உருளைக்கிழங்கும் ஊட்டச்சத்தும்
உருளைக் கிழங்கில் கடினமான கார்போஹைட்ரேட் இருக்கிறது என்பதை தாண்டி ஏராளமான ஊட்டச்சத்துக்களும் நிறைந்திருக்கின்றன.
வைட்டமின் பி,
வைட்டமின் சி,
பொட்டாசியம்,
பாஸ்பரஸ்,
மாங்கனீசு,
நார்ச்சத்து,
கார்போஹைட்ரேட்
ஆகியவை உருளைக்கிழங்கில் இருக்கின்றன.
சர்க்கரை நோய் கட்டுக்குள் வர
கிளைசெமிக் குறியீடு
அதிக ஸ்டார்ச்சும் கடினமான கார்போஹைட்ரேட்டும் கொண்ட உருளைக்கிழங்கின் கிளைசெமிக் குறியீடு மிக அதிகம். அதிலும் குறிப்பாக, அதை சமைக்கும் வழிமுறைகளைப் பொருத்து அதன் கிளைசெமிக் குறியீட்டிலும் மாறுதல்கள் உண்டாகின்றன.
வறுத்த உருளைக்கிழங்கின் கிளைசெமிக் குறியீடு - 95,
பேக்கிங் செய்த உருளைக்கிழங்கின் கிளைசெமிக் குறியீடு - 85
வேகவைத்த உருளைக்கிழங்கின் கிளைசெமிக் குறியீடு - 50,
சர்க்கரைவள்ளி கிழங்கின் கிளைசெமிக் குறியீடு - 61
எப்படியெல்லாம் எடுத்துக் கொள்ளலாம்?
நீரிழிவு நோயாளிகள் பொதுவாக ஒவ்வொரு வேளை உணவிலும் எவ்வளவு கார்போஹைட்ரேட்டுகளை எடுத்துக் கொள்கிறோம், எந்த வகையான கார்போஹைட்ரேட்டுகளாக அவை இருக்கின்றன என்பதை கவனத்தில் கொள்ள வேண்டும். அதோடு மிதமான அளவில் வேகவைத்த உருளைக் கிழங்கை மட்டும் கீழ்வரும் வழிகளில் எடுத்துக் கொள்ளலாம்.
உருளைக்கிழங்கு சாலட்: வேகவைத்து, ஆறவைத்த உருளைக்கிழங்கில் எதிர்ப்புத் திறன் கொண்ட மாவுச்சத்து இருப்பதால், உருளைக்கிழங்கின் கிளைசெமிக் குறியீட்டு அளவைக் குறைத்து, நீரிழிவு நோயாளிகளுக்கு ஏற்றதாக மாற்றி இதை சாப்பிடலாம்.
தோலுடன் உருளைக்கிழங்கு: உருளைக்கிழங்கை தோலுடன் சாப்பிடுவது உணவில் இன்னும் கொஞ்சம் கூடுதலாக நார்ச்சத்து சேருவதற்கு வழிவகுக்கும். இதனால் ரத்த சர்க்கரை அளவையும் சீராக வைத்திருக்க உதவும்.
உருளைக்கிழங்கில் சீஸ் சேர்ப்பது: உருளைக்கிழங்கின் கிளைசெமிக் குறியீட்டை குறைத்து ரத்தத்தில் சர்க்கரை அளவு திடீரென அதிகரிப்பதைத் தடுக்கிறது.
சூடான உருளைக்கிழங்கை விட குளிர்ந்த நிலையில் இருக்கும் உருளைக்கிழங்கை எடுத்துக் கொள்ளும் சர்க்கரை நோயாளிகளுக்குப் பாதுகாப்பானது.
சர்க்கரை வள்ளிக்கிழங்கு சாப்பிடலாமா?
சர்க்கரை வள்ளிக் கிழங்கில் கிளைசெமிக் குறியீடு மிதமான அளவில் (46-61) இதை நீரிழிவு உள்ளவர்கள் குறைவான அளவில் எடுத்துக் கொள்ளலாம்
குறிப்பாக டைப் 2 நீரிழிவு பிரச்சினை உள்ளவர்கள் சேர்த்துக் கொள்ளலாம். இதிலுள்ள அதிகப்படியன மக்னீசியமும் நார்ச்சத்துக்களும் இன்சுலின் சகிப்புத்தன்மையைக் குறைத்து ரத்த சர்க்கரை அளவைக் கட்டுக்குள் வைத்திருக்க உதவி செய்கிறது.
Homemade Protein Powder for Weight Loss: உடல் எடை குறைக்க வீட்டிலேயே கம்மி விலையில் புரோட்டீன் பவுடர் செய்வது எப்படி?
உருளைக்கிழங்கு சிப்ஸ்
நீரிழிவு பிரச்சினை உள்ளவர்கள் ஸ்டார்ச் நிறைந்த உருளைக்கிழங்கை எடுத்துக் கொள்ளும்போது மிகுந்த கவனத்துடன் எடுத்துக் கொள்ள லேண்டும்.
உருளைக் கிழங்கு சிப்ஸை நீரிழிவு நோயாளிகள் தவிர்ப்பது நல்லது. ஏனெனில் எண்ணெயில் பொரித்தெடுக்கப்பட்ட உருளைக் கிழங்கு சிப்ஸ் அதிக கிளைசெமிக் குறியீடும் டிரான்ஸ் கொழுப்பும் கொண்டது.
உருளைக்கிழங்குக்கு மாற்று
சர்க்கரை நோயாளிகள் உருளைக்கிழங்கு மாற்றாக வேறு சில காய்கறிகளை எடுத்துக் கொள்வது தான் பாதுகாப்பானது.
உருளைக்கிழங்குக்கு மாற்றாக சர்க்கரை வள்ளிக் கிழங்கு, கேரட், பீட்ரூட், ப்ரக்கோலி, பச்சை காய்கறிகள் ஆகியவற்றை எடுத்துக் கொள்வது சிறந்தது.
Veg Salad Benefits : இந்த 8 மாற்றம் உங்க உடம்புல நடக்கணும்னா தினம் ஒரு கப் சாலட் சாப்பிடணுமாம்...
எப்படி எடுத்து கொள்ளலாம்?
நீரிழிவு பிரச்சினை உள்ளவர்கள் உருளைக்கிழங்கு, சர்க்கரை வள்ளிக்கிழங்கு என எந்த கிழங்காக இருந்தாலும் முதலில் வேகவைத்துக் கொள்ள வேண்டும்.
உருளைக்கிழங்கு சாப்பிடும் முன் நன்கு ஆறியிருக்க வேண்டும். இந்த வேகவைத்த உருளைக்கிழங்கை மற்ற வேகவைத்த காய்கறிகளுடன் சேர்த்து சாலட்டாக எடுத்துக் கொள்ளலாம். அதேசமயம் குறைவான அளவில் இருக்க வேண்டும்.