ஆப்பிள்
பொட்டாசியம் சத்து அதிக அளவில் இருக்கின்ற ஆப்பிளில் இயற்கையாகவே சோடியம் அளவு மிக மிகக் குறைவு.
அதேபோல ஆப்பிளில் கொழுப்புச்சத்து மிக மிகக் குறைவு. வைட்டமின் சி மற்றும் நார்ச்சத்துக்கள் மிக அதிகம்.
மற்ற பழங்களில் உள்ளதைக் காட்டிலும் ஆப்பிளில் பாலிபிளைல்கள் அதிகம். இவை இதய ஆரோக்கியத்தை மேம்படுத்த உதவி செய்கின்றன. எல்லா சீசன்களிலும் கிடைக்கக்கூடிய ஆப்பிளை தினசரி உணவில் சேர்த்துக் கொள்வது மிக நல்லது.
வெள்ளரிக்காய்
வெள்ளரிக்காய் மிக ஆரோக்கியமான ஸ்நாக் என்றே சொல்லலாம். இதில் நீர்ச்சத்து மிக அதிகம். ஆனால் சோடியம் மிகக் குறைவு. அதனால் இதன் கலோரிகளும் மிக மிகக் குறைவு.
ஒரு பெரிய கப் அளவு வெள்ளரிக்காயில் வெறும் 3 கிராம் மட்டுமே சோடியம் உள்ளது. அதிக நீர்ச்சத்தும் கொண்டது. அதனால் உடலுக்குத் தேவையான நீர்ச்சத்து மற்றும் சோடியம் இரண்டையும் வெள்ளரிக்காயி்ல இருந்தே நம்மால் பெற முடியும்.
சாலட் வடிவில் சிற்றுண்டியாகவோ அல்லது உணவுடன் சேர்த்தோ வெள்ளரிக்காயை சாப்பிடலாம்.
பாதாம்
ஃபாஸ்ட் ஃபுட், ஜங்க் உணவுகளை ஸ்நாக்ஸ் நேரங்களில் எடுத்துக் கொள்வதற்கு சிறந்த மாற்றாக இந்த பாதாம் பருப்பு இருக்கும். பாதாமில் சோடியம் மிக மிகக் குறைவு.
100 கிராம் அளவு பாதாமில் வெறும் 1 மில்லிகிராம் மட்டுமே சோடியம் இருக்கிறது. அதேசமயம் புரதச்சத்து உள்ளிட்ட பிற முக்கியமான ஊட்டச்சத்துக்களும் ஆன்டி ஆக்சிடண்ட்டுகளும் மிக அதிகம்.
வைட்டமின் ஈ, மெக்னீசியம், புரதம், ரிபோஃப்ளேவின், துத்தநாகம் உள்ளிட்ட 15 ஊட்டசசத்துக்களை உள்ளடக்கியது.
பாதாம் ரத்த சர்க்கரை அளவைக் குறைத்து, உயர் ரத்த அழுத்தம் மற்றும் உயர் கொலஸ்டிரால் ஆபத்தைக் குறைக்கிறது. அதுமட்டுமின்றி சாப்பிட்டு நீண்ட நேரம்வரை வயிறு நிரம்பிய உணர்வைத் தருவதோடு எடையைக் குறைக்கவும் தசை வளர்ச்சியை மேம்படுத்தவும் உதவக் கூடியது.
எலுமிச்சை சாறு மற்றும் மூலிகைகள்
உணவுகளில் ஒருவேளை உப்பு அதிகமாக இருந்தாலோ அல்லது சோடியம் நிறைந்த உணவுகளை எடுக்கும்போது அவற்றில் உள்ள உப்பின் த்னமையை குறைப்பதற்கு எலுமிச்சை சாறையும் மிளகு, இலவங்கபட்டை உள்ளிட்ட வீட்டிலுள்ள சில மூலிகைப் பொருள்களைப் பயன்படுத்தலாம்.
தவிர்க்க வேண்டியவை
ஊறுகாய், பப்பாளி, உப்பு பிஸ்கட், உப்பு சேர்க்கப்பட்ட வெண்ணெய், பாலாடைக்கட்டி, தீவிர பதப்படுத்தப்பட்ட உணவுகள் எல்லாவற்றிலும் அவை நீண்ட நாட்கள் கெடாமல் இருப்பதற்கான பதப்படுத்தியாக உப்பும் எண்ணெயும் தான் சேர்க்கப்பட்டிருக்கும்.
அதனால் இதுபோன்ற உணவுகளைத் தவிர்ப்பதன் மூலம் ரத்த அழுத்தத்தைக் குறைப்பதோடு இதய ஆரோக்கியத்தையும் மேம்படுத்த முடியும்.
அதற்கு பதிலாக நல்ல ஊட்டச்சத்துக்கள் நிறைந்த இயற்கை உணவுகளை எடுத்துக் கொள்வது, போதிய உடற்பயிற்சி செய்வது, வாழ்க்கை முறை மாற்றங்கள் ஆகியவற்றின் மூலம் உயர் ரத்த அழுத்தப் பிரச்சினையைக் குறைக்க முடியும்.