மனித பாப்பிலோமா வைரஸ்
ஹியூமன் பாப்பிலோமா வைரஸ் கர்ப்பப்பை வாய் புற்றுநோய் வளர்ப்பதில் முதன்மையான ஆபத்து காரணி மற்றும் பொதுவான பாலியல் பரவும் நோய்த்தொற்று என்று கூறுகிறது. 40 க்கும் மேற்பட்ட வகையான பாப்பிலோமா பிறப்புறுப்பு மண்டலத்தை பாதிக்கலாம்.
கர்ப்பப்பை வாய்ப்புற்றுநோயுடன் தொடர்புடைய பாப்பிலோமா நோய்த்தொற்றுகளின் உயர் ஆபத்து வகைகளே அதிகம். பாப்பிலோமா வைரஸ் தொற்றுக்கு சிகிச்சை இல்லை. ஆனால் நோய்த்தொற்றை நிர்வகிக்க சுகாதார நிபுணர்கள் அறிவுறுத்துவார்கள்.
சில வகையான வைரஸிலிருந்து உடலை பாதுகாக்க பாப்பிலோமா வைரஸ் தடுப்பூசி பெறுவதன் மூலம் இது சுருங்குவதை தவிர்க்கலாம். ஒவ்வொரு வகை பாப்பிலோமா கர்ப்பப்பை புற்றுநோய் உண்டாக்காது. அதனால் உங்களுக்கு தொற்று இருப்பது கண்டறியப்பட்டால் சிகிச்சை குறித்து மருத்துவரிடம் பேசுங்கள்.
புகைப்பழக்கம்
புகைப்பிடிப்பதால் நல்லது எதுவும் வராது. இது பயங்கரமான நிலைமைகளை உண்டாக்குகிறது. இது ஆயுட்காலத்தை குறைக்கலாம். புகைப்பிடிக்கும் போது உங்களையும் உங்களை சுற்றியுள்ளவர்களையும் புற்றுநோய் உண்டாக்கும் இரசாயனங்களை வெளிப்படுத்தலாம். இது நுரையீரலை மட்டுமல்ல உடலின் பல பாகங்களையும் பாதிக்கும்.
அமெரிக்க புற்றுநோய் சமூகத்தின் படி புகைப்பிடிக்காத பெண்களுடன் ஒப்பிடும் போது புகைப்பிடிப்பவர்களுக்கு கருப்பை புற்றுநோய் வருவதற்கான வாய்ப்பு இரண்டு மடங்கு அதிகம்.
புகைப்பிடித்தல் கர்ப்பப்பை வாய் புற்றுநோயின் அபாயத்தை உருவாக்கும் வாய்ப்பு இரண்டு மடங்கு அதிகம். இது இரண்டு வகைகளில் புற்றுநோயின் அபாயத்தை அதிகரிக்கிறது.
புகைப்பிடித்தல் உங்கள் நோய் எதிர்ப்பு சக்தியை குறைக்கிறது. இதனால் உடலில் பாப்பிலோமா வைரஸ் நோய்த்தொற்றை எதிர்த்து போராடும் திறன் இழக்கும். இரண்டாவது புகைப்பிடிக்கும் பெண்களின் கர்ப்பப்பை வாய் சளியில் புகையிலை துணை தயாரிப்புகள் கண்டறியப்பட்டுள்ளன என்று ஆதாரங்கள் தெரிவிக்கிறது. இந்த துணை தயாரிப்புகள் கர்ப்பப்பை வாய் புற்றுநோய் ஏற்படலாம்.
உணமியில் கருப்பை வாய் செல்களின் டிஎன்ஏ வை மாற்றுகின்றன. அல்லது சேதப்படுத்துகின்றன. இது கர்ப்பப்பை வாய் புற்றுநோய்க்கு வழிவகுக்கும்.
பாலியல் வரலாறு
பாலியல் வரலாறு என்பது குறித்தும் நீங்கள் அறிந்துகொள்ள வேண்டும். பாலியல் வரலாறு கர்ப்பப்பை வாய்ப்புற்றுநோயின் அபாயத்தை அதிகரிக்க பல வழிகள் உள்ளன.
பெண்கள் அதிகமான கூட்டாளர்களை கொண்டிருந்தால் அவர்கள் பாப்பிலோமா வைரஸ் கொண்டிருக்க வாய்ப்புண்டு. கர்ப்பப்பை வாய் புற்றுநோய்க்கான மிகப்பெரிய ஆபத்து காரணங்களில் இது முக்கியமானது.
சிறுநீரகப் பிரச்சனை: அழுத்தம் கொடுத்து அல்லது அரைகுறையா சிறுநீர் வெளியேற்றுவது ஆபத்தானது! ஏன்?
பாலியல் வரலாறு கர்ப்பப்பை வாய் புற்றுநோயின் அபாயத்தை அதிகரிக்கும். சிறு வயதில் பாலியல் ரீதியாக சுறுசுறுப்பாக இருப்பது, அல்லது பல பாலியல் கூட்டாளிகள் அதிகம் பெறுவது காரணமாக இருக்கலாம். அதனால் பாலியல் வரலாறு குறித்து மருத்துவரிடம் நேர்மையாக பேசுங்கள். இது சங்கடமானதாக இருந்தாலும் இது எதிர்காலத்தில் உங்களை ஆரோக்கியமாக வைத்திருக்க உதவும்.
