அனீமியா பாதிப்பு
அனீமியாவால் பாதிக்கப்பட்டவர்களுக்கு, அதிகளவில் இரும்புச்சத்து, வைட்டமின் பி மற்றும் வைட்டமின் சி அதிகம் கொண்ட உணவுமுறை பரிந்துரைக்கப்படுகிறது. மருத்துவரின் தகுந்த ஆலோசனைகளை பெற்று, அதற்கேற்ப உணவு முறைகளை வகுத்துக் கொள்வதன் வாயிலாக அனீமியா பாதிப்பில் இருந்து நிவாரணம் பெறலாம்.
இரும்புச்சத்து பற்றாக்குறை
அனீமியாவால் பாதிக்கப்பட்டவர்களுக்கு உள்ள இரும்புச்சத்து பற்றாக்குறையை போக்க, பச்சை காய்கறிகளை அதிகளவில் உணவில் சேர்க்க வேண்டும்.
பச்சை காய்கறிகளை நாம் பரிந்துரை செய்துள்ள போதிலும், கீரை, காலே உள்ளிட்டவைகளை நாம் அதிகளவில் சேர்த்துக் கொள்ளக் கூடாது. கீரை மற்றும் காலேக்களில் ஆக்சலேட் உள்ளது. இது இரும்புச்சத்துடன் இணைந்து ரத்தத்தில் (ஹீமோகுளோபின்) இரும்புச்சத்து அல்லாத பொருட்களை உறிஞ்சுவதை தடை செய்கிறது.
போலேட் அதிகம் கொண்ட உணவுகள்
சிட்ரஸ் பழங்களான ஆரஞ்சுகள், பீன்ஸ், முழு தானியங்களில் போலேட் அதிகம் உள்ளது. வைட்டமின் சி அதிகம் கொண்ட காலே போன்ற பச்சை காய்கறிகள், பாகற்காய் உள்ளிட்டவைகள், இரும்புச்சத்தை எளிதாக உறிஞ்ச உதவிபுரிகின்றன.
கிட்னி பீன்ஸ், சிக்பீஸ். சோயா பீன்ஸ்கள், கறுப்பு பீன்ஸ்கள், கறுப்பு கண் பீன்ஸ்கள், பின்டோ பீன்ஸ்கள் உள்ளிட்டவைகள், இரும்புச்சத்தை நம்முடைய உடல் எளிதாக உறிஞ்ச உதவி புரிகின்றன.
கடல் உணவுகள்
கடலோர பகுதி மக்களின் உணவுமுறையில், இரும்புச்சத்து பிரதானமாக உள்ளது. பல்வேறு வகையான மீன்கள், முத்துக்கள், கிளாம்கள், ஸ்காலப்கள், நண்டுகள், ஷிரிம்ப்கள் உள்ளிட்ட உணவு வகைகள், உங்கள் உடலில் பாயும் ரத்தத்தில் இரும்புச்சத்தின் அளவை அதிகரிக்க உதவுகின்றன.
தானியங்கள் மற்றும் கொட்டைகள்
ஆளி விதைகள், பூசணி விதைகள். முந்திரி, பிஸ்தா உள்ளிட்ட கொட்டைகள் உடன் தானியங்களை சேர்த்து உட்கொண்டு வந்தால், அது இனிய காலை சிற்றுண்டியாக அமையும்.
இறைச்சி உணவுகள்
அசைவ உணவுப் பிரியர்கள், இரும்புச்சத்து அதிகம் கொண்ட சிகப்பு இறைச்சியை அதிகம் சாப்பிட்டு வரலாம். கல்லீரல் உள்ளிட்டவைகளில் அதிக அளவில் இரும்புச்சத்தும், போலேட்டும் உள்ளது. இதயம், சிறுநீரகம் உள்ளிட்டவைகளிலும் அதிகளவில் இரும்புச்சத்து மற்றும் போலேட் உள்ளது குறிப்பிடத்தக்கது.