ஊட்டச்சத்து நிபுணர்கள் இந்த உணவுகளையெல்லாம் கையிலயே தொட மாட்டாங்களாம்...

பாலில்லாமல் தயாரிக்கப்படும் க்ரீமினால் எடை அதிகரிக்கும் வாய்ப்புகள் அதிகம். எனவே ஆரோக்கியமற்ற இதுபோன்ற க்ரீம்களை உங்கள் உணவில் இருந்து தவிர்க்க வேண்டும். அளவாக சாப்பிடும்போது எந்தவிதமான பாதிப்பும் இல்லை. ஆனால் அளவுக்கு அதிகமான கிரீமில் கலோரிகள் அதிகம் இருப்பதால் அது உங்கள் எடை அதிகரிப்புக்கு வழிவகுக்கிறது. சர்க்கரையுடன் இந்த கிரீம்களை உங்கள் உணவில் சேர்க்கும் போது ஆரோக்கியமற்ற சில பொருட்கள் அதனுடன் கலந்து இருக்கலாம். க்ரீம்களுக்கு பதிலாக சுவையான பாதாம் பால் அல்லது தேங்காய் பால் பயன்படுத்தலாம்.

ப்ரீட்ஜெல்ஸ் உப்பு சுவை நிறைந்த ஸ்னாக் என்றாலும், சமைக்கும் போது இதிலுள்ள நார்ச்சத்து, புரதம் மற்றும் ஆரோக்கியமான கொழுப்பு ஆகியவை கிடைப்பதில்லை. அடிப்படையில், ப்ரீட்ஜெல்களை அதிகமாக சாப்பிடுவது உங்களது இடுப்பு பகுதியில் அதிக சதைக்கு வழிவகுக்கும். இருப்பினும் உப்பு சுவையுடன் வரும் ப்ரீட்ஜெல்ஸ் உண்ண வேண்டும் என தோன்றுகிறதா? இதற்கு மாற்றாக முழு தானிய உணவுகளை தேர்ந்தெடுப்பது உங்கள் உடலுக்கு சிறந்தது.

கிரானோலாவில் உங்களுக்கு பிடித்த இனிப்பு பதார்தத்தில் உள்ளது போல அதிக அளவில் கலோரிகள் இருக்கலாம். கிரானோலாவில் பல வகையான சர்க்கரை மற்றும் ஹைட்ரஜனேற்றப்பட்ட எண்ணெய்கள் போன்ற கலவைகள் உள்ளன. அதிக அளவு கொழுப்பு மற்றும் கலோரிகள் இல்லாத ஒரு பதார்தத்தை சேர்த்து ஆரோக்கியமான காலை உணவை எடுத்து கொள்ளுங்கள். புரதம் மற்றும் நார்ச்சத்து அதிகம் உள்ள உணவுகளை உண்ணலாம்.

வெள்ளை ரொட்டி தயாரிப்பில் ஊட்டச்சத்துக்கள் நீக்கப்பட்டு விடுகிறது. இந்த ரொட்டி பசியை போக்க உதவுவதில்லை. மேலும் நாளின் பிற்பகுதியில் அதிக பசியை ஏற்படுத்தும்.வெள்ளை ரொட்டியில் குறைந்த நார்சத்து இருப்பதால், அது விரைவில் செரிக்கப்பட்டு உங்கள் உடலில் விரைவாக உறிஞ்சப்படலாம். இது இரத்த சர்க்கரையில் ஒரு பாதிப்பை ஏற்படுத்துகிறது. இதனால் நமது உடலில் ஆற்றல் குறைகிறது. எனவே ஆரோக்கியமான வளர்சிதை மாற்றத்தை தரும் அத்தியாவசியமான கூறுகள், அதிக நார்ச்சத்து மற்றும் செலினியம் போன்றவற்றை தரும் முழு தானிய உணவுகளை சாப்பிடுங்கள்.

கேன்டு சூப் எளிதில் கிடைக்க கூடிய உணவாகும். ஆனால் அதில் உள்ள சோடியம் மற்றும் சல்பைட்டுகள் உடலுக்கு ஆரோக்கியமானதல்ல. சோடியம் நமது உடலில் திரவத்தின் அளவை அதிகரிக்கிறது. பின்னர், ரத்த தட்டுகளில் இரத்தத்தின் அளவை அதிகரிக்கிறது. இது நமது உடலில் இரத்த அழுத்தத்தை அதிகரிக்கும் அபாயம் அதிகம். இதனால், இதயம் மற்றும் இரத்த நாளங்களில் அதிக அழுத்தம் ஏற்பட்டு மாரடைப்பு மற்றும் பக்கவாதம் போன்ற பிரச்சனைகள் ஏற்படலாம்.

சல்பைட்டுகள் அல்லது பதப்படுத்தப்பட்ட உணவுகள், சல்பைட் உணர்திறன் பிரச்சனை உள்ளவர்களை பாதிக்கும். தலைவலி, சுவாச எரிச்சல் மற்றும் அனாபிலாக்டிக் அதிர்ச்சி போன்றவை சல்பைட் உணர்திறன் பிரச்சனை உள்ளவர்களுக்கு பொதுவாக ஏற்படும் அறிகுறிகள் ஆகும். வீட்டில் சமைக்கப்படும் சூப்கள் ஆரோக்கியமானவை என்று ஊட்டச்சத்து வல்லுநர்கள் கூறுகின்றனர்.

பாப்கார்ன் இயல்பான முறையில் தயாரிக்கப்படும் போது, மற்ற உப்பு சுவைமிக்க ஸ்னாக்ஸ்க்கு பதிலாக எடுத்துக்கொள்ள ஆரோக்கியமான மாற்றாகும். ஆனால் இன்று மார்க்கெட்டுகளில் கிடைக்கும் பல பாப்கார்ன்கள் ஓரளவு ஹைட்ரஜனேற்றப்பட்ட எண்ணெய், செயற்கை சுவைகள் மற்றும் பதப்படுத்தப்பட்ட முறையில் தயாரிக்கப்படுகின்றன. எனவே இது உடலுக்கு ஆரோக்கியமற்றதாக உள்ளது. வெண்ணெய், உப்பு மற்றும் சர்க்கரை இல்லாமல், தேங்காய் எண்ணெயைக் கொண்டு தயாரிக்கப்படும் பாப்கார்னைத் தேர்வுசெய்யலாம்.

டார்க் சாக்லேட் ஒரு ஆரோக்கியமான இனிப்பு பண்டம் என அறியப்படுகிறது. இதற்கு காரணம் அதிலுள்ள ஃபிளாவனாய்டுகள் ஆகும். இவை உங்கள் இதயத்தையும் மூளையையும் பாதுகாக்க உதவுகிறது. இருப்பினும், வைட் சாக்லேட்டில் கோகோவில் இருந்து கிடைக்கும் திடப்பொருட்கள் இல்லை. மேலும் இதில் அதிகளவில் சர்க்கரையும் நிரம்பியுள்ளது. நீங்கள் அடுத்தமுறை சாக்லேட்டுகள் வாங்கும் போது டார்க் சாக்லேட்டுகளை தேர்ந்தெடுக்கவும்.