ஒரு மாதுளையின் எடையில் 3% விதைகளால் ஆனது. இந்த விதைகளுக்கு மேல் மெல்லிய சதைப்பற்றுடன் சாறு நிறைந்த பற்று உள்ளது. இந்த மாதுளைப்பழத்தை விதையோடு சேர்த்து எடுத்துகொள்ளும் போது அளவற்ற நன்மைகள நீங்கள் பெறலாம்.
மாதுளையின் நன்மைகள்
பொதுவாக எந்த பழங்களையும் நறுக்கி அப்படியே (சாப்பிடகூடிய) சாப்பிடுவது நல்லது. சில பழங்களை தோலோடு அதில் இருக்கும் விதைகளோடு ( பழங்களுக்கேற்ப) எடுத்துகொள்வதன் மூலம் அதன் நன்மைகளை முழுமையாக பெறலாம்.
மாதுளையும் அப்படிதான். மாதுளையை சாறாக்கி வடிகட்டி எடுக்கும் போது விதைகளில் இருக்கும் சத்துக்கள் நம் உடலுக்கு கிடைப்பதில்லை. தினமும் இதை சாறாக்கி எடுக்காமல் அவ்வபோது பழங்களாக அப்படியே முத்துக்களை அள்ளி சாப்பிடலாம். இதனால் கிடைக்கும் நன்மைகள் அற்புதமானவை.
மாதுளை பழத்தில் ஆன்டி ஆக்ஸிடன்கள் மற்றும் அழற்சி எதிர்ப்பு பண்புகள் காணப்படுகிறது. இது புற்றுநோயை தடுக்கிறது. இதிலுள்ள வைட்டமின் சி சீரண சக்தியை மேம்படுத்துகிறது. இதய ஆரோக்கியத்தை மேம்படுத்துகிறது.
மாதுளை பழத்தில் புனிகலஜின் மற்றும் பியூனிசிக் அமிலம் காணப்படுகிறது. மாதுளையில் உள்ள ஆன்டி ஆக்ஸிடன்களானது வொயின் மற்றும் க்ரீன் டீயில் இருப்பதை விட மூன்று மடங்கு அதிகமாகும். மாதுளை பழத்தை அப்படியே சாப்பிடுவதால் கிடைக்கும் ஆரோக்கிய நன்மைகள் :
மாதுளை உயர் இரத்த அழுத்தத்தை கட்டுப்படுத்துகிறது
உயர் இரத்த அழுத்தம் இருந்தால் இரத்த நாளங்கள் சேதமடைவதோடு இதய நோய்களை உருவாக்கும் அபாயமும் இருக்கிறது. தினமும் மாதுளை பழம் ஒரு கப் எடுத்து வரலாம். அல்லது விதைகளை நீக்காமல் சாறு எடுத்து குடித்து வருவது உங்கள் இரத்த அழுத்தத்தைக் கட்டுப்பாட்டில் வைக்க உதவுகிறது.
மாதுளை சாறு இதயத்திற்கு இரத்த ஓட்டத்தை அதிகரிக்கிறது. மாதுளை எடுத்துகொள்வது மாரடைப்பு போன்ற இதயம் தொடர்பான நோய்கள் அபாயத்தை குறைக்க பயன்படுகிறது.
மாதுளை விதை எண்ணெய் இதயத்துக்கு நல்லது
இதய நோய்களால் உலகளவில் நிறைய மக்கள் இறக்கின்றனர். பிரிட்டிஷ் ஜர்னல் ஆஃப் நியூட்ரிஷனின் கூற்றுப்படி, ஒரு நாளைக்கு 800 மி.கி மாதுளை விதை எண்ணெயை எடுத்துக் கொள்வது உடலில் உள்ள கெட்ட கொலஸ்ட்ராலைக் குறைக்க உதவுகிறது. 51 பேர்களில் நடத்தப்பட்ட ஆராய்ச்சியில் 4 வாரங்களுக்கு மாதுளை விதை எண்ணெய் எடுத்துக் கொண்டவர்களுக்கு கெட்ட கொலஸ்ட்ரால் குறைந்து இருக்கிறது.
மாதுளை நீரிழிவு நோய் கட்டுக்குள் வைக்க உதவும்
நீரிழிவு நோய் என்பது வளர்சிதை மாற்ற நோயாகும். இது உங்கள் இரத்தத்தில் உள்ள சர்க்கரையை அதிகரிக்கச் செய்கிறது. எனவே இரத்த சர்க்கரை அளவை மேம்படுத்த உதவும். எனினும் இது குறித்து கூடுதல் ஆராய்ச்சிகள் தேவை. உங்கள் உடலில் இரத்த சர்க்கரை அளவை பொறுத்து மருத்துவரின் ஆலோசனையுடன் மாதுளை பழத்தை ஒரு கப் அளவாக எடுத்து வரலாம்.
