கோதுமைப்புல், பல்லாண்டு காலமாக இருந்துவரும்போதிலும், அதை பயன்படுத்துவதால் நமது உடலுக்கு கிடைக்கும் நன்மைகள் குறித்து சமீப காலமாகவே விவாதிக்கப்பட்டு வருகிறது. கோதுமைப்புல்லில், நமது உடலுக்கு தேவையான எந்தெந்த சத்துக்கள் அதிகமாக உள்ளன. அது எவ்வாறு நமது உடலுக்கு பயன்படுகின்றன என்பது குறித்து இந்த கட்டுரையில் நாம் விரிவாக காண்போம்.....
கோதுமைப்புல்லில் உள்ள சத்துக்கள்
கோதுமைப்புல் என்பது கோதுமை பயிரின் இளம் பருவம் ஆகும். கோதுமை, Triticum aestivum என்ற தாவர குடும்பத்தை சேர்ந்தது ஆகும். இதில் பல்வேறு விதமான சத்துக்கள் நிறைந்துள்ளன. இந்த சத்துக்கள், நமது உடலுக்கு நன்மை பயப்பனவாக உள்ளன.
நமது உடலுக்கு தேவையான சத்துக்களின் இருப்பிடமாக கோதுமைப்புல் உள்ளது. கோதுமைப்புல்லில் அதிகளவில் நார்ச்சத்து மற்றும் புரோட்டீன் உள்ளது. இதுமட்டுமல்லாது, வைட்டமின்கள் ஏ, சி, இ, கே மற்றும் பி காம்பிளக்ஸ் அதிகளவில் உள்ளது. இரும்புச்சத்து, கால்சியம், மெக்னீசியமும் அதிகளவில் உள்ளன. கோதுமைப்புல், சிறந்த ஆன்டி ஆக்சிடண்ட், ஆன்டி பாக்டீரியல், மற்றும் ஆன்டி இன்பிளமேட்டரி பண்புகளை தன்னகத்தே கொண்டுள்ளன.
உணவில் கோதுமைப்புல்
கோதுமைப்புல்லை, நமது உணவில் நாம் எளிதாக சேர்த்துக் கொள்ளலாம். கோதுமைப்புல் சாறு மற்றும் ஸ்மூத்தியாக இதை நாம் பயன்படுத்தலாம். கோதுமைப்புல் தற்போது மாத்திரை வடிவிலும் சந்தைகளில் கிடைக்கிறது. கோதுமை பயிரின் இலையை நாம் சாப்பிட்டால் அது எளிதில் செரிமானம் ஆகாது என்பதையும் நாம் இந்நேரத்தில் கருத்தில் கொள்ள வேண்டும்.
தினமும் காலையில் வெறும் வயிற்றில், நாம் கோதுமைப்புல்லின் சாற்றை அருந்தி வந்தால், நமது உடலுக்கு தேவையான அனைத்து சத்துகளும் கிடைத்துவிடும் என்பதை நாம் எந்த நேரத்திலும் மறக்க வேண்டாம்.
என்ன நன்மைகள்?
கோதுமைப்புல், சத்துக்களின் மையமாக உள்ளதால், அதில் உள்ள சத்துக்கள், நமது உடலுக்கு இன்றியமையாததாக உள்ளது. அது எவ்வாறு நமக்கு உதவிபுரிகிறது என்பதை இனி விளக்கமாக காண்போம்....
குடல் பகுதியில் ஏற்படும் பாதிப்புகளில் இருந்து காத்து, செரிமானத்தை துரிதப்படுத்துகிறது.
கோதுமைப்புல்லில் உள்ள அமினோ அமிலங்கள் மற்றும் என்சைம்கள், நோய் எதிர்ப்பு சக்தியை அதிகரிக்க உதவுகிறது.
நமது உடலுக்கு தேவையான வைட்டமின்கள் உள்ளிட்ட அனைத்து சத்துகளும் ஒருங்கே உள்ளபோதிலும், இது குறைந்த கலோரி கொண்டதாக உள்ளதால், நமது உடல் எடை அதிகரிக்காமல் இருக்க உதவுகிறது.
கோதுமைப்புல்லில் உள்ள ஆன்டி ஆக்சிடண்ட் பண்புகள் மற்றும் வைட்டமின் சி சத்தால், ப்ரீ ரேடிகல்ஸ் மூலம் நமது உடலுக்கு ஏற்படும் அழற்சி உள்ளிட்டவற்றை தடுக்கிறது.
பற்கள் சிதைவை தடுத்து, பற்கள் பராமரிப்பிற்கு உதவுகிறது.
சரும பராமரிப்பிற்கு பேருதவி புரிகிறது.
இரத்தத்தில் சர்க்கரையின் அளவை ஒழுங்குபடுத்துகிறது.
எதிர்மறை விளைவுகள்
கோதுமைப்புல்லில் அதிகளவில் நன்மைகள் உள்ளபோதிலும், இதை அதிகம் உட்கொள்ளும் பட்சத்தில், சில பக்கவிளைவுகளையும் இது ஏற்படுத்த தவறுவது இல்லை. கோதுமைப்புல்லின் சாற்றை நாம் அதிகம் குடிக்கும் பட்சத்தில், அது கோதுமை மற்றும் அதுதொடர்பான அலர்ஜிகள் ஏற்பட காரணமாக அமைந்து விடுகின்றன. தொண்டை பகுதியில் வீக்கம் உள்ளிட்ட பாதிப்புகளும் இதன் காரணமாக ஏற்படும் வாய்ப்புகள் மிகவும் அதிகமாக உள்ளன.
மற்ற முக்கியமான பக்கவிளைவுகளாக குறிப்பிடப்படுவது யாதெனில், குமட்டல், வாந்தி வரும் உணர்வு, தலைவலி, மலச்சிக்கல் போன்றவைகள் ஆகும். கோதுமைப்புல்லை நாம் எவ்வித சுத்தப்படுத்தலும் இன்றி உட்கொள்ளும் பட்சத்தில், அது பாக்டீரியா தொற்று ஏற்படுவதற்கும் காரணமாக அமைந்து விடுகிறது.
பச்சையம் தொடர்பான அலர்ஜியால் பாதிக்கப்பட்டு உள்ளவர்களுக்கு, இனிய வரப்பிரசாதமாக இந்த கோதுமைப்புல் உள்ளது. ஏனெனில், இந்த கோதுமைப்புல்லில் பச்சையம் இல்லை என்பது குறிப்பிடத்தக்கது.