டைப் 2 நீரிழிவு நோய் வந்தால் உடலில் உள்ள எந்தெந்த பாகங்கள் பாதிப்படையும்... எப்படி தவிர்க்க முடியும்...

நீரிழிவு நோய் ஏற்படுவதற்கான அறிகுறிகள் என்ன என்பதை நாம் அறிந்து கொள்ள வேண்டும். இன்சுலின் பற்றாக்குறை மற்றும் கணையத்தில் உற்பத்தி செய்யப்படும் ஹார்மோன் காரணமாக ரத்தத்தில் சர்க்கரையின் அளவு அதிகரிக்கிறது. குண்டாக இருப்பவர்களுக்கு இந்நோய் ஏற்படும் ஆபத்து அதிகம். உங்களது வாழ்க்கை முறை மற்றும் உணவு பழக்கவழக்கங்கள் இந்த இந்த நோய் பாதிப்பில் பெரும் பங்கு வகிக்கின்றன. புகைப்பழக்கம், குடிப்பழக்கம் ஆகியவையும் இதற்கு ஒரு காரணமாகும்.

நமது ரத்தத்தில் சர்க்கரையின் அளவு அதிகரிக்கும்போது, அது உடல் பாகங்களை நிரந்தரமாக பாதிக்கும் அபாயம் அதிகம். எனவே இந்நோயை முன்னரே கண்டறிந்து சிகிச்சை அளிப்பது மிகவும் முக்கியமானது. டைப் 2 நீரிழிவு நோயால் பாதிக்கப்பட்டவர்களுக்கு எந்த உறுப்புகள் சேதம் அடையும் என்பதை பற்றி இங்கே நாங்கள் கூறுகிறோம்.

குறைந்த ரத்த அழுத்த பிரச்சினையா? உங்க சாப்பாட்டுல இதெல்லாம் சேர்த்துக்கோங்க சரியாயிடும்...

டைப் 2 நீரிழிவு நோய் இதயத்தில் பாதிப்பை ஏற்படுத்தக்கூடியது. நீரிழிவு நோயால் பாதிக்கப்பட்ட ஒரு நபர் இதயம் சார்ந்த நோய்களாலும் பாதிக்கப்படுகிறார். இதனால் மாரடைப்பு போன்ற இதய நோய்கள் ஏற்படும் அபாயம் அதிகமாக இருக்கிறது.

டைப் 2 நீரிழிவு பாதிப்பு உள்ள நோயாளிகள் மது அருந்தும் பொழுது, உங்கள் கல்லீரலில் கொழுப்பு அதிகரிக்கும் ஆபத்து இருக்கிறது என்பது தெரியுமா? ஆம் உண்மைதான். சிறிதளவு மது அருந்தினால் கூட கல்லீரலில் அதிகப்படியான கொழுப்பு உருவாகி, கல்லீரலை பாதிக்கிறது.

நீரிழிவு நோயால் பாதிக்கப்பட்ட நோயாளிகள் நீரிழிவு நரம்பியல் அல்லது நரம்பு தொடர்பான பல்வேறு பிரச்சனைகளை எதிர்கொள்கின்றனர். பொதுவாக நீரிழிவு நோயினால் பாதிக்கப்பட்டவர்கள் நரம்புகளில் பாதிப்புகள் அதிகம் இருப்பதாக தெரிவிக்கின்றனர். இந்த டைப் 2 நீரிழிவு நோய் காரணமாக நமது கால்களில் உணர்வு தன்மை இழப்பு ஏற்படலாம்.

கிரீன் டீயுடன் இந்த 5 பொருட்களை சேர்த்து குடித்தால் பலன் பலமடங்கு கிடைக்குமாம்...

நீரிழிவு நோய் நமக்கு பல உடல்நல சிக்கல்களை ஏற்படுத்தும். அதில் ஒன்று பார்வை பாதிப்பு. நீரிழிவு நோயாளிகள் அதிகமாக பார்வை பிரச்சனைகளை எதிர்கொள்கின்றனர். கண்புரை, ரெட்டினோபதி, எடிமா போன்ற பிரச்சனைகள் ஏற்படுகிறது. இந்த பிரச்சினைகளை சரியான நேரத்தில் கண்காணித்து சிகிச்சை பெறாவிட்டால், பார்வை இழப்பு ஏற்பட சாத்தியக்கூறுகள் அதிகம்.

