புத்துணர்ச்சி தரும் மோர்
இந்திய மக்களை பொருத்தவரை மோர் என்பது ஒரு சிறந்த பானமாகும். இந்த மோரை மக்கள் கோடை காலங்களில் தாகத்தை தணிக்க பயன்படுத்துகின்றனர். உண்மையில் மோர் ஆனது உங்க தாகத்தை மட்டும் தணிப்பதில்லை. கூடவே இணைந்து உங்க உடலுக்கு தேவையான புத்துணர்ச்சியை அளிக்கவும் உதவி செய்கிறது. இதுவரை மோரானது மாட்டுப் பால் கொண்டு தயாரித்து இருப்போம். ஆனால் இதில் மாட்டுப்பாலுக்கு பதிலாக தேங்காய் பால் பயன்படுத்துவது இன்னும் கூடுதல் சுவையளிக்கும். இரவில் இதை பாலுக்கு பதிலாக குடித்துவிட்டு தூங்கச் செல்லலாம். அடுத்த நாள் காலை வழக்கத்தைவிட அதிக புத்துணர்ச்சியுடன் இருப்பீர்கள்.
சரி வாங்க இந்த சைவ மோரை எப்படி வீட்டிலேயே எளிதாக தயாரிக்கலாம் இதனால் என்ன நன்மைகள் கிடைக்கும் என அறிவோம்.
சைவ தேங்காய்ப்பால் மோர் தயாரிப்பது எப்படி :
தேங்காய் பால் கொண்டு தயாரிக்கும் இந்த சைவ மோரில் கறிவேப்பிலை, மிளகாய், இஞ்சி மற்றும் ஏலக்காய் போன்றவற்றை சேர்ப்பது மிகுந்த ஆரோக்கியத்தை தரக் கூடியது.
தேவையான பொருட்கள் :
- கறிவேப்பிலை
- பச்சை மிளகாய்
- ஏலக்காய்
- இஞ்சி
- துருவிய தேங்காய் /தேங்காய் பால்
- மாங்காய்
தயாரிக்கும் முறை :
கறிவேப்பிலை, பச்சை மிளகாய், ஏலக்காய், இஞ்சி, மாங்காய் மற்றும் துருவிய தேங்காய் என எல்லாவற்றையும் ஒன்றாக கலந்து கொள்ளுங்கள்.
இதை மிக்ஸி சாரில் போட்டு தேவைக்கேற்ப தண்ணீர் ஊற்றி நன்றாக அரைத்துக் கொள்ளுங்கள்.
பிறகு இதை ஒரு வடிகட்டும் துணியில் ஊற்றி வடிகட்டிக் கொள்ளுங்கள்.
நன்றாக பிழிந்து சாறு எடுத்துக் கொள்ளுங்கள். இப்பொழுது சுவையான புத்துணர்ச்சி ஊட்டும் மாங்காய் தேங்காய் மோர் தயாராகி விட்டது.
எடையை குறைக்க தினமும் குடிக்க வேண்டிய பானங்கள் என்னென்ன... என்னென்ன குடிக்கக் கூடாது...
பயன்கள்:
இந்த மாங்காய் தேங்காய் மோரில் நிறைய ஆன்டி ஆக்ஸிடன்கள், தாதுக்கள் மற்றும் விட்டமின்கள் உள்ளன. எனவே உங்க நாளை புத்துணர்ச்சி ஊட்ட இது ஒரு சிறந்த காலை பானமாகும். இதை காலையில் குடித்து வந்தால் நாள் முழுவதும் புத்துணர்ச்சி உடன் வேலை செய்வீர்கள்.