காபியுடன் சுவையான சில விஷயங்களைச் சேர்ப்பதன் மூலம் உங்களின் காபி சுவையை பிரமாதமாகவும், உடல் சூட்டை தக்க வைத்துக் கொள்ளவும் செய்யலாம். அப்படிபட்ட காபியின் சுவையை மாற்றக்கூடிய பொருட்கள் என்ன என்று பார்ப்போம் வாங்க.
சாக்லெட்
உங்களின் குளிர்காலத்தை சமாளிக்க காபியில் சாக்லெட் சேர்ப்பதை விட சரியான தீர்வு வேறு எதுவும் இல்லை. இது உங்கள் காபியின் சுவையை அதிகரிக்க செய்வதோடு, குளிருக்கு இதமாகவும் இருக்கும். காபியில் சேர்க்கும் சாக்லெட் உருகி அற்புதமான சுவையை உங்களுக்குக் கொடுக்கும்.
இலவங்கப்பட்டை
காபியில் குடிக்கும் முன் அதில் சிறிது இலவங்கப்பட்டைத் தூளைத் தூவி அருந்தலாம். இது வித்தியாசமான சுவையைக் கொடுக்கும். அதுமட்டுமின்றி, உங்களின் காபி மேக்கரில் சேர்க்கும் காபி பொடியுடன் சேர்த்து இலவங்கப்பட்டை தூளையும் சேர்த்து வைத்து தேவைப்படும் போது பயன்படுத்திக் கொள்ளலாம். இலவங்கப்பட்டை காபியை மசாலா சுவையுடனும், மணமாகவும் இருக்க செய்யும்.
இஞ்சி
காபி அருந்துவது குளிர்காலத்தில் உங்களின் உடல் சூட்டை தக்க வைக்க உதவும். இதனை எளிதாக செய்வதோடு, இதன் சுவையும் அபாரமாக இருக்கும். இஞ்சியில் ஆற்றல் தரும் பண்புகள் அதிக அளவில் உள்ளன. அவை உங்களை உற்சாகமாக வைத்திருக்க உதவும்.
எக்னாக்
கிரிமீ, இனிப்பான எக்னாக்கை காபியில் கலந்து அருந்தாலம். காபியில் சேர்க்கப்படும் இந்த எக்னாக் ஒரு கிரீமராக செயல்படுகிறது. முட்டையின் மஞ்சள் கருவுடன் சர்க்கரை சேர்த்து பீட் செய்தால் கிடைக்கும் க்ரீம் தான் இந்த எக்னாக். என்ன காபியில் முட்டையா என்று முகம் சுளிக்காதீங்க. மேலைநடுகளில் இது மிகவும் பிரபலம். இத்துடன் நீங்கள் சிறிது ஜாதிக்காய் மற்றும் லவங்கப்பட்டை தூளையும் சேர்க்கலாம்.
புதினா
பிளாக் டீ, லெமன் டீயில் புதினா சேர்த்துக் கொள்வது போல காபியில் சேர்த்து அருந்தாலம் என்று உங்களுக்குத் தெரியுமா. ஆம், புதினா இலையை காபியில் சேர்த்து எடுத்துக் கொள்ளலாம். இதன் மூலம் குளிர்காலத்தைச் சமாளிக்க முடியும். குளிருக்கு உடலை வெதுவெதுப்பாக வைத்திருக்க உதவும்.