உட் புறங்களில் உள்ள பூஞ்சைகளை நீக்குவதற்கு, நமது சுற்று ச்சூழலை அவற்றின் வளர்ச்சிக்கு சாதகமற்றதாக மாற்ற கூடிய பூஞ்சை காளான் எதிர்ப்பு காரணிகளை பயன்படுத்த வேண்டும்.
பூஞ்சையினால் ஏற்படும் மாசு ஒரு பிரச்சினையா?
வெப்பமயமாதல், ஏர் கண்டிஷனிங் மற்றும் காற்றோட்டம் அமைப்புகளின் நிறுவல் மற்றும் பராமரிப்பு காரணமாக வளர்ந்த நாடுகளில் பூஞ்சை மாசுபாடு என்பது ஒரு மிக பெரும் பிரச்சினையாக மாறியுள்ளது. இது போன்ற பொருட்களின் உட்புறத்தில் அதிகமாக பூஞ்சை மாசுபாட்டினை ஏற்படுத்துகிறது. உட்புற மாசுபாடு காரணமாக ஏற்படும் அறிகுறிகள்
ஒவ்வாமை
ஆஸ்துமா,
சுவாசக் கோளாறுகள்
குமட்டல்
எரிச்சல்
சரும வெடிப்பு
தலைச்சுற்றல்
சளி சவ்வு எரிச்சல்
தலைவலி
பிற சுவாச மற்றும் குறிப்பிட்ட அல்லாத சுகாதார பிரச்சினைகள்.
வீடுகளில் பயன்படுத்தப்படும் உட்புற பொருட்களில் உருவாகும் சில பூஞ்சை இனங்கள் கிளாடோஸ்போரியம், ஆல்டர்நேரியா, எபிகோகம், ஆரியோபாசிடியம், அஸ்பெர்கிலஸ் மற்றும் பென்சிலியம் போன்றவை ஆகும்.
நீண்டகாலம் சுவர்கள் அல்லது கட்டிடங்களில் ஈரப்பதம் நீடிக்கும் போது பூஞ்சை வளர்ச்சி விரிவடைகிறது. இந்த பூஞ்சை வித்துக்கள் காற்றில் பரவி மாசுபாடுகள் ஏற்படுகின்றன.
வினிகர் பூஞ்சைகளை அழிக்க பயன்படுமா?
வினிகர் அல்லது அசிட்டிக் அமிலம் பூஞ்சைகளுக்கு எதிராக செயல்படுகிறது என்று பல ஆய்வுகள் தெரிவிக்கின்றன. ஆப்பிள், ஸ்ட்ராபெர்ரி மற்றும் தக்காளி போன்ற பழங்களில் பென்சிலியம் எக்ஸ்பான்சம், மோனிலினியா பிரக்டிகோலா, கோலெட்டோட்ரிச்சம் கோகோட்ஸ் மற்றும் போட்ரிடிஸ் சினீரியா போன்ற பூஞ்சைகளின் வளர்ச்சியைத் தடுக்க வினிகர் நீராவி பல்வேறு முறைகளில் பயன்படுத்தப்பட்டு வருகிறது.
அசுத்தமான மேற்பரப்புகளிலிருந்து பூஞ்சைகளை அகற்றவும், உட்புற பூஞ்சை மாசுபடுவதைத் தடுக்கவும், கடினமான மேற்பரப்பு பூஞ்சைகளை அகற்றவும் தண்ணீரில் வினிகரை கலந்து பயன்படுத்தலாம் என்று சில நாடுகள் பரிந்துரைக்கின்றன. மேலும் வினிகர் மலிவானது மற்றும் பல பூஞ்சை வகைகளை அழிக்க பயன்படுகிறது. உள்நாடுகளில் தயாரிக்கப்படும் வினிகரில், அசிட்டிக் அமிலத்தின் செறிவு 5 முதல் 8 சதவீதம் வரை உள்ளது. இதில் உள்ள அமில செறிவு பூஞ்சைகளின் வளர்ச்சியை அழிப்பதில் திறம்பட செய்கிறது.
எதில் பயன்படுத்தக் கூடாது?
ஒரு சில பூஞ்சைகளை அழிக்க வினிகர் பயன்படுகிறது என்றாலும், நோயெதிர்ப்பு குறைபாடு உள்ளவர்கள், உறுப்பு மாற்று அறுவை சிகிச்சை செய்தவர்கள், எய்ட்ஸ் தொற்று உள்ள நபர்கள் போன்றவர்களை பாதிக்கும் ஏ. புமிகேட்டஸ் என்ற வகை பூஞ்சையை அழிக்க வினிகர் உதவுவதில்லை.
மேலும் இந்த வினிகரை மேற்பரப்பில் ஏற்பட்டுள்ள பூஞ்சைகளை அழிக்க பயன்படுத்த முடியாது. ஏனெனில் இந்த வினிகரில் துடைப்பதன் காரணமாக அந்தப் பொருட்களில் சேதம் ஏற்படக்கூடும். கீழ்கண்ட பொருட்களில் பூஞ்சை பாதிப்பு இருந்தால் வினிகர் பயன்படுத்த கூடாது.
மரக்கலங்கள்
பளிங்கு மற்றும் சுண்ணாம்பு கற்களால் ஆன மேற்பரப்புகள்
எலக்ட்ரானிக் திரைகள்
அலுமினியம், தாமிரம் மற்றும் எக்கு போன்றவற்றால் ஆன பொருட்கள்
கம்பளம் போன்ற உறிஞ்சக்கூடிய மேற்பரப்பு
வினிகரை பயன்படுத்துவது எப்படி?
வினிகரை பயன்படுத்துவதற்கு முன் அந்த பொருட்களில் உள்ள ஈரப்பதத்தைக் கவனிக்க வேண்டும். அதன் பிறகு பூஞ்சை அகற்றும் பணிகளில் ஈடுபட வேண்டும். ஏனெனில் ஈரப்பதத்தை நீக்காமல் பூஞ்சைகளை சுத்தம் செய்யும் பட்சத்தில், அதே இடங்களில் மீண்டும் பூஞ்சைகள் வளரும் வாய்ப்புகள் அதிகம். உட்புறங்களை சுத்தம் செய்வதற்கு முன் பாதுகாப்பான கையுறைகள், முக கவசம் போன்றவற்றை பயன்படுத்துங்கள். வினிகருடன் 5% அசிட்டிக் அமிலம் சேர்த்து பூஞ்சை வளர்ந்துள்ள பகுதிகளில் தெளிக்கவும். ஒரு மணி நேரம் ஊற வைத்து பின்பு மென்மையான துணியை கொண்டு துடைக்கவும். சுத்தமான துணியைக் கொண்டு அந்த பகுதியை துடைத்து நன்றாக காய வைக்கவும்.