மாரடைப்பு, இதய நோய்களால் அதிகம் பாதிக்கப்படுவது ஏழைகளா? வசதியானவர்களா? ஆய்வு சொல்வது என்ன?

இதய ஆராய்ச்சி இதழில் வெளியிடப்பட்ட ஆய்வின்படி, ஆண்களின் தொழில், போதிய தூக்கம் மற்றும் கரோனரி இதய நோய் ஆகியவற்றுக்கு இடையே 13.4 சதவீத தொடர்பு உள்ளது என்ற புதிய தகவலை வெளியிட்டு உள்ளது.

போதிய தூக்கம் இல்லாமல் இருப்பது ஏழை மக்கள் இதய நோயால் பாதிக்கப்படுவதற்கு ஒரு காரணம் என்று ஆராய்ச்சியாளர்கள் எச்சரித்துள்ளனர். இதய ஆராய்ச்சி நிலை இதழில் வெளியிடப்பட்ட ஆய்வின்படி, குறைந்த சமூக பொருளாதார நிலை கொண்டவர்கள் பல்வேறு காரணங்களுக்காக குறைவாக தூங்குகிறார்கள். அவர்கள் பல வேலைகளைச் செய்யலாம், ஷிப்டுகளில் வேலை செய்யலாம், சுத்தமான சூழலில் வாழலாம், மேலும் அதிக அளவு உணர்ச்சி, மன அழுத்தம் மற்றும் நிதி அழுத்தங்களைக் கொண்டிருக்கலாம் என்று ஆய்வாளர்கள் கூறுகின்றனர்.

தூக்கம் மற்றும் இதய நோய்

குறுகிய தூக்கம் ஆண்களில் தொழில் மற்றும் கரோனரி இதய நோய்களுக்கு இடையேயான தொடர்பின் 13.4 சதவீதத்தை விளக்கியதாக இந்த ஆய்வில் கண்டறியப்பட்டுள்ளது.

மஞ்சள் காமாலை வராமலும் வந்தபின் வேகமாக குணமாகவும் சாப்பிட வேண்டிய உணவுகள் என்னென்ன?...
ஆண்களைப் போலவே பெண்களும் குறைந்த தூக்கத்தை பெறுவது, அதிக வேலை இவற்றால் இதய நோய் அபாயத்தை சந்திக்கின்றனர்.

குறைந்த சமூக பொருளாதார நிலை கொண்ட பெண்கள் பெரும்பாலும் மோசமான ஊதியம் தரும் வேலைகளை பார்க்க வேண்டியிருக்கிறது , வீட்டுப் பொறுப்புகள் மற்றும் மன அழுத்தத்துடன் அவர்கள் வலம் வருகிறார்கள். இது ஆண்களுடன் ஒப்பிடும்போது பெண்களின் தூக்கத்தையும் அதன் ஆரோக்கியத்தை எதிர்மறையாக பாதிக்கிறது என்று மருத்துவர்கள் கூறுகின்றனர்.

இந்த ஆய்வு லைஃபாத் திட்டத்தின் ஒரு பகுதியாகும். மேலும் நான்கு ஐரோப்பிய நாடுகளைச் சேர்ந்த 111,205 பங்கேற்பாளர்களைக் கொண்ட எட்டு குழுக்களிடம் இருந்து தரவு சேகரிக்கப்பட்டது.

பொருளாதார அடிப்படையில் மக்களை குறைந்த, நடுத்தர வர்க்க மற்றும் உயர் மட்டத்தினர் என்று 3 வகைகளாக பிரிக்கிறோம்.

கல்யாணத்துக்காக காஜல் அகர்வால் என்ன மாதிரி டயட் ஃபாலோ பண்றாங்க தெரியுமா?

கரோனரி இதய நோய் மற்றும் பக்கவாதம் பற்றிய வரலாறு மருத்துவ மதிப்பீடு, மருத்துவ பதிவுகள் மற்றும் சுய அறிக்கை ஆகியவற்றிலிருந்து நிறைய தகவல்கள் பெறப்பட்டன

ஒரு மனிதனின் சராசரி தூக்க நேரம் 6-8. 5 மணி நேரம் இருப்பது நல்லது. இதில் குறைந்த தூக்க நேரம் என்பது 6 மணி நேரமாகும். நீண்ட தூக்க நேரம் என்பது 8.5 மணி நேரம் இரவில் தூங்க வேண்டும்.

சமூக பொருளாதார நிலை மற்றும் கரோனரி இதய நோய் அல்லது பக்கவாதம் ஆகியவற்றுக்கு இடையேயான ஒரு தொடர்புக்கு தூக்கத்தின் பங்களிப்பையும் இந்த ஆய்வு மதிப்பிடுகிறது.

எனவே கீழ்த்தட்டு மக்கள் கடினமான வேலைகளில் ஈடுபடுவதால் குறைந்த நேரமே தூங்குகின்றனர். மக்கள் அதிக தூக்கத்தைப் பெற சமூகத்தின் ஒவ்வொரு மட்டத்திலும் கட்டமைப்பு சீர்திருத்தங்கள் செய்வது அவசியம்.

எடையை குறைச்சே ஆகணுமா? அப்போ உடற்பயிற்சிக்கு பின் இந்த 4 விஷயத்த பண்ணுங்க...
எடுத்துக்காட்டாக, வீடு அமைதியான சூழலில் அமைந்து இருப்பது அவசியம். தூக்கக் கலக்கத்தின் முக்கிய ஆதாரமாக இருக்கும் சத்தத்தைக் குறைக்க முயற்சிக்க வேண்டும்.இரட்டை ஜன்னல்கள், போக்குவரத்தை கட்டுப்படுத்துதல் மற்றும் விமான நிலையங்கள் அல்லது நெடுஞ்சாலைகளுக்கு அடுத்ததாக வீடுகளைக் கட்டாமல் இருப்பது தூக்கத்தின் போது ஏற்படும் சத்தத்தை மற்றும் இடையூறையும் குறைக்க உதவும் என்கிறார்கள் ஆய்வாளர்கள் .

எனவே மேல்தட்டு மக்களோ அல்லது கீழ்த்தட்டு மக்களோ ஒரு நாளைக்கு 8 மணி நேரம் தூங்குவது உங்களுக்கு இதயம் தொடர்பான பிரச்சினைகள் ஏற்படாமல் காக்க உதவி செய்யும்.