கோபத்தை தவிர்ப்பது எப்படி
கோபத்தை தவிர்க்க முடியாது, தவிர்க்கவும் தேவையில்லை. ஒரு செயலை நாம் தான் சந்திக்கிறோமே தவிர அந்த செயல் நம்மை தேடி வருவதில்லை.
அதாவது கோபம் நமக்கு வருவதாக நினைத்துக் கொண்டிருக்கிறோம். ஆனால் நாம் தான் கோபத்திற்குள் நுழைகிறோம்.
அமைதியை குலைக்கும்
கோபம் ஒரு அரூபமான பொருள் தான். ஆனாலும் அதை நாடிச்செல்கிறோம்.
ஒரு செயலை நாம் செய்கிறோம் என்றால் அது ஏதேனும் ஒரு வகையில் நமக்கோ நம்மை சுற்றி உள்ளவர்களுக்கோ பலன் தர வேண்டும். ஆனால் கோபம் என்பது நமக்கு அமைதியைத் தருவதில்லை. நாம் கோபப்படும் நபருக்கோ செயலுக்கோ கூட அமைதியை தராது. அதனால் கோபம் என்பது தேவையற்ற ஒன்றாக மாறிவிடுகிறது.
அறிவியல் சொல்வது?
நாம் கோபப்படும்போது நம்முடைய மனம், உடல் மட்டுமல்ல அது நம்மையும் வாழும் சமுதாயத்தையும் சேர்த்தே விஷத்தன்மை உடையதாக மாற்றிவிடுகிறது என்று அறிவியல் ரீதியாக நிரூபிக்கப்பட்டுள்ளது.
அதனால் ஏன் நம்மை நாமே விஷத்தன்மை உடையவர்களாக மாற்றிக் கொள்ள வேண்டும் என்று நாம் சிந்திக்க வேண்டும்.
கட்டுப்படுத்த முடியாது
நீங்கள் கோபமாக இருக்கும்போது உங்களுடைய உடல், மனம் இரண்டுமே நீங்கள் சொல்லும் கட்டளைகளையே கேட்காது.
உங்களை நீங்களே அவமதித்தல் கோபத்தின் போது தான் நிகழும். அதனாலேயே கோப் கொள்ளாமல் ஒரு செலை அணுகுவது நல்லது.
நீங்கள் சொல்வதை உங்களுடைய மனம் கேட்கிறது என்றால் அது அமைதியாக இருக்கிறது என்று அர்த்தம்.