இதெல்லாம் காலை நேரத்துல சாப்பிடாதீங்க... வெயிட் குறையவே குறையாது...

வேலைக்குச் செல்பவர்கள் காலை நேரத்தில் எல்லா காய்கறிகளையும் நறுக்கி, சமைக்கவோ சாப்பிடவோ நேரமில்லை என்று ரெடிமேடாக மசாலாக்கள் சேர்க்கப்பட்ட வெஜ் மிக்ஸ்டு உப்புமா ரவை, ஓட்ஸ் என வாங்கி எளிமையாக சமைக்கிறார்கள்.

அதுதான் லைட்டாக ஹெல்தியாக இருக்கிறது என்றும் ஒரு கருத்து இருக்கிறது. ஆனால் அப்படி ரெடி மிக்ஸ் பாக்கெட்டுகளில் செய்த உணவை தவிருங்கள்.

அதில் எளிதில் கெடாமல் இருக்க உப்பு மற்றும் பல்வேறு பதப்படுத்திகள் சேர்க்கப்பட்டிருக்கும். அதற்கு பதிலான சிம்பிளாக ரவையை வைத்து வீட்டிலேயே செய்து சாப்பிடுங்கள்.

யோகர்ட்டை காலை நேர உணவில் சேர்த்துக் கொள்வது மிகவும் நல்லது. அதில் புரோபயோடிக்குகள் நிரம்பி இருப்பதால் உடலுக்கு மிக நல்லது.

குறிப்பாக வயிறு சம்பந்தப்பட்ட பிரச்சினைகளைத் தீர்க்கும் தன்மை கொண்டது.

ஆனால் கடைகளில் கிடைக்கும் பிளேவர்டு யோகர்ட்டுகளை வாங்கி பிரிட்ஜில் வைத்து சாப்பிடாமல், வீட்டிலேயே செய்யும் தயிரைக் கடைந்து சாப்பிடுவது தான் நல்லது.

கடைகளில் வாங்கும் பிளேவர்டு யோகர்ட்டுகளில் ரசாயனப் பொருள்கள் கலக்க வாய்ப்புண்டு.

காலையில் பழங்கள் சாப்பிடுவது, குறிப்பாக ஸ்மூத்திகள் எடுத்துக் கொள்வது வயிறு நிரம்பியது போன்றும் இருக்கும். அதேசமயம் எடையைக் குறைக்கவும் உதவி செய்யும்.

பொதுவாக ஸ்மூத்தி என்றாலே பழங்களுடன் பால் சேர்த்து செய்வோம். ஆனால் எடையைக் குறைக்க நினைப்பவர்கள் பழங்களில் பால் சேர்த்து செய்யப்படும் ஸ்மூத்திகளை எடுத்துக் கொள்ளக்கூடாது.

அதற்கு பதிலாக தண்ணீர் அல்லது தயிர், யோகர்ட் சேர்க்கப்பட்ட ஸ்மூத்திகளையே எடுத்துக் கொள்ள வேண்டும். ஏனெனில் பால், பழம் இரண்டும் சேரும்போது அஜீரணக் கோளாறு போன்ற பிரச்சினைகள் ஏற்படும்.

மிக எளிதில் கிடைக்கக்கூடியதும் எளிதாக சமைக்காமல் சாப்பிட்டு முடிக்கக்கூடியதுமான காலை உணவு என்றால் அது கார்ன் பிளேக்ஸ் தான்.

ஆனால் ஊட்டச்சத்து நிபுணர்கள் அது மிகவும் தவறு என்கின்றனர். காரணம் மக்காச்சோளம் மற்றும் அது சார்ந்த உணவுகளை காலையிலேயே எடுத்துக் கொள்வது உடலுக்கு நல்லதல்ல என்கிறார்கள்.

உடல் எடையைக் குறைக்க டயட் இருப்பவர்கள் பெரும்பாலானோரின் பிரதான உணவாக இருப்பது சப்பாத்தி தான்.

ஆனால் காலை நேரத்தில் சப்பாத்தி, பராத்தா போன்ற உணவுகளைத் தவிர்ப்பது நல்லது.