அமிலத்தன்மை கொண்டவர்கள்
நெல்லிக்காய் வைட்டமின் சி நிறைந்தது. இது அமிலத்தன்மைக்கு வழிவகுக்கும். நெஞ்செரிச்சல் மற்றும் அதிர்வெண் தீவிரத்தை குறைக்க இது நல்லது என்கிறது ஆய்வுகள்.
dementia: அலுமினிய பாத்திரங்களை பயன்படுத்தினால் ஞாபக மறதி உண்டாகுமா.. உண்மை என்ன?
ஆனால் அதிக அமிலத்தன்மை கொண்டவர்களுக்கு இந்த அறிகுறிகள் மோசமாகலாம். இவர்கள் வெறும் வயிற்றில் நெல்லிக்காய் சாப்பிடுவது வயிற்றின் புறணியை எரிச்சலடய செய்யலாம். மற்றும் அமிலத்தன்மையை தூண்டும்.
ரத்த பிரச்சனை உள்ளவர்கள்
நெல்லிக்காய் ஆண்டி பிளேட்லெட் பண்புகளை கொண்டுள்ளது. ஏற்கனவே இரத்தம் தொடர்பான கோளாறுகலால் பாதிக்கப்பட்டவர்கள் நெல்லிக்காய் எடுப்பது நல்லதல்ல. இதன் ஆண்டி பிளேட்லெட் பண்புகள் இரத்தத்தை மெல்லியதாகவும் இரத்த உறைதலை தடுக்கவும் முடியும். அதனால் இந்த கோளாறால் அவதிப்படுபவர்கள் நெல்லிக்காய் எடுப்பதற்கு முன்பு மருத்துவரை அணுவது நல்லது.
சர்க்கரை நோயாளிகள்
நெல்லிக்காய் சர்க்கரை நோயாளிகளுக்கு மிகவும் நல்லது. ஆனால் ரத்த சர்க்கரை அளவு குறைவாக இருப்பவர்கள் நெல்லிக்காய் சாப்பிடக் கூடாது. நெல்லிக்காயில் அதிக அளவில் நார்ச்சத்து இருப்பதால் சர்க்கரை நோய் உள்ளவர்கள் சாப்பிடுவதில் தவறில்லைதான். அதேசமயம், குறைந்த சர்க்கரை பிரச்சினை உள்ளவர்கள் இதை சாப்பிடக் கூடாது. ஏனெனில் அது சர்க்கரை அளவை மேலும் குறைத்து விடலாம்.
இதய நோயாளிகள்
இதய நோயாளிகள் நெல்லிக்காய் சாப்பிடுவதில் கவனமாக இருப்பது நல்லது. சில மருந்துகளை சாப்பிடும்போது நெல்லிக்காய் சாப்பிடக் கூடாது.
thyroid diet : தைராய்டை உணவு முறையில் சரி செய்ய இதை சேருங்க.. இதை தவிருங்க.. நிபுணர் தரும் குறிப்பு!
குறிப்பாக இதய நோய்க்கான மருந்துகளுடன் நெல்லிக்காயை சாப்பிடக் கூடாது. அதுகுறித்து மருத்துவர்களிடம் கேட்டுக் கொள்வது நல்லது.
மலச்சிக்கல் பிரச்சனை
நெல்லிக்காய் சாப்பிட்டால் மலம் கழிப்பது சுலபாகும். அதேசமயம், அதிக அளவில் நெல்லிக்காயை அதிகம் எடுத்துகொண்டால் மலச்சிக்கல் ஏற்படும் வாய்ப்புகளும் உள்ளன. ஏற்கனவே மலச்சிக்கல் பிரச்சனை கொண்டவர்கள் நெல்லிக்காய் எடுப்பதில் கவனம் செலுத்த வேண்டும்.
சிறுநீரக கோளாறு
சிறுநீர் உற்பத்தியை அதிகரிப்பதில் நெல்லிக்காய் முக்கியப் பங்கு வகிக்கிறது. இதனால் அடிக்கடி சிறுநீர் பிரிந்து உடலில் நீர்ச்சத்து குறைபாடு ஏற்படவும் வாய்ப்புள்ளது. சிறுநீரக கோளாறு உள்ளவர்கள் மருத்துவரின் அறிவுரைப்படி எடுக்க வேண்டும்.
சிலருக்கு எடை இழப்பு பிரச்சினையும் ஏற்படும். குறிப்பாக கர்ப்பிணிப் பெண்கள் நெல்லிக்காய் சாப்பிடுவதில் கவனம் காட்டுவது நல்லது.
சருமம் மற்றும் கூந்தல் பிரச்சனை
நமது உடலில் தேங்கியிருக்கும் டாக்சின், கழிவுப் பொருட்களை அகற்றுவதிலும் நெல்லிக்காய் முக்கியப் பங்கு வகிக்கிறது. ஆனால் வறண்ட சருமம் இருந்தால் அதிக அளவு நெல்லிக்காய் எடுப்பது பிரச்சனையை மோசமாக்கும்.
முடி உதிர்தல், அரிப்பு, பொடுகு மற்றும் முடி தொடர்பான பிரச்சனைகளுக்கு வழிவகுக்கும். இது நீரிழப்பையும் உண்டு செய்யும். அதனால் நெல்லிக்காய் சாப்பிட்ட பிறகு தண்ணீர் குடிக்க பரிந்துரைக்கப்படுகிறது.