மாதுளை தசை வலியை குறைக்கும்
உடற்பயிற்சி செய்வது சில சமயங்களில் நமக்கு தசை வலியை ஏற்படுத்தும். மாதுளை பழச்சாறை தினமும் இரண்டு முறை என தொடர்ந்து 15 நாட்களுக்கு குடித்து வந்தால் தசை வலி குறைவதற்கான வாய்ப்பு உள்ளது.
meat: சைவ இறைச்சியா..அசைவ இறைச்சியா… உடம்புக்கு எது நல்லது.. ஆய்வு சொல்வது என்ன?
மாதுளை பழம் மூட்டுகளில் ஏற்படும் கீல்வாத பிரச்சினையை களைய உதவுகிறது. இது வீக்கத்தை குறைத்து கீல்வாதத்தை எதிர்த்து போராட உதவுகிறது.
மாதுளை விறைப்புத்தன்மையை மேம்படுத்துகிறது
விறைப்பு திசுக்களில் இரத்த ஓட்டம் தடைபடுவதால் விறைப்புத்தன்மை பிரச்சினை ஏற்படலாம். சிறுநீரகவியல் இதழில் வெளியிடப்பட்ட ஆய்வில், மாதுளை பழச்சாறு முயல்களில் இரத்த ஓட்டம் மற்றும் விறைப்புத்தன்மையை மேம்படுத்துவதாக கண்டறியப்பட்டுள்ளது. எனினும் இது குறித்து மனிதர்களி டத்தில் ஆராய்ச்சி தேவை என்பது குறிப்பிடத்தக்கது.
மாதுளை பூஞ்சை தொற்று தடுக்கிறது
மாதுளை பாக்டீரியா மற்றும் பூஞ்சை தொற்றை எதிர்த்து போராட உதவுகிறது. பல் மருத்துவ இதழில் வெளியிடப்பட்ட ஒரு ஆய்வில், மாதுளை பாக்டீரியா எதிர்ப்பு மற்றும் பூஞ்சை எதிர்ப்பு பண்புகள் கொண்டுள்ளது. இது வாயில் ஏற்படும் தொற்று மற்றும் அழற்சியில் இருந்து நம்மை காக்க உதவுகிறது என்று தெரிவித்துள்ளது.
மாதுளை குடல் இயக்கத்தை தூண்டுகிறது
மாதுளை பழத்தில் நார்ச்சத்துக்கள் அதிகளவில் காணப்படுகிறது. மாதுளையை அன்றாடம் சேர்த்து வருவது உங்கள் செரிமானத்தை மேம்படுத்த உதவுகிறது. தினசரி உட்கொள்ளும் நார்ச்சத்துக்களில் 45 % தேவையை இது பூர்த்தி செய்கிறது. இது குடல் இயக்கங்களை தூண்டி மலச்சிக்கல் வராமல் தடுக்கிறது. மலச்சிக்கல் இருப்பவர்கள் மாதுளையை சாறாக்கி குடிக்காமல் அப்படியே சாப்பிடுவதன் மூலம் மலச்சிக்கல் பிரச்சனையை கட்டுப்படுத்தலாம்.
மன அழுத்தத்தை குறைக்கிறது
மாதுளை பழ ஜூஸ் மன அழுத்தத்தை குறைக்க உதவுகிறது. குயின் மார்கரெட் பல்கலைக்கழகம் நடத்திய ஆய்வின்படி, மாதுளை ஜூஸ் குடிப்பது மன அழுத்தத்திற்கு காரணமான கார்டிசோல் அளவை குறைக்க பயன்படுகிறது.
amino acids : உடம்புக்கு முழு புரத உணவு வேணும்னா கண்டிப்பா நீங்க இதை தான் சாப்பிடணும்!
மாதுளையை அப்படியே சாப்பிடுவதன் மூலம் பலனை நிறைவாக பெற முடியும். சாறாக்கி விதையை வெளியேற்றுவதை தவிர்த்து விதைகளோடு மென்று சாப்பிடுங்கள். பலன் நிச்சயம் கிடைக்கும்.
இத்தகைய மருத்துவ குணங்களை உள்ளடக்கிய மாதுளை பழங்கள் அரிதாக சிலருக்கு ஒவ்வாமையை ஏற்படுத்தக் கூடியது. இதனால் அரிப்பு, வீக்கம், மூக்கு ஒழுகுதல், சுவாசிப்பதில் சிரமம் போன்ற பிரச்சினைகளை சந்திக்க நேரிடும். இது போன்ற அறிகுறிகள் தென்பட்டால் உடனே மருத்துவரை அணுகி சிகிச்சை பெறுவது நல்லது.