தேனும், தக்காளியும் முகத்தில் பயன்படுத்துவதால் கிடைக்கும் நன்மைகள்!

தேனும், தக்காளியும் முகத்தில் பயன்படுத்துவதன் மூலமாகக் கிடைக்கும் நன்மைகள் என்னென்ன என்று இந்த செய்தித்தொகுப்பில் பார்க்கலாம்.

ஹோலி பண்டிகை உள்ளிட்ட பல்வேறு கொண்டாட்டங்களின்போது, கலர் பொடிகளை வீசியும், ஒருவரை ஒருவர் வண்ண சாயங்களில் குளிப்பாட்டி, ஆனந்தப்படுவதும் அண்மைக்காலமாக அதிகளவில் காணப்படுகிறது. எனினும், ஆடைகளில், முகங்களில் இதன்போது ஏற்படும் சாயங்களை அகற்ற என்ன செய்ய வேண்டும் எனப் பலருக்கும் தெரிவதில்லை.

காரணம், கலர் பொடிகள் பலவும் கெமிக்கல் முறையில் தயாரிக்கப்படக்கூடியவை. இதனால், உடல்நலக் கோளாறும் ஏற்பட அதிக வாய்ப்புகள் உள்ளது.

அப்படிப்பட்டவர்கள் மீண்டும் முகப் பொலிவை பெற, தேன், தக்காளி, தயிர், எலுமிச்சை உள்ளிட்ட கலவையை முகத்தில் பூசி, சில நிமிடங்கள் ஊறவைத்து, பின்னர் நன்கு மசாஜ் செய்ய வேண்டும். இதன்முடிவாக, நீரில் முகத்தை கழுவுவதால், இழந்த பொலிவை பெறலாம்.

மேலும், முகத்தில் ஏற்படும் சுருக்கங்கள் உள்ளிட்ட பிரச்னைகளையும் எளிதாக சமாளிக்க முடியும். அதிக செலவின்றி, முக அழகை பராமரிக்க, இந்த முறை பயன்படும்.

Beauty tip: The benefits of using tomato and honey in face.