பெண்கள் பிறப்புறுப்பில் எதிர்கொள்ளும் பிரச்சனைகளை வெளியில் சொல்ல தயங்குகிறார்கள் அது தீவிரமாக உருவெடுக்கும் போது தான் மருத்துவரை அணுகுகிறார்கள் என்கிறார் சித்தமருத்துவ நிபுணர் சித்த மருத்துவ நிபுணர் உஷாநந்தினி BSMS., MSc Biotech.
பெண் உறுப்பில் வெள்ளைப்படுதல், அரிப்பு, எரிச்சல் போன்றவற்றை எதிர்கொள்வார்கள். மருந்துகள் எடுத்துகொண்டாலும் கூட அவை மீண்டும் மீண்டும் இந்த பிரச்சனையை உண்டாக்கும்.
பெண் உறுப்பில் பிஹெச் என்னும் அமிலத்தன்மையானது சமநிலையோடு இருந்தால் எந்த தொற்றும் நேராது. இந்த அளவானது 7 க்கு கீழ் இருந்தால் அது அசிட்டிக் என்கிறோம். 7 க்கு மேல் இருந்தால் அது அல்கலைன் என்கிறோம். 7 ஆக இருந்தால் அது நியூட்ரல் ஆகும். இந்நிலையில் பெண் உறுப்பில் இருக்கும் பிஹெச் அளவானது 3.5 முதல் 4. 8 க்குள் இருக்க வேண்டும். இந்த நிலையில் இருந்தால் தொற்றுகள் இல்லாமல் பார்த்துகொள்ள முடியும்.
பித்தப்பை கற்களை தடுக்க இந்த நாலு விஷயங்களில் கவனம் செலுத்துங்க, டாக்டர் சொல்லும் அட்வைஸ்!
இதில் ஏன் தொற்று உண்டாக்குகிறது?
பொதுவாக மாதவிடாய் நாட்களில் வெளிப்படும் உதிரப்போக்கு அல்கலைன் அதாவது காரத்தன்மை கொண்டது. இது பெண் உறுப்பில் இருக்கும் அமிலத்தன்மையை மாற்றுவதால் பிஹெச் அளவு கூடும். இந்நிலையில் 7 க்கு மேல் மாறும் போது மாதவிடாய் வருவதற்கு முன்பும் பின்பும் இந்த அரிப்பு உண்டாகிறது.
அண்டவிடுப்பின் நேரத்தில் மாதவிடாய் சுழற்சி முடிந்த 15 முதல் 18 நாட்களுக்குள் வெள்ளைப்படுதல் வெளிப்படும் . அப்போது பிஹெச் அளவை அதிகரித்துவிடும். 7 க்கு மேல் கொண்டு செல்லும். அப்போதும் நோய்த்தொற்று வருவதற்கான வாய்ப்புகள் அதிகரிக்கும்.
அரிப்பு பிரச்சனை இருக்கும் போது டெட்டால், க்ரீம், சோப்பு கொண்டு சுத்தம் செய்யும் போது அந்த இடத்தில் இருக்கும் பிஹெச் மேலும் தொல்லை செய்வது போல் ஆகிவிடும். இன்னும் சில பேர் வினிகர், பேக்கிங் சோடா கொண்டு சுத்தம் செய்கிறார்கள். ஆனால் இவையெல்லாம் மோசமான பாதிப்பை தான் உண்டாக்கும். இந்த அரிப்பு பிரச்சனை இருக்கும் போது மருத்துவரை அணுகினால் தான் பெண் உறுப்பில் பிஹெச் அளவானது அமிலத்தன்மையா, அல்கலைன் தன்மையா என்பதை கண்டறிய முடியும். சரியான சிகிச்சை அளிக்கவும் முடியும்.
இணையதளங்கள் வழியாக பார்த்து செய்யும் போது அது பாக்டீரியல் அல்லது பங்கல் தொற்றாக மாறுவதற்கு வாய்ப்புகள் உண்டு. அப்படியும் சிலருக்கு அரிப்பு, வலி, எரிச்சல் இருக்கும்.
சோப்பு பயன்படுத்தும் போது அல்கலைன் அல்லது அசிட்டிக் என்று பார்த்து பயன்படுத்தவேண்டும்.
நாப்கின் பயன்பாடு
நாப்கின் சரியானதாக பயன்படுத்த வேண்டும். நாப்கின் சிந்தடிக் ஆக இருந்தால் அதன் தன்மை மாறும். அதனோடு நமது உணவு பழக்கங்கள்,ஹார்மோன்கள் மாற்றத்தாலும் அந்த இடத்தில் நோய்த்தொற்று வரக்கூடும். அதனால் தான் பெண்கள் சுத்தமான காட்டனை பயன்படுத்த வேண்டும் என்று பரிந்துரைப்பது. மேலும் சிந்தடிக் பயன்படுத்தும் போது உஷ்ணம் கூட்டி அந்த இடத்தில் நோய்த்தொற்று உண்டாகிறது.
நீரிழிவு இருக்கும் பெண்கள்
டயபட்டிக் பெண்களுக்கு பிறப்புறுப்பு பிஹெச் எளிதாக மாறும். இவர்களுக்கு அரிப்பு எரிச்சல், வெள்ளை போன்று மாவாக உதிர்தல் போன்றவை உண்டாகலாம். நீரிழிவு, கர்ப்பப்பை பிரச்சனை, வெள்ளைப்படுதல் பிரச்சனை, ஹார்மோன் பிரச்சனை இருந்து பிறப்புறுப்பு பிரச்சனை வந்தால் உணவு முறையும் சிகிச்சை முறையும் மட்டுமே இதற்கு தீர்வாக இருக்கலாம்.
white discharge : பெண் உறுப்பில் வெள்ளைப்படுதல் நல்லது தான், எப்போது ஆபத்து, அறிகுறிகள் என்னென்ன?
உணவு
குளிர்ச்சியான உணவுகள் சேர்க்க வேண்டும். கற்றாழை மோருடன் எடுக்கலாம். தயிர்,மோர் பிஹெச் அளவை சமநிலையில் வைக்கும். அதிகமாக தண்ணீர் குடிப்பதும் பிஹெச் அளவை சமநிலைக்கும். உணவுகள் ஆரோக்கியமாக இருக்க வேண்டும். வைட்டமின் சி, வைட்டமின் கே போன்ற நோய் எதிர்ப்பு சக்தி மிகுந்த உணவுகளை எடுக்க வேண்டும்.
சித்த மருத்துவம்
சித்த மருத்துவத்தில் திரிபலா சூரணம் கிடைக்கும். இதை வாங்கி ஒரு டீஸ்பூன் அளவு எடுத்து தண்ணீரில் ஊறவைத்து ஒரு மணி நேரம் விடவும் இரவு தூங்குவதற்கு முன்பு சிறுநீர் கழித்த பிறகு இந்த நீரை கொண்டு பிறப்புறுப்பை சுத்தம் செய்தால் பிஹெச் அளவு சமநிலையில் இருக்கும். அதோடு தொற்றுகளும் அண்டாமல் இருக்கும்.
பெண் உறுப்பு மிக சென்சிடிவ் ஆன பகுதி அதனால் சுயமாக வைத்தியம் செய்யாமல் மருத்துவரை அணுகுவது மட்டுமே பாதுகாப்பானது.