மஞ்சள் காமாலை ஏன் உண்டாகிறது?
பிலிரூபின் என்ற கழிவுப் பொருட்கள் குவிந்து கல்லீரலில் இருந்து உடலின் ரத்த ஓட்டத்தோடு அவை கலக்கும்போது மஞ்சள் காமாலை ஏற்படுகிறது.
அதைத்தவிர மஞ்சள் காமாலைக்கான பல்வேறு வகைகள் மற்றும் காரணங்கள் இருக்கின்றன. உணவுமுறை மற்றும் அதிகப்படியான மது பழக்கம் ஆகியவையும் மஞ்சள் காமாலை உண்டாவதற்கான முக்கியக் காரணமாக இருக்கிறது.
தண்ணீர் குடிக்க வேண்டியதன் அவசியம்
மஞ்சள் காமாலை அறிகுறிகள்
பிலிரூபின் அளவு அதிகரிக்கும்போது அதன் அறிகுறிகள் நபருக்கு நபர் வேறுபடலாம். அது எதனால் அதிகரிக்கிறது என்பதை பொருத்து அதில் மாறுபாடு உண்டாகும்.
பாதிக்கப்பட்டவர்களுக்கு உடல் திசுக்கள், கண்கள் மற்றும் தோலின் மஞ்சள் நிறமாற்றம் அடையலாம். அதோடு பின்வரும் அறிகுறிகளும் உண்டாகும்...
அடர்ந்த நிறத்தில் சிறுநீர் வெளியேறுவது,
மலத்தின் நிறத்தில் மாற்றங்கள் ஏற்படுவது,
கடுமையான வயிற்று வலி,
மூட்டு வலி,
உடல் சோர்வு,
காய்ச்சல்,
ஆகிய அறிகுறிகள் தோன்றும்.
சேர்த்துக் கொள்ள வேண்டிய காய்கறிகள், பழங்கள்
பெர்ரீஸ்,
திராட்சை,
சிட்ரஸ் வகை பழங்கள்,
பப்பாளி,
வாட்டர்மெலன்,
பூசணிக்காய்,
சர்க்கரை வள்ளிக்கிழங்கு,
தக்காளி,
கேரட்,
பீட்ரூட்,
இஞ்சி,
பூண்டு,
அவகேடோ,
கீரை,
காலிஃபிளவர்,
இந்த காய்கறிகளை முழு உணவுகளாக தினசரி டயட்டில் சேர்த்துக் கொள்வது நல்லது. பழங்களை ஜூஸாக எடுக்காமல் பழங்களாகவே சாப்பிடுவது சிறந்தது.
நார்ச்சத்து நிறைந்த உணவுகள்
அமெரிக்க லிவர் பவுண்டேஷன் கல்லீரலின் செயல்பாட்டை மேம்படுத்துவதற்கு அதிக நார்ச்சத்துக்கள் கொண்ட உணவு முறையை பின்பற்ற வேண்டும் என்று அறிவுறுத்துகிறது. அத்தகைய நார்ச்சத்துக்கள் நிறைந்த சில உணவுகளின் பட்டியல் இதோ...
பாதாம்,
அவகேடோ,
பெர்ரீஸ்,
ப்ரக்கோலி,
பிரௌன் ரைஸ்,
கேரட்,
கொண்டைக்கடலை,
ஓட்ஸ்,
ப்ளம்ஸ்,
விதைகள்,
வால்நட்,
முழு கோதுமை
போன்றவற்றில் நார்ச்சத்துக்கள் அதிகமாக இருக்கின்றன.
லீன் புரோட்டீன்
மெலிந்த புரதங்கள் என்று சொல்லப்படுகிற லீன் புரோட்டீன் உணவுகள் அதிக கொழுப்பு நிறைந்த உணவுக்கு மாற்றாக இருக்கும்.
குறிப்பாக சிக்கன், மீன், முட்டை ஆகிய மெலிந்த புரதங்கள் கொண்ட உணவுகளில் புரதச்சத்தும் அதிகமாகக் கிடைக்கும். அதேசமயம் கொழுப்புச் சத்தும் குறைவாக இருக்கும்.
சப்ளிமெண்ட்டுகள்
உணவுகளின் வழியே எல்லா வகையான ஊட்டச்சத்துக்களும் சரியான கிடைக்கும், அதை உடல் சரியாக உறிஞ்சிக்கொள்ளும் என்று சொல்லிவிட முடியாது. அதனால் மல்டி வைட்டமின் சப்ளிமண்ட்டுகளை எடுத்துக் கொள்வது மிக நல்லது.
அதேசமயம் நீங்களே ஏதாவது சப்ளிமெண்ட்டுகள் எடுத்துக் கொள்வதை தவிர்த்துவிட்டு மருத்துவரின் ஆலோசனையுடன் எடுத்துக் கொள்வது நல்லது.
தண்ணீர்
கல்லீரலின் செயல்பாடு சரியாக இருக்க வேண்டுமென்றால் அதற்கு தண்ணீர் மிக அவசியம். அதிலும் கல்லீரல் தொடர்பான பிரச்சினை இருப்பவர்கள் திரவ உணவுகளை அதிகமாக எடுத்துக் கொள்ள வேண்டும்.
எப்போதும் உடலை நீர்ச்சத்துடன் வைத்திருக்க வேண்டியது அவசியம். ஒரு நாளைக்கு குறைந்தது 3 லிட்டர் தண்ணீராவது குடிக்க வேண்டும். அதோடு தண்ணீரில் எலுமிச்சை நீர் கலந்து குடிப்பது, இளநீர் குடிப்பது என திரவ உணவுகளை அதிகமாக எடுத்துக் கொள்ளுங்கள்.
தவிர்க்க வேண்டிய உணவுகள்
கல்லீரல் சம்பந்தமான பிரச்சினை உள்ளவர்கள் கீழ்வரும் உணவுகளை கட்டாயம் தவிர்க்க வேண்டும்.
ஆல்கஹால்
கொழுப்பு நிறைந்த உணவுகள்,
சர்க்கரை உணவுகள்,
சோடியம் நிறைந்த உணவுகள்,
பதப்படுத்தப்பட்ட உணவுகள்,
ரீஃபைண்ட் செய்யப்பட்ட உணவுகள்
ஆகியவற்றை தவிர்க்க வேண்டியது கட்டாயம்.