ஆப்பிள் சிடார் வினிகர் ரொம்ப நல்லதுதான்... அதிகமா எடுத்துகிட்டா இந்த பிரச்சினைலாம் வருமாம்...

ஆப்பிள் சிடார் வினிகர் பல சுகாதார செயல்பாடுகள், சருமப் பராமரிப்பு மற்றும் ஒட்டுமொத்த உடல் ஆரோக்கியத்திற்கு என்று பல வகைகளில் பரவலாக பயன்படுத்தப்பட்டு வருகிறது. மேலும், ஆப்பிள் சிடார் வினிகர் எடை இழப்பு, இரத்த சர்க்கரை அளவைக் குறைக்க, கொழுப்பின் அளவைக் கட்டுப்படுத்த என்று பல வழிகளில் உங்களுக்கு உதவுகிறது. ஆப்பிள் சிடார் வினிகர் பாரம்பரிய வைத்தியம் மற்றும் அறிவியல் ஆய்வு முறைகளில் கூட பயன்படுத்தப்பட்டு வருகிறது. இருப்பினும், இதனை அதிகப்படியாக எடுத்துக் கொள்வதன் மூலம் சில நேரங்களில் உடலில் சில பாதகமான விளைவுகளை ஏற்படும். அவை என்னென்ன என்று தெரிந்து கொள்வோம் வாங்க.

பல அழகுக்கலை நிபுணர்கள் ஆப்பிள் சிடார் வினிகர் சருமப் பராமரிப்பில் பல நன்மைகளைத் தரும் என்று கூறுவர். ஆனால், உண்மையில் சிலருக்கு ஆப்பிள் சிடார் வினிகர் பயன்படுத்துவது சருமத்தை சேதப்படுத்துமாம். இதனை சருமத்தில் நேரடியாகப் பயன்படுத்தும் போது, எரிச்சல் அல்லது எரிவது போன்ற உணர்வு ஏற்படும். மேலும், இது சருமத்தை மோசமானதாக மாற்றும்.

கல்லீரலில் அழுக்குகள் தேங்காமல் சுத்தம் செய்ய சாப்பிட வேண்டிய 5 பழங்கள் என்னென்ன...

செரிமானத்தை குறைந்த வேகத்தில் நிகழ்த்தி இரத்த சர்க்கரை அளவை கட்டுப்படுத்த ஆப்பிள் சிடார் வினிகர் உதவும். ஆனால், சிலருக்கு ஆப்பிள் சிடார் வினிகரை எடுத்துக் கொள்வது இரைப்பை அழற்சியை ஏற்படுத்தும். இது போன்று ஏற்படுவது பெரும்பாலும் டைப் 1 நீரிழிவு நோய் உள்ளவர்களுக்கு அதிகம் ஏற்படும்.

உயர் இரத்த அழுத்தத்தை இயற்கையாகவே குறைப்பதற்கு நீங்கள் செய்ய வேண்டிய 10 விஷயங்கள் என்னென்ன...

சில ஆய்வுகளின்படி, அதிகப்படியான ஆப்பிள் சிடார் வினிகர் உட்கொள்வது உடலில் பொட்டாசியம் அளவைக் குறைக்கச் செய்யும். பொட்டாசியம் தான் தசை இயக்கம் மற்றும் இதயத்துடிப்பை சீராக்க உதவுகிறது. அதனால் ஆப்பிள் சிடார் வினிகர் அதிகம் எடுத்துக் கொள்வதால் இதயத் துடிப்பு சீராக இல்லாமல் போகலாம். அதனால் உடலின் ரத்த ஓட்டமும் பாதிக்கப்படும்.

ஆப்பிள் சிடார் வினிகர் எடுத்துக் கொள்வது பசியைக் குறைக்கும் என்பதால் எடை இழப்புக்கு நன்மை பயக்கும் என்று கருதப்படுகிறது. இதனால் பலரும் உணவு உட்கொள்ளளைக் குறைக்க பலரும் இதனை பயன்படுத்துவர். உணவு உட்கொள்வது குறைவது அல்லது உண்ணாமல் இருப்பதால் செரிமானத்தில் பிரச்சனைகள் ஏற்படும். இதனால், உடல் நிலை மோசமாகப் பாதிக்கப்படும்.

நார்ச்சத்து உணவுகள் அதிகம் கொண்ட உணவுகளை தினமும் சாப்பிடுவதால் உடலில் என்னென்ன மாற்றங்கள் நடக்கும்...

ஆப்பிள் சிடார் வினிகரில் அமிலத் தன்மை இருப்பதால், அது உங்களின் பல்லின் எனாமலை கடினமாக்கும். எனாமல் கடினமாவதால் பல் கூச்சம் ஏற்படும் என்பது பலருக்கும் தெரியும். இதே பிரச்சனை தான் அமிலத்தன்மை நிறைந்த குளிர்பானங்களை அருந்துவதாலும் ஏற்படுகிறது.