ஹீல்ஸ் காலணி அணிவதால் மூட்டு வலி ஏற்படும்: ஆய்வில் தகவல்

உயரத்தை அதிகரித்துக் காட்டுவதற்காகவும், அழகுக்காகவும் பெண்கள் அணியும் ஹீல்ஸ் வைத்த காலணிகளால் குதிகால் மற்றும் மூட்டு வலி ஏற்படுவது உறுதி என, ஆய்வில் தெரியவந்துள்ளது.

இதுதொடர்பாக, டெல்லியை சேர்ந்த மருத்துவர்கள் குழு ஆய்வு நடத்தி, அதன் விவரங்களை வெளியிட்டுள்ளது. அதில், நவீன வாழ்க்கைச் சூழலில் பலரும் ஹீல்ஸ் வைத்த செருப்புகள், ஷூ போன்றவற்றை விரும்பி அணிவதால், கால் தொடர்பான பல்வேறு பாதிப்புகளைச் சந்திக்க நேரிடுவதாகக் கூறப்பட்டுள்ளது.

இதன்படி, உடலின் மொத்த எடையையும் தாங்கும் பாதப் பகுதி, ஹீல்ஸ் காலணிகள் காரணமாக, எடையை சமநிலையை மேற்கொள்ள முடியாமல் பெரும் பாதிப்புக்கு ஆளாகின்றன. மேலும், குறுகிய பகுதிக்குள் காலை அடைத்துவைக்க வேண்டியதால், நடக்கும்போதும், ஓடும்போதும் உடல் எடை தாங்காமல், கால் எலும்புகள் கடும் சிக்கலை சந்திக்கின்றன.

இதனால், பாதங்களில் உள்ள தசை, எலும்புகளில் பிளவு உண்டாகிறது. இது, குதிகால் வலி, மூட்டு வலி, கீழ் வாதம் உள்ளிட்ட ஏராளமான கால் தொடர்பான பாதிப்புகளை கொண்டுவந்து சேர்க்கிறது. ஹீல்ஸ் அழகுக்கு என்றிருந்தாலும், அது உடல் ஆரோக்கியத்துக்கு ஒருபோதும் உதவாது எனவும், அந்த ஆய்வில் குறிப்பிடப்பட்டுள்ளது.

Beware ladies! Wearing high heels regularly may cause premature osteoarthritis. Not just heel pain, high heels can also cause osteoarthritis, says expert.