எள் விதைகள்
எள் விதைகளில் துத்தநாகம், தாமிரம், கால்சியம், வைட்டமின்கள், ஆக்ஸிஜனேற்றிகள், புரதம் மற்றும் உணவு நார்ச்சத்து போன்ற ஊட்டச்சத்துக்கள் உள்ளன. இது உங்கள் உணவில் சேர்க்கப்பட வேண்டிய ஊட்டச்சத்து வகைள் ஆகும். இந்த எள் ஆயுர்வேதத்தில் ஒரு சிறப்பான இடத்தைப் பெற்றுள்ளது. ஏனெனில் இது கல்லீரல், எலும்பு மற்றும் தோல் உள்ளிட்ட உங்கள் ஒட்டுமொத்த உடல் உறுப்புகளின் ஆரோக்கியத்திற்குமே நன்மை அளிக்கவல்லது ஆகும். மலச்சிக்கலுக்கு இது ஒரு சிறந்த மருந்து. பொதுவாக, மலச்சிக்கல் குளிர்காலத்தில் அதிகமாக இருக்கும். இதைத் தடுக்க நார் மற்றும் நிறைவுறா கொழுப்பு அமிலத்தை உள்ளடக்கிய உணவுகளை அதிகமாகச் சேர்த்துக்கொள்வதன் மூலம் மலச்சிக்கல் வருவதைத் தடுக்கமுடியும்.
சிறந்த செரிமானத்திற்கு அருமருந்து (Digestion)
எள் விதைகளில் நார்ச்சத்து அதிகமாக உள்ளது. எனவே எள் விதைகளை உணவில் சேர்த்துக்கொள்வதன்மூலம், குடல் மென்மையாக இயங்குகிறது. அதாவது செரிமானம் மிகவும் எளிதாகிறது. 2015ம் ஆண்டில் மேற்கொள்ளப்பட்ட ஆராய்ச்சி, எள்ளில் பைபர் (நார்ச்சத்து) மிகவும் அதிகமாக இருப்பதையும், அது நமது உணவு செரிமானத்திற்கு (Digestion) மிகவும் உறுதுணையாக இருப்பதையும் உறுதி செய்துள்ளது. எனவே இரைப்பை சம்பந்தப்பட்ட அனைத்து பிரச்சினைகளுக்கும் எள் அருமருந்து.
நல்ல புரதம் நிறைந்த உணவு (Rich protein food)
எள் விதையில் புரதம் மிகவும் அதிகமாக உள்ளது. ஒவ்வொரு 30 கிராம் எள் விதைகளை நாம் உட்கொள்வதன்மூலம், 5 கிராம் புரதம் நமக்குக் கிடைக்கிறது. உணவில் சைவ வகைகளை மட்டும் சேர்த்துக்கொள்பவர்கள், எள்ளைச் சேர்த்துக்கொள்வதன்மூலம், புரதச்சத்தை எளிதில் பெற்றுக்கொள்ள முடியும். நல்ல உறுதியை தசைளைப்பெறுவதற்கும். ஹார்மோன்களை நிலைப்படுத்துவதற்கும், புரத உணவு அவசியம் தேவை.
ப்ளூ காய்ச்சலை விரட்டும் தன்மை வாய்ந்தவை :
பொதுவாகக் குளிர் காலம் ஆரம்பித்து விட்டாலே, சளி மற்றும் காய்ச்சல் போன்றவற்றால் அநேகர் பாதிக்கப்படுவதை நாம் கண்கூடாகப் பார்க்க முடியும். இதற்கு மிக முக்கிய காரணம் வலுவான நோய் எதிர்ப்புச் சக்தி இல்லாமலிருப்பதே ஆகும் எள்ளில் துத்தநாகம், தாமிரம், இரும்பு மற்றும் பிற வைட்டமின்கள் நிறைந்துள்ளன. இவை சளி மற்றும் காய்ச்சல் போன்றவற்றிற்கு எதிரான நோய் எதிர்ப்புச் சக்தியை உருவாக்க வல்லது. எனவே குளிர்காலத்தில் எள்ளை உணவில் அதிகமாகச் சேர்த்துக்கொள்வது அவசியம்.
ஆன்டி ஆக்ஸிடன்ட்கள் நிறைந்தவை :
நமது உடலுக்கு ஆன்டி ஆக்ஸிடன்ட்டுகள் மிகவும் தேவையானவை. இவை நமது உடலின் ஆக்ஸினேற்ற அளவில் மாறுபாடு வருவதைக் குறைக்கின்றன. ஆக்ஸிஜனேற்ற அழுத்தத்திற்கு எதிராக ஆன்ழ ஆக்ஸிடண்ட்கள் போராடி, அவற்றைச் சம அளவில் வைக்கின்றன. எனவே எள்ளைத் தினமும் சம அளவில் சேர்த்துக்கொள்வதன்மூலம், நாம் ஆக்ஸிஜனேற்ற அழுத்தத்திலிருந்து தப்பித்துக்கொள்ள முடியும். மேலும் எள் நமது தோலுக்கும், நல்ல ஆரோக்கியம் நிறைந்த தலைமுடிக்கும் சிறந்த வரப்பிரசாதமாக இருக்கிறது.
ஆற்றலை அதிகரிக்கும்
பொதுவாக நாம் குளிர்காலத்தில் சற்று சோர்வாகவே காணப்படுவோம். நமது உடலுக்கு நல்ல சுறுசுறுப்பைத்தர ஒமேகா கொழுப்பு தேவை. இதற்கு எள் மிகவும் அவசியம் தேவை. ஏனெனில் எள்ளில் ஓமேகா கொழுப்பு மிகவும் அதிகமாகவே நிறைந்துள்ளதால், நமது உடல் சுறுசுறுப்பாக இருக்கும்.
இரத்த சர்க்கரை நோய்க்கு அருமருந்து
இரத்த சர்க்கரை நோயினால் பாதிக்கப்பட்டவர்கள், அதனைக் கட்டுக்குள் வைத்திருக்கப் பல மருந்துகளை உட்கொள்வர் பல மருந்துகளை உட்கொண்டாலும், இரத்த சர்க்கரை வியாதியின் பாதிப்பினால் துன்பப்படுபவர் அநேகர். எள் இரத்த சர்க்கரையின் அளவை கட்டுக்குள் வைக்கப் பெரிதும் உதவுகிறது. பயோ ஆர்கானிக் மற்றும் மெடிசினல் கெமிஸ்ட்ரி ஆய்வில், எள் விதைகளில் பினோரெசினல் என்ற கலவை இருப்பதைக் கண்டறிந்துள்ளனர். இது நமது உணவில் உள்ள மால்டோஸை உடைக்கிறது. எனவே இரத்தத்தில் உள்ள சர்க்கரையின் அளவு பெரிதும் குறைகிறது.
எனவே நாம் எள் நிறைந்த உணவுப்பொருள்களை மிகவும் அதிகம் சேர்த்துக் கொள்வோம். ஹெல்த்தியான வாழ்விற்கு வித்திடுவோம்.