இந்த டைப் 2 நீரிழிவு நோயால் நமது உடல் உறுப்புகளில் அதிகமாக பாதிக்கப்படும் உறுப்பு சிறுநீரகம். சிறுநீரகத்தில் உள்ள ரத்த நாளங்களில் அதிக பாதிப்பை ஏற்படுத்துகிறது.

நீரிழிவு நோயாளிகளுக்கு சரும பிரச்சனைகள் மிகவும் பொதுவானவை. இந்நோயால் பாதிக்கப்பட்ட ஒருவருக்கு வறண்ட சருமம், தோல் காயங்கள் போன்ற கடுமையான சரும பிரச்சினைகளால் பாதிக்கப்படுவர். இத்தகைய அறிகுறிகள் நாட்பட்ட சரும நோய் தொற்றுக்கு வழி வகுக்கும்.

பெரும்பாலும் நீரிழிவு நோயாளிகள் அதிக அளவில் வாய் தொற்று பிரச்சினைகளால் பாதிக்கப்படுகின்றனர். உமிழ்நீர் சுரப்பி செயலிழப்பு, வாய்வழி பிரச்சினைக்கு பொதுவான அறிகுறி ஆகும். இந்த அறிகுறியை சரியான நேரத்தில் கண்டறிந்து சிகிச்சை பெறாவிட்டால், நாக்கில் நிரந்தர பாதிப்பு ஏற்பட வாய்ப்பு அதிகம்.

பெண்களின் கர்பப்பை பற்றி இதுவரை உங்களுக்குத் தெரியாத சுவாரஸ்யங்கள் இதோ... படிச்சா ஆச்சர்யப்படுவீங்க...

இந்த பிரச்சினையில் இருந்து விடுபட வாழ்க்கை முறையில் மாற்றங்களை கொண்டு வரவேண்டும். இந்த அறிகுறிகளை சரியான நேரத்தில் கண்டறிந்து சிகிச்சை அளிப்பதன் மூலம், நிரந்தரமாக உடல் உறுப்புகள் பாதிக்கப்படுவதிலிருந்து நம்மை தற்காத்துக் கொள்ளலாம்.

நீரிழிவு நோயை கட்டுப்படுத்த ஆரோக்கியமான உணவு பழக்க வழக்கங்களை நாம் பின்பற்ற வேண்டும். புரதச்சத்து, கார்போஹைட்ரேட் மற்றும் கொழுப்புகள் சரியான அளவில் கலந்த உணவுகளை எடுத்துக் கொள்வதன் மூலம் இந்த நீரிழிவு நோயிலிருந்து தற்காத்துக் கொள்ளலாம்.

உடல் எடை அதிகமாக உள்ளவர்கள் குறைந்த அளவு கார்போஹைட்ரேட், கொழுப்பு மற்றும் கலோரி உள்ள உணவுகளை உண்பதை உறுதிப்படுத்திக் கொள்ள வேண்டும் என்று சுகாதார நிபுணர்கள் கூறுகிறார்கள்.

கையில பிடிக்க முடியாத அளவு முடி அடர்த்தியா இருக்கணுமா?... ஆளி விதையை இப்படிதேய்ங்க

நோய்கள் ஏற்படாமல் தடுக்க உடற்பயிற்சி செய்வது அவசியம். ஒரு சிறந்த உடற்பயிற்சியை தொடர்ந்து செய்வது, நமது உடலில் நோய் எதிர்ப்பு சக்தியை வலுப்படுத்தி, நோய் தொற்று ஏற்படுவதில் இருந்து நம்மை பாதுகாக்கிறது.

நீரிழிவு நோயால் பாதிக்கப்பட்ட ஒருவர், அவரது ரத்த சர்க்கரை அளவை தினமும் கண்காணிக்க வேண்டியது அவசியம். இது சரியான நேரத்தில் நம் உடலை பாதிப்பில் இருந்து தற்காத்துக் கொள்ள நடவடிக்கைகள் எடுக்க உதவும்.

உங்கள் உடலில் ஏற்படும் மாற்றங்களை சரியாக கண்காணித்து, உங்கள் உடலை பரிசோதனை செய்துகொள்வது நாட்பட்ட இதுபோன்ற நீரிழிவு நோய்கள் ஏற்படாமல் தடுக்கும்.