பொட்டாசியம் நிறைந்த உணவுகள்
பொட்டாசியம் நிறைந்த உணவுகள் உடலில் ஏற்படும் நீர்த்தேக்கம், தசை வலிமை, நிலைப்புத்தன்மை, எலக்ட்ரோலைட்டுகள் மற்றும் வளர்ச்சிதை மாற்ற நடவடிக்கைகளுக்கு உதவுகிறது. விட்டமின்கள் இதழில் வெளிவந்த ஒரு ஆராய்ச்சி படி, டெல் அவிவ் கல்லூரியின் ஆராய்ச்சியாளர்கள் இது குறித்து கூறுகையில், பொட்டாசியம் நிறைந்த உணவுகள் உங்க உடல் நிறை குறியீட்டெண்ணை (பிஎம்ஐ) நிர்வகிப்பதில் மிக முக்கியமான பங்கு வகிக்கிறது.
அந்த வகையில் உங்க உடல் எடையை குறைக்க பயன்படும் பொட்டாசியம் நிறைந்த உணவுகள் இங்கே கொடுக்கப்பட்டு உள்ளன.
ஆளி விதைகள் :
இந்த விதைகள் மஞ்சள் மற்றும் பழுப்பு நிறங்களில் காணப்படுகிறது. இது பொட்டாசியம் நிறைந்த விதையாகும். இதில் ஒமேகா 3 கொழுப்பு அமிலங்கள், லிக்னன்கள் மற்றும் மியூசிலேஜ் போன்ற சத்துக்கள் காணப்படுகிறது. இதை நீங்கள் ஸ்மூத்திகளில் பயன்படுத்தி உங்க உடல் எடையை குறைக்க முடியும்.
வாழைப்பழம் :
வாழைப்பழம் உங்களுக்கு நல்ல எனர்ஜியை தரக்கூடிய சூப்பர் ஃபுட் உணவாகும். இதிலும் அதிகளவு பொட்டாசியம் மற்றும் இரும்புச் சத்தானது காணப்படுகிறது. எனவே வாழைப்பழமும் உங்க உடல் எடையை குறைக்க பெரிதளவு உதவுகிறது.
மீன் :
மீனில் புரதம் மட்டுமல்ல இன்னும் ஏராளமான பொட்டாசியம், ஒமேகா 3 கொழுப்பு அமிலங்கள் போன்றவை காணப்படுகிறது. இதுவும் உங்க உடல் எடையை குறைக்க உதவும். நல்ல கொலஸ்ட்ரால் அளவை அதிகரித்து கெட்ட கொலஸ்ட்ராலை குறைக்கிறது. சில மீன்களில் பாதரசம் அதிக அளவில் இருக்கும். அதுபோன்ற மீன்களை வேண்டுமானால் குறைவாக எடுத்துக் கொள்ளலாம்.
கொண்டைக்கடலை :
கொண்டைக்கடலை உடல் எடையைக் குறைக்க பயன்படுகிறது. இதில் புரதம் அதிகளவில் காணப்படுகிறது. சாலட், சப்ஜி போன்றவற்றில் கொண்டைக்கடலை சேர்த்து சாப்பிட்டு வரலாம். கொண்டக்கடலையில் அன்றாட உடலுக்குத் தேவையான புரதத்தையும் பொட்டாசியத்தையும் சேர்த்து வழங்குகிறது.
ராஜ்மா, கிட்னி பீன்ஸ் :
ராஜ்மாவில் பொட்டாசியம் மற்றும் புரோட்டீன் அதிகளவு காணப்படுகிறது. இது நம் உடலுக்கு தேவையான தினசரி பொட்டாசியம் அளவில் 35% பூர்த்தி செய்கிறது. அதனால் உடை எடை குறைக்க நினைப்பவர்கள் அடிக்கடி ராஜ்மாவை உணவில் சேர்த்துக் கொள்ளுங்கள்.