உடலில் ரத்த சிவப்பணுக்கள் அதிகரிக்க சாப்பிட வேண்டிய இயற்கை உணவுகள்!

நமது உடலில் ஓடும் ரத்தத்தில் சிவப்பணுக்கள் அதிகரிக்க கட்டாயம் சாப்பிட வேண்டிய சில இயற்கை உணவுப்பொருட்களை பற்றி பார்க்கலாம்.

இவை அனைத்தும் சித்தர்களாலும், இயற்கை மருத்துவத்திலும் பரிந்துரைக்கப்படும் ரத்த விருத்தி உணவுப்பொருட்களாகும்.

அவற்றில் சில உணவுப்பொருட்களின் விவரம் பின்வருமாறு:

1) தாமரைத் தண்டில் அதிக அளவு இரும்புச்சத்து, விட்டமின் சி உள்ளது. தொடர்ந்து இதைச் சாப்பிட்டுவந்தால், சில நாட்களிலேயே ரத்த ஓட்டத்தில் வித்தியாசத்தை உணர முடியும்.

2) சுண்டைக்காயில் உள்ள கசப்பு, வயிற்றில் உள்ள பூச்சிகளை நீக்கும். ரத்தம் உடலில் ஊற உதவிச்செய்யும். சிவப்பு, பிரவுன், கறுப்பு அரிசி என நாள்தோறும் ஒரு அரிசியை ஒரு கப் அளவுக்கு வேகவைத்துச் சாப்பிடலாம்.

3) அவல் உப்புமா, அவல் பொரி, அவல் கிச்சடி, அவல் பணியாரம், கட்லெட், ஸ்வீட்ஸ் என ஏதேனும் ஒரு வகையில் அவலை நொறுக்குத் தீனியாகச் சேர்த்துக்கொள்ளலாம்.இரும்புப் பாத்திரங்களில் உணவைச் சமைத்தால், இரும்புச்சத்து அதிலிருந்து கிடைக்கும்.

4) பொதுவாக, வாணலியை இரும்புப் பாத்திர வாணலியாக வீட்டில் பயன்படுத்துவது நல்லது. இதனால், வதக்கல், பொரியல் போன்றவற்றில் ஓரளவு இரும்புச்சத்து சேரும்.

5) தினமும் மூன்று பேரீச்சம்பழம், 10 காய்ந்த திராட்சைகளைச் சாப்பிட்டு வரலாம்.
6) அனைத்து வகைக் கீரைகள், குறிப்பாக முருங்கைக் கீரை, பீட்ரூட் மேல் பகுதி உள்ள கீரை மற்றும் தண்டு, முள்ளங்கிக் கீரை, கோதுமைப் புல், வாழைப்பூ, சோயாபீன்ஸ், ராஜ்மா, காராமணி போன்ற பயறு மற்றும் பருப்பு வகைகளைத் தொடர்ந்து சாப்பிட்டுவந்தால், உடலில் ரத்தம் உற்பத்தியாகும்.

7) இரும்புச்சத்தைக் கிரகிக்க வைட்டமின் சி அவசியம். இரும்புச்சத்துள்ள உணவு உட்கொள்ளும்போது, விட்டமின் சி உள்ள சிட்ரஸ் உணவு வகைகளைச் சாப்பிடுவதால், எளிதில் இரும்புச்சத்து உடலில் சேரும்.
8) முழு நெல்லிக்காய், எலுமிச்சை, ஆரஞ்சு, மாதுளை, சாத்துக்குடிப் பழங்களைச் சாப்பிடுவதால் விட்டமின் சி உடலில் சேர்ந்து, இரும்புச்சத்தை உடல் கிரகிக்க உதவும்.

List of Some Natural Foods to increase Red blood cells in human body.