உலர் திராட்சையில் கொட்டிக் கிடக்கும் மருத்துவக் குணங்கள்...!

சென்னை: உலர் திராட்சையில் நிறைந்து காணப்படும் மருத்துவக் குணங்கள் குறித்து இங்கே காணலாம்.

உலர் திராட்சை எனப்படும் கிஸ்மிஸ் பழத்தைக் கண்டால், சிறுவர்கள் முதல் பெரியவர்கள் வரை அனைவருக்கும் உண்ணத் தோன்றும். இதில் ஏராளமான மருத்துவப் பண்புகள் நிறைந்து காணப்படுகின்றன. திராட்சையுடன் ஒப்பிடும் போது, உலர் திராட்சையில் ஏராளமான பலன்கள் இருக்கின்றன.

இதில் உள்ள ஆண்டி ஆக்ஸிடண்ட்கள் புற்றுநோய் மற்றும் இதய நோய்களில் இருந்து நம்மைக் காக்கும். இதில் அதிகப்படியான இரும்புச் சத்து உள்ளது. அதனால் முடி உதிர்வு பிரச்னைகள் உள்ளவர்களுக்கு நல்ல பலன் தரும். நாள்தோறும் உணவில் சிறிது சேர்த்து வந்தால், மாதவிடாய் கால வலி நீங்கும். ரத்தச் சோகை ஏற்படாமல் தடுக்கலாம். வெயில் காலங்களில் முகத்தில் ஏற்படும் கொப்பளங்கள், கட்டிகள் நீங்கும்.

தோல் நோய்களில் இருந்து காத்து, பொலிவு பெறலாம். கண்களுக்கு நலம் தரும் வைட்டமின் ஏ சத்து நிறைந்துள்ளது. பொட்டாசியம் அதிகம் உள்ளதால், இதயத் துடிப்பு சீராக வைக்கும். நார்ச்சத்து இருப்பதால் சர்க்கரை நோயாளிகளுக்கு மிகவும் ஏற்ற உணவு. உடல் கொழுப்பை குறைத்து, ரத்தத்தில் சர்க்கரை அளவு சீராக வைக்கும்.

Medical benefits of Dry Fruits.