இந்த 4 அறிகுறிகள் இருந்தா நீங்க கண்டிப்பா எடையைக் குறைக்கணும்னு அர்த்தமாம்...

நீங்கள் நிச்சயம் உங்கள் உடல் எடையைக் குறைத்தே ஆக வேண்டும் என்பதற்கான முதல் அறிகுறியே இதுதான். இதை வைத்தே நீங்கள் கண்டுபிடித்து விடலாம். உங்கள் உடலுக்குத் தேவையான எடையைத் தாண்டிக் கூடுதல் எடையுடன் இருந்தால், உடற்பயிற்சி செய்யும் போது அதிக சிரமப்படுவீர்கள். எளிமையான பயிற்சிகளை மேற்கொள்ளும்போது கூட உங்களுக்கு ஒருவித அசௌகரியங்கள் ஏற்படும். அப்படி ஒல்லியாக இருந்தாலும் உடலை வளைத்து சரியாக உடற்பயிற்சி மேற்கொள்ள சிரமமாக இருந்தால் நீங்கள் உடல் எடையைக் குறைக்க வேண்டும் என்று அர்த்தம்.

உங்களுக்குத் தேவையான எடையை விட அதிகமாக இருக்கும் பொழுது, உங்கள் உடலின் முழு அழுத்தங்களையும் முழங்காலில் தான் கொடுக்க வேண்டியிருக்கும். அதனால் ஒட்டுமொத்த உடல் எடையையும் மூட்டு தசைகள் தாங்க வேண்டியிருக்கும். அது மூட்டு, இடுப்பு மற்றும் முதுகில் மிக அதிகமாக வலியை உண்டாக்கும்.

எந்த வேலை செய்தாலும் வேலை எதுவும் செய்யாவிட்டாலும் உடல் அடிக்கடி சோர்வடைகிறதா? அப்போ உடலை தெம்பாக்கிக் கொள்ள ஏதாவது குடிக்கலாம். அதேசமயம் அதற்கடுத்த வேலையாக நீங்கள் செய்ய வேண்டியது உங்களுடைய எடையைக் குறைப்பதாகத் தான் இருக்க வேண்டும். முதலில் உங்களுடைய பிஎம்ஐ அளவை பரிசோதித்துப் பாருங்கள். அதன்பின் எக்ஸ்ட்ரா இருக்கும் பவுண்டுகளைக் குறையுங்கள்.

உங்களுடைய ரத்த அழுத்தத்தின் அளவும் கொலஸ்ட்ராலின் அளவும் அதிகமாக இருந்தால் நிச்சயம் நீங்கள் முதலில் செய்ய வேண்டியது உங்களுடைய எடையைக் குறைக்க வேண்டியது தான். ரத்த அழுத்தமும் அதிக கொலஸ்ட்ரால் இருப்பதும் தீவிரமான இதய நோய்களுக்கு வழிவகுக்கும். அதனால் உடனடியாக எடையைக் குறைப்பது தான் நல்லது.