நீர்ச்சத்துடன் இருப்பது
வெயில் காலத்தில் போதிய நீர்ச்சத்துடன் இருப்பது என்று சொன்னாலே நிறைய தண்ணீர் மட்டுமே குடிக்க வேண்டும் என்று நினைத்துக் கொண்டிருக்கிறோம். தண்ணீர் நிறைய குடிக்க வேண்டும் என்பதில் சந்தேகம் இல்லை. அதைத்தாண்டி, நீர்ச்சத்துக்கள் அதிகம் கொண்ட, ஊட்டச்சத்து நிறைந்த உணவுகளையும் சேர்த்து எடுத்துக் கொள்ள வேண்டும் என்பது தான் பொருள்.
ஜீரண சக்தியை மேம்படுத்த
மற்ற பருவ காலங்களை விட வெயில் காலத்திலும் பனி காலத்திலும் எடுத்துக் கொள்ளும் உணவுளில் அதிக கவனம் செலுத்த வேண்டியது அவசியம். வெயில் காலத்தில் சூடான உணவுகளைச் சாப்பிடவே கூடாது என்றெல்லாம் கிடையாது.
மிதமான சூடுள்ள உணவுகளை எடுத்துக் கொள்ளலாம். ஆனால் அதிகம் எண்ணெய் சேர்க்கப்பட்ட, வறுத்த, பொரித்த உணவுகளை எடுத்துக் கொள்வதைத் தவிர்க்க வேண்டும்.
காபி போன்ற கஃபைன் நிறைந்த உணவுகளை எடுத்துக் கொள்வதன் மூலமாக மலச்சிக்கல் போன்ற பிரச்சினைகள் உண்டாக வாய்ப்பு உண்டு. அதனால் காபியை தவிர்ப்பது நல்லது.
காஃபைன் பானங்கள்
காஃபைன் அதிகம் கொண்ட பானங்கள் பொதுவாக, அஜீரணக் கோளாறை ஏற்படுத்தும். அதோடு தலைவலி, குமட்டல், வாந்தி மற்றும் டயேரியா பிரச்சினைகளை அதிகரிக்கச் செய்யும்.
பெரும்பாலானோர் நினைத்துக் கொண்டிருக்கிறார்கள் காபியில் மட்டும் தான் காஃபைன் அதிகம் இருக்கிறது என்று. ஆனால் டீயில் அதிக அளவு காஃபைன் நிறைந்திருக்கிறது.
ஆனால் டீயிலும் காஃபைன் அதிகமாக இருக்கிறது என்பது நிறைய பேருக்குத் தெரிவதில்லை. அப்படி வெயில் காலத்தில் காபி. டீ எடுத்துக் கொள்வது பற்றி ஊட்டச்சத்து நிபுணர்கள் என்ன சொல்கிறார்கள் என்று தெரிந்து கொள்வோம்.
காபி குடிக்கலாமா? கூடாதா?
காபி என்பது டையூரிடிக் பானம் என்று சொல்வார்கள். அதாவது உடலில் இருக்கும் நீர்ச்சத்தை இழக்கச் செய்வது, நீரிழப்பை ஏற்படுத்தக்கூடிய ஒன்று.
காபி அதிகமாக குடிக்கும்போது அடிக்கடி சிறுநீர் கழிக்க வேண்டும் என்ற உணர்வு உண்டாகும்.
உடலில் உள்ள நீர்ச்சத்தை உறிஞ்ச ஆரம்பிக்கும். அளவோடு ஒரு நாளைக்கு ஒரு கப் அளவு பிளாக் காபி எடுத்துக் கொள்ளலாம்.
ஆரோக்கியமான காஃபைன் பானம்
சரி. வெயிவ் காலத்தில் காஃபைன் சேர்க்கப்பட்ட பானங்களைக் குடிக்கவே கூடாதா என்ற கேள்வி பலருக்கும் உண்டு.
காபி, ஸ்போட்ஸ் ட்ரிங் என எதுவாகிலும் கொஞ்சம் காஃபைன் அதிகமுள்ள பானங்களைத் தவிர்ப்பது நல்லது.
சுத்தமாக காபி எடுத்துக் கொள்ளவே கூடாது என்பதெல்லாம் கிடையாது. மிக மிகக் குறைந்த அளவு காபி எடுத்துக் கொள்ளலாம்.
எவ்வளவு எடுக்கலாம்?
ஒரு நாளைக்கு எத்தனை கப் வரை காபி எடுத்துக் கொள்ளலாம் என்ற கேள்வி நிறைய பேருக்கு உண்டு.
ஆனால் ஒரு நாளைக்கு வெறும் 250 மில்லிகிராம் அளவுக்கு மட்டுமே காபி எடுத்துக் கொள்ள வேண்டும். அதற்கு மேல் எடுத்துக் கொள்ளாமல் இருந்தால் நிறைய பக்க விளைவுகளைத் தவிர்க்க முடியும்.
எப்படி எடுத்துக் கொள்ளலாம்?
ஸ்நாக்ஸ் நேரங்களில் சிறிதளவு நட்ஸ், சீஸ் ஆகியவற்றுடன் சேர்த்து சிறிதளவு காபி சேர்த்து எடுத்துக் கொள்வது நல்லது. அப்படி எடுத்துக் கொள்ளும்போது காஃபைன் எடுத்துக் கொள்ளும் அளவு இயல்பாகக் குறையும்.
சிறிதளவு பாப்கார்ன் அல்லது முழு தானியத்தால் ஆன ரொட்டி என எடுத்துக் கொள்ளும்போது இந்த சிறிதளவு காஃபைனால் பெரிதாக விளைவுகள் எதுவும் ஏற்படுவதில்லை.