கேஸ் ஸ்டவ், ஃபிரிட்ஜில் இருந்து வெளியேறும் வாயுவால் குழந்தைகளுக்கு ஏற்படும் சுவாசக் கோளாறு, புற்றுநோய் ஆபத்து...

கேஸ் ஸ்டவ், ஃப்ரிட்ஜ் இரண்டும் இல்லாத வீடுகளே இப்போது கிடையாது எனலாம். இவற்றில் இருந்து வெளிவரும் வாயுக்கள் உடலுக்கும் சுற்றுச்சூழலுக்கும் மிகவும் ஆபத்தை ஏற்படுத்தக் கூடியவை என்றும், 2010 ஆம் ஆண்டு சர்வதேச அளவில் குளோரோ புளோரோ கார்பனை வெளியிடக்கூடிய சாதனங்களின் பயன்பாட்டை குறைக்க வேண்டும் என்றும் விழிப்புணர்வுகள் ஏற்படுத்தப்பட்டன. ஆனால் சமீபத்தில் கேஸ் ஸ்டவ், மற்றும் ஃப்ரிட்ஜில் இருந்து வெளிவரும் வாயுக்களால் குழந்தைகள் அதிகமாக பாதிக்கப்படுவதாகக் கூறப்படுகிறது. இதற்கு காரணம் என்ன, எப்படி தடுக்கலாம் என்று இங்கே பார்க்கலாம்.

வேலைப்பணிகள் காரணமாக முன்கூட்டியே சமைத்த உணவுகளை பதப்படுத்தவும், நாளைய தேவைக்காகவும் ஃபிரிட்ஜில் வைத்து பயன்படுத்துகிறார்கள். இதேபோல் நாம் அனைவரது வீட்டிலும் சிலிண்டர் பயன்பாடு என்பது அதிகரித்து விட்டது. ஒரு சிலிண்டர் மட்டுமே பயன்படுத்திய காலம் போய் இன்று 2 சிலிண்டர்கள் இல்லாத வீடுகளை காண்பது அரிது என்ற நிலை வந்துவிட்டது. நாம் இக்கட்டுரையில் ஃபிரிட்ஜில் இருந்து வெளிவரும் குளோரோ புளோரோ கார்பன் வாயு உடல் நலத்திற்கு எத்தைகைய பாதிப்பை ஏற்படுத்துகிறது என்பதை காணலாம்.

Samayam Tamil

CFC எனப்படும் குளோரோபுளோரோ கார்பன்

கரிமம், புளோரின், குளோரின் ஆகிய தனிமங்களை உள்ளடக்கிய குளோரோ புளோரோ கார்பன் மீத்தேன் மற்றும் ஈத்தேன் ஆகியவற்றிலிருந்து உற்பத்தி செய்யப்படுகிறது. எரியாத திரவங்களான இவை 1930களில் குளிர்ப்பதன பொருட்களாக அறிமுகம் செய்யப்பட்டது.

எந்த வெப்பநிலையிலும் இயங்கக்கூடிய குளோரோ புளோரோ கார்பனை பழைய குளிர்சாதனப் பெட்டிகளில் சரியாக அகற்றப்பட்டாதப் போது அவை வெளியே கசிந்து பல பாதிப்புகளை ஏற்படுத்துகிறது.

என்னென்ன பாதிப்புகள் ஏற்படுகிறது?

தொழிற்சாலைகள், வாகனங்களிலிருந்து வெளிவரும் புகைகள் மூலம் காற்று மாசடைகிறதோ அதேபோல் தான் குளிர்சாதனப் பெட்டியின் மூலமாகவும் காற்று அதிகளவில் மாசடைகின்றது என்ற உண்மை பலருக்கும் தெரிவதில்லை. இந்த வாயு நூறு வருடம் வரை அப்படியே இருக்கும் என சொல்லப்படும் நிலையில், வளிமண்டலத்தில் குறிப்பிட்ட அளவு ஓசோன் படலத்தை சேதமாக்குவதால் புவி வெப்பமடைகிறது அதிகரிக்கிறது.

அதேசமயம் உயிருக்கு தீங்கு விளைவிக்கக்கூடிய இந்த குளோரோபுளோரோ கார்பன் ஆரோக்கியத்தில் எதிர்மறையான தாக்கத்தை ஏற்படுத்துகிறது. இதன் விளைவாக தலைச்சுற்றல், தலைவலி, நடுக்கம் மற்றும் வலிப்பு போன்றவை ஏற்படலாம். இது மூச்சுத்திணறலை உண்டாக்கி மரணத்தை ஏற்படுத்தலாம். மேலும் இதயம், சிறுநீரகம் மற்றும் கல்லீரலில் மிகப்பெரிய தாக்கத்தை ஏற்படுத்துகிறது.

புற்றுநோய் அபாயம்

ஓசோன் படலம் சேதமாவதால் புற ஊதா கதிர்களின் தாக்கம் அதிகமாகி சருமத்தை தாக்கி தோல் புற்றுநோயை ஏற்படுத்துகிறது. ஜார்ஜியா பல்கலைக்கழகத்தில் நடந்த ஆய்வு ஒன்றில் ஐந்து அமெரிக்கர்களில் ஒருவர் தனது வாழ்நாளில் தோல் புற்றுநோயால் பாதிக்கப்படுகிறார் என்றும் கண்டறியப்பட்டது.

இதில் சிலருக்கு புற ஊதா கதிர்களின் தாக்கத்தால் பாதிப்பு ஏற்பட்டுள்ளது கண்டறியப்பட்டது. அதேபோல் கண்புரை, மாகுலர் சிதைவு போன்ற கண் சம்பந்தப்பட்ட நோய்களும் நம்மை எளிதில் தாக்குகிறது.

ஆபத்தை தடுக்க என்ன செய்ய வேண்டும்?

பாதிப்புகளை தடுக்க நாம் செய்ய வேண்டிய ஒரே வழி நாமும் நம்முடைய வீடுகளில் ஃபிரிட்ஜ் பயன்பாட்டை குறைத்து சுற்றுச்சூழலுக்கு ஏற்ற வகையில் செயல்பட வேண்டும்.

ஃப்ரிட்ஜில் இருந்து வாயு வெளியேறுகிறதா என்பதை அடிக்கடி பரிசோதிக்க வேண்டும்.

அதுமட்டுமல்லாமல் ஃப்ரிட்ஜ் பயன்பாட்டை குறைப்பதால் அது உடல் ஆரோக்கியத்திற்கு மேலும் நன்மையளிக்கிறது. அதாவது பதப்படுத்தி பயன்படுத்தப்படும் உணவுகளை காட்டிலும் அவ்வப்போது தயார் செய்யப்படும் சூடான உணவுகளே சிறந்தது.

நாம் எப்போதும் அறை வெப்பநிலையில் தான் ஃப்ரிட்ஜில் உணவுகளை வைக்கிறோம். இது நுண்ணுயிரி பெருக்கத்திற்கு சாதக சூழலை ஏற்படுத்துகிறது. அப்படியே வைத்தாலும் வைக்கப்படும் உணவுப் பொருட்களின் காலநிலைக்கு ஏற்ப பயன்படுத்த வேண்டும்.