிர்ப்பது?

• பொதுவாகவே பாதுகாப்பான பாலியல் உறவை மேற்கொள்வது அவசியம். எனவே, காண்டமை பயன்படுத்துங்கள்.

• சுய இன்பம் காணும்போது உங்களது விந்தணுக்கள் உங்கள் உடலில் படாதவாறு பார்த்துக் கொள்ளுங்கள்

• உங்கள் மருத்துவர் கொடுக்கும் அலர்ஜி எதிர்ப்பு மாத்திரைகள் உங்களை தூங்க செய்யுமா என்பதை மருத்துவரிடம் விசாரித்து அதற்கேற்றவாறு சிகிச்சை எடுத்துக் கொள்ளுங்கள் மற்றும் உடலுறவை திட்டமிட்டுக் கொள்ளுங்கள்.

இதற்கான சிகிச்சையின் போது, பெண்களுக்கு அவரது பாலியல் இணையின் விந்தணுக்கள் ஒவ்வொரு 20 நிமிட இடைவெளிக்கும் ஒரு முறை செலுத்தப்பட்டு அவரது உடல் எப்படி தாங்குகிறது, என்ன விதமான அறிகுறிகளை காட்டுகிறது என்பதை சோதிப்பார்கள். மேலும், அந்த குறிப்பிட்ட விந்தணுக்களுக்கு உங்கள் உடல் ஒத்துப் போகும்வரை இதை பின்பற்றுவார்கள்.

மருத்துவரிடம் வெளிப்படையாக உங்களது உடலுறவு சுழற்சியை பற்றியும், முறைகளை பற்றியும் தெரிவித்தால் மட்டுமே அவர்களால் முறையான சிகிச்சை அளிக்க முடியும் என்பதை மனதில் வைத்துக் கொள்ளுங்கள்.