ஆலிவ் ஆயில் பயன்படுத்தினால் கிடுகிடுவென முடி வளர்கிறதாம்; எப்படித் தெரியுமா?

ஆலிவ் ஆயில், அதன் ஆச்சரியத்தக்க பண்புகளுக்காக அறியப்பட்டது. ஆலிவ் மரங்கள் பெரும்பாலும் மத்திய தரைக்கடல் பகுதியில் வளர்கிறது. இதிலிருந்து ஆலிவ் ஆயில் பிரித்தெடுக்கப்பட்டு, உலகின் பல்வேறு நாடுகளுக்கு ஏற்றுமதி செய்யப்படுகிறது. இந்தியர்களும் தங்கள் தினசரி உணவுக் கட்டுப்பாட்டு விஷயத்தில் ஆலிவ் ஆயிலை பயன்படுத்த தொடங்கிவிட்டனர்.

ஆனால் தோல், முடிக்கு ஆலிவ் ஆயில் பயன்படுவது குறித்து பலர் அறிந்ததில்லை. ஆலிவ் ஆயில் முடி வளர்ச்சியில் முக்கிய பங்காற்றுகிறது என்பதை அறிந்தால், அனைவரும் ஆச்சரியப்படுவீர். அதெப்படி சாத்தியம் என்று எண்ணுபவர்களுக்கு, இதோ ஆலோசனைகள்!

ஆரோக்கியமான முடி என்பது ஆரோக்கியமான தலைப்பகுதியைக் குறிக்கிறது. முடி உதிர்விற்கு காரணம், தலைப்பகுதிக்கு தேவையான ஊட்டச்சத்துக்கள் கிடைக்காததே ஆகும். இதில் நலம் தரும் ஆண்டி ஆக்சிடண்ட்ஸ் இருப்பதால், தலைப்பகுதிக்கு மிகவும் சிறந்தது.

முடிகளில் ஆலிவ் ஆயில் எப்படி வேலை செய்கிறது?

ஆலிவ் ஆயில் கொண்டு முடிகள் மற்றும் தலைப்பகுதியில் மசாஜ் செய்வதால், முடி வேர்களுக்கு ரத்த ஓட்டத்தை அதிகரிக்கிறது. இது தடிமனான முடி வளரவும், முடி வளர்ச்சியை இரட்டிப்பாக்கவும் உதவுகிறது. தலைப்பகுதியில் ஈரப்பதத்திற்கு உதவி செய்து, பொடுகு வராமல் தடுக்கிறது. இந்த பொடுகு தான் முடி கொட்டுவதற்கு முக்கிய காரணமாக இருக்கிறது.

இந்த ஆலிவ் ஆயிலில் ஆரோக்கிய கொழுப்பு அமிலங்கள் நிறைந்து காணப்படுகின்றன. இது முடிவேர்களுக்கு வலுவூட்டி, முடி வளர்ச்சிக்கு பெரிதும் உதவுகிறது.

முடி வளர்ச்சிக்கு உகந்ததாக ஆலிவ் ஆயிலை எப்படி பயன்படுத்துவது?

ஆலிவ் ஆயிலை மென்மையாக தலையில் தடவ வேண்டும். இதன்மூலம் தலைப்பகுதியில் ரத்த ஓட்டத்தை அதிகரிக்க முடியும்.

மேலும் பாதாம் எண்ணெய், கற்பூரம், ஆமணக்கு எண்ணெய் ஆகியவற்றுடன் கலந்து தடவலாம். அதேசமயம் முடி கருகருவென்று இருக்கவும் ஆலிவ் ஆயில் உதவுகிறது.

How to use olive oil for magical hair growth.