பெருங்குடலை ஆரோக்கியமாக வைத்திருக்கும் கனோலா எண்ணெய்... எப்படி சேர்த்துக்கணும்...

இந்த எண்ணெயில் ஒமேகா-3 கொழுப்பமிலங்கள் அதிக அளவில் நிறைந்துள்ளன. அதே நேர த்தில் சோள எண்ணெயில் ஒமேகா-3 அமிலங்கள் அதிகமாக நிறைந்துள்ளன. கனோலா எண்ணெய் பெருங்குடலில் கட்டி வளர்ச்சியை கட்டுப்படுத்துவதில் முக்கிய பங்கு வகிக்கிறது. விலங்குகளில் நடத்தப்பட்ட ஆய்வில் ஆய்வாளர்கள் பெருங்குடல் கட்டிகளின் அளவு மற்றும் எண்ணிக்கையை பதிவு செய்து, கொழுப்பு அமில கலவைக்கு ஏற்றவாறு அவற்றின் ரத்தத்தை ஆய்வு செய்தனர். சோள எண்ணெய் உடன் ஒப்பிடும் போது கனோலா எண்ணெய் பெருங்குடல் கட்டிகளின் வளர்ச்சியைக் கட்டுப்படுத்துகிறது என்று தெரியவந்துள்ளது.

தற்போது விலங்குகளில் நடத்தப்பட்டு வரும் இந்த ஆராய்ச்சிகள் மனிதர்களில் வேலை செய்கிறதா என்பதை தெரிந்துகொள்ள ஆராய்ச்சிகள் செய்யப்பட வேண்டும். கனோலா எண்ணெயில் மட்டுமல்லாமல், வால்நட், ஆளிவிதை, ஆலிவ் எண்ணெய் ஆகியவற்றில் உள்ள ஒமேகா 3 கொழுப்பு அமிலங்கள் புற்றுநோய் ஏற்படும் ஆபத்திலிருந்து தற்காப்பு மற்றும் பல்வேறு ஆரோக்கிய நன்மைகளை வழங்குகிறது என்பதை நாம் ஏற்கனவே அறிவோம். அவை இதய நோய்கள் ஏற்படாமல் கட்டுப்படுத்தவும், கொழுப்பை கட்டுப்படுத்தும், பசியை கட்டுப்படுத்தவும் உதவுகிறது. எனவே உங்கள் உணவில் அதிக அளவில் ஒமேகா-3 கொழுப்பமிலங்கள் இருக்குமாறு பார்த்துக் கொள்ளுங்கள்.

ஒமேகா 3 கொழுப்பு அமிலங்கள் மீன்களில் அதிகமாக உள்ளன, சால்மன், கானாங்கெளுத்தி,மத்தி போன்ற பலவகையான மீன்களில் ஒமேகா கொழுப்பு அமிலங்கள் நிறைந்துள்ளன.

அதிக அளவில் நட்ஸ்களை உங்கள் உணவில் சேர்த்துக் கொள்ளுங்கள். நட்ஸ் மற்றும் விதைகள் ஆகியவற்றில் இருந்து தயாரிக்கப்படும் எண்ணெய்களைப் பயன்படுத்தலாம்.

ஏனென்றால் பெருங்குடல் புற்றுநோய் அமெரிக்காவில் பெரும்பாலான இறப்புக்கு காரணம் என்பதை மறந்து விடாதீர்கள். எனவே பெருங்குடல் ஆரோக்கியத்தில் கவனம் செலுத்துவது அவசியம்.