குடும்ப வரலாறு
பல வகையான புற்று நோய்களை போலவே கர்ப்பப்பை வாய்ப்புற்றுநோயும் குடும்ப வரலாறை கொண்டிருக்கலாம். குடும்ப வரலாறில் தாய், சகோதரி யாராவது கர்ப்பப்பை வாய் புற்றுநோய் இருந்தால் உங்களுக்கும் வருவதற்கு வாய்ப்பு அதிகம் என்று அமெரிக்கன் கேன்சர் சொசைட்டி கூறுகிறது.
சில பெண்களுக்கு மற்றவர்களை விட பாப்பிலோமா நோய்த்தொற்றை எதிர்த்து போராடும் திறனை குறைக்கும் பரம்பரை நிலை காரணமாக ஏற்படும் வாய்ப்பு அரிதாக இருக்கலாம்.
குடும்ப வரலாறு என்பது உங்களால் கட்டுப்படுத்த முடியாத ஒன்று. இது மாற்ற முடியாத ஆபத்து காரணங்கள் என்பதால் குடும்ப வரலாறில் யாருக்கேனும் இருந்தால் மருத்துவரிடம் ஆலோசனை பெறுவது அவசியம்.
கிளமிடியா
பெண்கள் மர்றும் ஆண்கள் இருவரையும் பாதிக்கும் எஸ்டிஐ என்னும் பாலியல் தொற்று அவர்களது இனப்பெருக்க ஆரோக்கியத்துக்கு தீங்குவிளைவிக்கும். இது பெண்ணின் இனப்பெருக்க அமைப்புக்கு கடுமையான சேதத்தை விளைவிக்கிறது. பாக்டீரியா தொற்று உள்ள பெண்கள் அறிகுறிகளை வெளிப்படுத்த மாட்டார்கள். வழக்கமான இடுப்பு பரிசோதனை வரை அவர்களுக்கு ஏற்பட்ட பாதிப்பை கண்டறிய முடியாது.
கர்ப்பப்பை வாய்ப் புற்றுநோயை பொறுத்தவரை இரத்த பரிசோதனைகள் மற்றும் கர்ப்பப்பை வாய் சளி ஆகியவை கடந்த கால அல்லது தற்போதைய கிளமிடியா தொற்றுக்கான ஆதாரங்களை காட்டிய பெண்களுக்கு கருப்பை வாய் புற்றுநோய் இருப்பதற்கான அதிக ஆபத்துகள் உள்ளதாக ஆய்வுகள் காட்டுகிறது.
இளவயது கர்ப்ப காலம்
பெண்ணுக்கு கர்ப்பகாலம் அசெளகரியமாகவும் கடினமாகவும் இருக்கலாம். அதிலும் 20 வயதுக்குட்பட்டவராக இருந்தால், உங்கள் முதல் முழு கர்ப்ப காலத்தில், நீங்கள் கர்ப்பப்பை வாய்ப் புற்றுநோயை உருவாக்கும் வாய்ப்பு அதிகம் என்று அமெரிக்க புற்றூநோய் சங்கம் தெரிவிக்கிறது. 25 வயதுக்கு மேற்பட்ட பெண்கள் 20 வயதுக்கு கீழ் கருவுற்ற பெண்களை விட புற்றுநோயை உருவாக்கும் வாய்ப்பு குறைவு.
இளம் வயது கர்ப்பப்பை வாய்ப்புற்றுநோய்க்கான ஆபத்து காரணியாக இருந்தாலும், 20 வயதுக்குட்பட்ட பெண்கள் புற்றுநோயை உருவாக்கும் வாய்ப்பை பெறுவார்கள் என்றும் கணிக்கவில்லை. இவர்களுக்கு ஆபத்து காரணிகளாக இவை இருக்கலாம். அவ்வளவு தான்.
ஒரு வகையான பல கர்ப்பங்கள் மூன்று அல்லது அதற்கு மேற்பட்ட கர்ப்பங்கள் அப்பெண்ணுக்கு கருப்பை வாய் புற்றுநோயை உருவாக்கும் அதிக ஆபத்தில் வைக்கலாம். எனினும் இது நிச்சயமற்றது.
மோசமான உணவு முறை
பழங்கள் மற்றும் காய்கறிகளை எடுத்துகொள்வதால் உண்டாகும் குறைபாடுகள் உடலை பல்வேறு வழிகளில் பாதிப்பை உண்டாக்கலாம். கர்ப்பப்பை வாய்ப் புற்றுநோய்க்கான ஆபத்தை அதிகரிப்பது இதில் அடங்கும். பதப்படுத்தப்பட்ட உணவு எளிமையாக இருக்கலாம். சுவையாக இருக்கலாம். ஆனல் உடலில் புதிய உணவில் உள்ள வைட்டமின்களின் ஊட்டச்சத்து தேவைப்படுகிறது.
பிசிஓஎஸ் பெண்கள் உடல் எடை குறைப்பது கடினம் தான், ஆனா இதை ஃபாலோ பண்ணுங்க பலன் கிடைக்கும்!
உடலை ஆரோக்கியமாக வைத்திருக்க அனைத்து நிற காய்கறிகள், பழங்களை எடுத்துகொள்வது சிறப்பானது. சிவப்பு, ஆரஞ்சு, மஞ்சள், பச்சை, நீலம் மற்றும் ஊதா போன்ற காய்கறிகள், பழங்கள் மற்றும் பல காய்கறி, பழங்களில் இருக்கும் அடர்நிறங்கள் ஆரோக்கியத்தை மேம்படுத்தும்.