மனநிலை சீராக வால்நட்!!

இன்றைய பரபரப்பான சூழலில் இளைஞர்கள் பலரும் மன அழுத்தம் காரணமாக, பல்வேறு பிரச்னைகளுக்கு ஆளாகின்றனர். வளர்ந்த நாடுகள் முதல் வளரும் நாடுகள் வரை பலதரப்பட்ட இளைஞர்கள் மன அழுத்தத்திற்கு ஆளாகின்றனர்.

இந்நிலையில், உணவுப் பழக்கத்திற்கும், மன நிலைக்கும் தொடர்பு உள்ளதா என்பது குறித்து பல்கலைக்கழக பேராசிரியர்கள் நடத்திய ஆய்வில், சுமார் 60-க்கும் மேற்பட்ட இளைஞர்கள் ஈடுபடுத்தப்பட்டனர்.

அவர்களில் ஒரு பிரிவினருக்கு, தினசரி அக்ரூட் பருப்புகளும், ஒரு பிரிவினருக்கு முட்டை, வாழைப்பழம் போன்ற உணவு வகைகளும் கொடுக்கப்பட்டு வந்தன.

ஆய்வின் முடிவில், வாழைப்பழம் சாப்பிடுவோரை விட, அக்ரூட் (அக்ரூட்) சாப்பிட்ட இளைஞர்கள், மனச்சிக்கல் ஏதுமின்றி, சீரான மனநிலையில் எவ்வித நெருக்கடியையும் சமாளிக்கும் பக்குவத்தில் இருப்பதாக கண்டறியப்பட்டுள்ளது.

மன அழுத்தம் குறையும்பட்சத்தில், ரத்த அழுத்தம் சீரடையும். இதன்மூலமாக, மாரடைப்பு, உயர் ரத்த அழுத்தம், பக்கவாதம் வருவது பெருமளவு குறையும் என்றும், அந்த ஆய்வு முடிவுகள் தெரிவித்துள்ளன.
To get Better mood eat WalNut